Contents:
Devi Narayaneeyam – Dvavimsa Dasakam – Krishna Katha
Narayaneeyam Dasakam 22 Krishna Katha Sloka 1-2 Meaning
Narayaneeyam Dasakam 22 Krishna Katha Sloka 1-2
ஶ்ரிய꞉பதிர்கோ³மலமூத்ரக³ந்தி⁴ன்யஸ்தப்ரபோ⁴ கோ³பகுலே விஷண்ண꞉ .
க்ருʼஷ்ணாபி⁴தோ⁴ வத்ஸப³காதி³பீ⁴தோ ருத³ன் ஸதா³ தே³வீ நினாய பா³ல்யம் .. 22-1..
ஹையங்க³வீனம்ʼ மதி²தம்ʼ பயஶ்ச கோ³பீர்விலஜ்ஜ꞉ ஸததம்ʼ யயாசே .
ஸ சாம்ப³யா கோ³ரஸசௌர்யசுஞ்சுருலூக²லே பாஶவரேண ப³த்³த⁴꞉ .. 22-2..
श्रियःपतिर्गोमलमूत्रगन्धिन्यस्तप्रभो गोपकुले विषण्णः ।
कृष्णाभिधो वत्सबकादिभीतो रुदन् सदा देवी निनाय बाल्यम् ॥ २२-१॥
हैयङ्गवीनं मथितं पयश्च गोपीर्विलज्जः सततं ययाचे ।
स चाम्बया गोरसचौर्यचुञ्चुरुलूखले पाशवरेण बद्धः ॥ २२-२॥
Narayaneeyam Dasakam 22 Krishna Katha Sloka 3-5 Meaning
Narayaneeyam Dasakam 22 Krishna Katha Sloka 3-5
வனேஷு பீ⁴மாதபஶுஷ்ககா³த்ரோ கா³ஶ்சாரயன் கண்டகவித்³த⁴பாத³꞉ .
வன்யாம்பு³பாயீ ப²லமூலப⁴க்ஷீ தி³னே தி³னே க்³லானிமவாப க்ருʼஷ்ண꞉ .. 22-3..
தை³வேன முக்த꞉ ஸ ச கோ³பதா³ஸ்யாத³க்ரூரனீதோ மது²ராம்ʼ ப்ரவிஷ்ட꞉ .
கம்ʼஸம்ʼ நிஹத்யாபி ஹதாபி⁴லாஷஸ்தத்ரோக்³ரஸேனஸ்ய ப³பூ⁴வ தா³ஸ꞉ .. 22-4..
த்³ருʼஷ்ட்வா ஜராஸந்த⁴சமூம்ʼ ப⁴யேன ஸ ப³ந்து⁴மித்ரோ மது²ராம்ʼ விஹாய .
தா⁴வன் கத²ஞ்சித்³ப³ஹுது³ர்க³மார்த꞉ ஸ த்³வாரகாத்³வீபபுரம்ʼ விவேஶ .. 22-5..
वनेषु भीमातपशुष्कगात्रो गाश्चारयन् कण्टकविद्धपादः ।
वन्याम्बुपायी फलमूलभक्षी दिने दिने ग्लानिमवाप कृष्णः ॥ २२-३॥
दैवेन मुक्तः स च गोपदास्यादक्रूरनीतो मथुरां प्रविष्टः ।
कंसं निहत्यापि हताभिलाषस्तत्रोग्रसेनस्य बभूव दासः ॥ २२-४॥
दृष्ट्वा जरासन्धचमूं भयेन स बन्धुमित्रो मथुरां विहाय ।
धावन् कथञ्चिद्बहुदुर्गमार्तः स द्वारकाद्वीपपुरं विवेश ॥ २२-५॥
Narayaneeyam Dasakam 22 Krishna Katha Sloka 6-7 Meaning
Narayaneeyam Dasakam 22 Krishna Katha Sloka 6-7
ஸ ருக்மிணீம்ʼ ஜாம்ப³வதீம்ʼ ச பா⁴மாம்ʼ கந்யாஸ்ததா² த்³வ்யஷ்டஸஹஸ்ரமன்யா꞉ .
