Devi Mahatmyam Chapter 2 Slokas 1-13

 த்³விதீயோ(அ)த்⁴யாய꞉

மத்யம சரித்திரம்
ந்யாஸம்
ஓம் அஸ்ய ஶ்ரீ மத்⁴யமசரித்ரஸ்ய விஷ்ணுர்ருʼஷி꞉ உஷ்ணிக் ச²ந்த³꞉
மஹாலக்ஷ்மீர்தே³வதா . ஶாகம்ப⁴ரீ ஶக்தி꞉ . து³ர்கா³ பீ³ஜம் வாயுஸ்தத்த்வம் .
யஜுர்வேத³꞉ ஸ்வரூபம் . ஶ்ரீமஹாலக்ஷ்மீப்ரீத்யர்தே² ஜபே விநியோக³꞉

த்⁴யானம்
ௐ அக்ஷஸ்ரக்பரஶூம் க³தே³ஷுகுலிஶம்ʼ பத்³மம்ʼ த⁴னு꞉ குண்டி³காம்ʼ
த³ண்ட³ம்ʼ ஶக்திமஸிம்ʼ ச சர்ம ஜலஜம்ʼ க⁴ண்டாம்ʼ ஸுராபா⁴ஜனம்
ஶூலம்ʼ பாஶஸுத³ர்ஶனே ச த³த⁴தீம்ʼ ஹஸ்தை꞉ ப்ரவாலப்ரபா⁴ம்ʼ
ஸேவே ஸௌரிப⁴மர்தி³னீமிஹ மஹாலக்ஷ்மீம்ʼ ஸரோஜஸ்தி²தாம்

Devi Mahatmyam Chapter 2 Slokas 1-13 Meaning

 

Devi Mahatmyam Chapter 2 Slokas 1-13

 

ௐ ஹ்ரீம்ʼ ருʼஷிருவாச .. 1..

தே³வாஸுரமபூ⁴த்³யுத்³த⁴ம்ʼ பூர்ணமப்³த³ஶதம்ʼ புரா .
மஹிஷே(அ)ஸுராணாமதி⁴பே தே³வானாம்ʼ ச புரந்த³ரே .. 2..

தத்ராஸுரைர்மஹாவீர்யைர்தே³வஸைன்யம்ʼ பராஜிதம் .
ஜித்வா ச ஸகலான் தே³வானிந்த்³ரோ(அ)பூ⁴ன்மஹிஷாஸுர꞉ .. 3..

தத꞉ பராஜிதா தே³வா꞉ பத்³மயோனிம்ʼ ப்ரஜாபதிம் .
புரஸ்க்ருʼத்ய க³தாஸ்தத்ர யத்ரேஶக³ருட³த்⁴வஜௌ .. 4..

யதா²வ்ருʼத்தம்ʼ தயோஸ்தத்³வன்மஹிஷாஸுரசேஷ்டிதம் .
த்ரித³ஶா꞉ கத²யாமாஸுர்தே³வாபி⁴ப⁴வவிஸ்தரம் .. 5..

ஸூர்யேந்த்³ராக்³ன்யனிலேந்தூ³னாம்ʼ யமஸ்ய வருணஸ்ய ச .
அன்யேஷாம்ʼ சாதி⁴காரான்ஸ ஸ்வயமேவாதி⁴திஷ்ட²தி .. 6..

ஸ்வர்கா³ந்நிராக்ருʼதா꞉ ஸர்வே தேன தே³வக³ணா பு⁴வி .
விசரந்தி யதா² மர்த்யா மஹிஷேண து³ராத்மனா .. 7..

ஏதத்³வ꞉ கதி²தம்ʼ ஸர்வமமராரிவிசேஷ்டிதம் .
ஶரணம்ʼ வ꞉ ப்ரபன்னா꞉ ஸ்மோ வத⁴ஸ்தஸ்ய விசிந்த்யதாம் .. 8..

இத்த²ம்ʼ நிஶம்ய தே³வானாம்ʼ வசாம்ʼஸி மது⁴ஸூத³ன꞉ .
சகார கோபம்ʼ ஶம்பு⁴ஶ்ச ப்⁴ருகுடீகுடிலானனௌ .. 9..

ததோ(அ)திகோபபூர்ணஸ்ய சக்ரிணோ வத³னாத்தத꞉ .
நிஶ்சக்ராம மஹத்தேஜோ ப்³ரஹ்மண꞉ ஶங்கரஸ்ய ச .. 10..

அன்யேஷாம்ʼ சைவ தே³வானாம்ʼ ஶக்ராதீ³னாம்ʼ ஶரீரத꞉ .
நிர்க³தம்ʼ ஸுமஹத்தேஜஸ்தச்சைக்யம்ʼ ஸமக³ச்ச²த .. 11..

அதீவ தேஜஸ꞉ கூடம்ʼ ஜ்வலந்தமிவ பர்வதம் .
த³த்³ருʼஶுஸ்தே ஸுராஸ்தத்ர ஜ்வாலாவ்யாப்ததி³க³ந்தரம் .. 12..

அதுலம்ʼ தத்ர தத்தேஜ꞉ ஸர்வதே³வஶரீரஜம் .
ஏகஸ்த²ம்ʼ தத³பூ⁴ந்நாரீ வ்யாப்தலோகத்ரயம்ʼ த்விஷா .. 13..