ஸமுத்³வஹன் ஸஸ்மிதனர்மலாப꞉ க்ரீடா³ம்ருʼகோ³(அ)பூ⁴த்ஸததம்ʼ வதூ⁴னாம் .. 22-6..
ஸ த³ஸ்யுவ்ருʼத்திஸ்த்ரிதி³வாஜ்ஜஹார பா⁴மாநியுக்த꞉ ஸுரபாரிஜாதம் .
ஸத்யா ச தம்ʼ கோ³வ்ருʼஷவத்ஸரோஷம்ʼ ப³த்³த்⁴வா தரௌ து³ர்வசஸா(அ)ப்⁴யஷிஞ்சத் .. 22-7..
स रुक्मिणीं जाम्बवतीं च भामां कन्यास्तथा द्व्यष्टसहस्रमन्याः ।
समुद्वहन् सस्मितनर्मलापः क्रीडामृगोऽभूत्सततं वधूनाम् ॥ २२-६॥
स दस्युवृत्तिस्त्रिदिवाज्जहार भामानियुक्तः सुरपारिजातम् ।
सत्या च तं गोवृषवत्सरोषं बद्ध्वा तरौ दुर्वचसाऽभ्यषिञ्चत् ॥ २२-७॥
Narayaneeyam Dasakam 22 Krishna Katha Sloka 8-9 Meaning
Narayaneeyam Dasakam 22 Krishna Katha Sloka 8-9
ஶ்ரீநாரதா³யாதித²யே தயா ஸ த³த்தோத² முக்தோ முனினா ச நீத꞉ .
ததஸ்தயா(அ)ஸ்மை கனகம்ʼ ப்ரதா³ய புனர்க்³ருʼஹீதஸ்த்ரபயா(ஆ)ப மௌனம் .. 22-8..
ஸூதீக்³ருʼஹாத்³பீ⁴ஷ்மகஜாஸுதே ஸ ப்ரத்³யும்னநாம்னீஶ்வரி ஶம்ப³ரேண .
ஹ்ருʼதே ஶிஶௌ நிர்மதி²தாபி⁴மான உச்சை ருத³ம்ʼஸ்த்வாம்ʼ ஶரணம்ʼ ப்ரபன்ன꞉ .. 22-9..
श्रीनारदायातिथये तया स दत्तोथ मुक्तो मुनिना च नीतः ।
ततस्तयाऽस्मै कनकं प्रदाय पुनर्गृहीतस्त्रपयाऽऽप मौनम् ॥ २२-८॥
सूतीगृहाद्भीष्मकजासुते स प्रद्युम्ननाम्नीश्वरि शम्बरेण ।
हृते शिशौ निर्मथिताभिमान उच्चै रुदंस्त्वां शरणं प्रपन्नः ॥ २२-९॥
Narayaneeyam Dasakam 22 Krishna Katha Sloka 10-11 Meaning
Narayaneeyam Dasakam 22 Krishna Katha Sloka 10-11
புத்ரார்தி²னீம்ʼ ஜாம்ப³வதீமபுத்ராம்ʼ ஸ தோஷயிஷ்யன்னுபமன்யுஶிஷ்ய꞉ .
முண்டீ³ ச த³ண்டீ³ ச ஶிவஸ்ய ஶைலே மந்த்ரம்ʼ ஜபன் கோ⁴ரதபஶ்சகார .. 22-10..
வரேண ப⁴ர்க³ஸ்ய த³ஶாத்மஜான் ஸா ப்ராஸூத ஸர்வா த³யிதாஶ்ச ஶௌரே꞉ .
ததை²வ லப்³த்⁴வா ஸ ஸுதாயுதானி ஸுக²ம்ʼ ந லேபே⁴ நிஜகர்மதோ³ஷாத் .. 22-11..
पुत्रार्थिनीं जाम्बवतीमपुत्रां स तोषयिष्यन्नुपमन्युशिष्यः ।
मुण्डी च दण्डी च शिवस्य शैले मन्त्रं जपन् घोरतपश्चकार ॥ २२-१०॥
वरेण भर्गस्य दशात्मजान् सा प्रासूत सर्वा दयिताश्च शौरेः ।
तथैव लब्ध्वा स सुतायुतानि सुखं न लेभे निजकर्मदोषात् ॥ २२-११॥
Narayaneeyam Dasakam 22 Krishna Katha Sloka 12-13 Meaning
Narayaneeyam Dasakam 22 Krishna Katha Sloka 12-13
ஶாபாத்³ருʼஷீணாம்ʼ த்⁴ருʼதராஷ்ட்ரபத்ன்யாஶ்சான்யோன்யவைரேண க்ருʼதாஹவேஷு .
ஸர்வே ஹதா ஹந்த குலம்ʼ யதூ³னாம்ʼ மஹத்ப்ரத³க்³த⁴ம்ʼ வனமக்³னினேவ .. 22-12..
வ்யாதே⁴ஷுவித்³தோ⁴ ம்ருʼதிமாப க்ருʼஷ்ண꞉ குஶஸ்த²லீ சாப்³தி⁴ஜலாப்லுதா(அ)பூ⁴த் .
ஹா ஜஹ்ரிரே த³ஸ்யுபி⁴ரேனஸா(அ)ஷ்டாவக்ரஸ்ய ஶாபேன யது³ஸ்த்ரியஶ்ச .. 22-13..
शापादृषीणां धृतराष्ट्रपत्न्याश्चान्योन्यवैरेण कृताहवेषु ।
सर्वे हता हन्त कुलं यदूनां महत्प्रदग्धं वनमग्निनेव ॥ २२-१२॥
व्याधेषुविद्धो मृतिमाप कृष्णः कुशस्थली चाब्धिजलाप्लुताऽभूत् ।
हा जह्रिरे दस्युभिरेनसाऽष्टावक्रस्य शापेन यदुस्त्रियश्च ॥ २२-१३॥
Narayaneeyam Dasakam 22 Krishna Katha Sloka 14-15 Meaning
Narayaneeyam Dasakam 22 Krishna Katha Sloka 14-15
ஏவம்ʼ ஹரி꞉ கர்மப²லான்யபு⁴ங்க்த ந கோ(அ)பி முச்யேத ச கர்மப³ந்தா⁴த் .
து³꞉க²ம்ʼ த்வப⁴க்தஸ்ய ஸுது³ஸ்ஸஹம்ʼ ஸ்யாத்³ப⁴க்தஸ்ய தே தத்ஸுஸஹம்ʼ ப⁴வேச்ச .. 22-14..
ஜானாஸ்யஹம்ʼ தே பத³யோரப⁴க்தோ ப⁴க்தோ நு கிம்ʼ வேதி ந சைவ ஜானே .
த்வம்ʼ ஸர்வஶக்தா குரு மாம்ʼ ஸுஶக்தம்ʼ ஸர்வத்ர பூ⁴யோ(அ)பி ஶிவே நமஸ்தே .. 22-15..
एवं हरिः कर्मफलान्यभुङ्क्त न कोऽपि मुच्येत च कर्मबन्धात् ।
दुःखं त्वभक्तस्य सुदुस्सहं स्याद्भक्तस्य ते तत्सुसहं भवेच्च ॥ २२-१४॥
जानास्यहं ते पदयोरभक्तो भक्तो नु किं वेति न चैव जाने ।
त्वं सर्वशक्ता कुरु मां सुशक्तं सर्वत्र भूयोऽपि शिवे नमस्ते ॥ २२-१५॥