Ganapathi Upanishad

க³ணேஶாத²ர்வஶீர்ஷம்

ௐ ப⁴த்³ரம்ʼ கர்ணே॑பி⁴꞉ ஶ்ருʼணு॒யாம॑ தே³வா꞉ . ப⁴த்³ரம்ʼ ப॑ஶ்யேமா॒க்ஷபி⁴ர்யஜ॑த்ரா꞉ .
ஸ்தி²ரைரங்கை³ஸ்துஷ்டு॒வாஸ॑ஸ்த॒னூபி⁴꞉ . வ்யஶே॑ம தே³வஹி॑தம்ʼ யதா³யு॑꞉ .
ஸ்வ॒ஸ்தி ந॒ இந்த்³ரோ॑ வ்ரு॒ʼத்³த⁴ஶ்ர॑வா꞉ . ஸ்வ॒ஸ்தி ந॑꞉ பூ॒ஷா வி॒ஶ்வவே॑தா³꞉ .
ஸ்வ॒ஸ்தி ந॒ஸ்தார்க்ஷ்யோ॒ அரி॑ஷ்டனேமி꞉ . ஸ்வ॒ஸ்தி நோ॒ ப்³ருʼஹ॒ஸ்பதி॑ர்த³தா⁴து ..
ௐ ஶாந்தி॒꞉ ஶாந்தி॒꞉ ஶாந்தி॑꞉ ..
ௐ அத க³ணேஶாத²ர்வஶீர்ஷம் வ்யாக்யாஸ்யாம꞉
ௐ நம॑ஸ்தே க³ணப॑தயே . த்வமே॒வ ப்ர॒த்யக்ஷம்ʼ தத்த்வ॑மஸி .
த்வமே॒வ கே॒வலம்ʼ கர்தா॑(அ)ஸி . த்வமே॒வ கே॒வலம்ʼ த⁴ர்தா॑(அ)ஸி . த்வமே॒வ கே॒வலம்ʼ ஹர்தா॑(அ)ஸி .
த்வமேவ ஸர்வம்ʼ க²ல்வித³ம்ʼ ப்³ரஹ்மா॒ஸி . த்வம்ʼ ஸாக்ஷாதா³த்மா॑(அ)ஸி நி॒த்யம் .. 1..

ரு॑ʼதம்ʼ வ॒ச்மி . ஸ॑த்யம்ʼ வ॒ச்மி .. 2..

அ॒வ த்வம்ʼ மாம் . அவ॑ வ॒க்தாரம்᳚ . அவ॑ ஶ்ரோ॒தாரம்᳚ . அவ॑ தா³தாரம்᳚ . அவ॑ தா⁴தாரம் .
அவானூசானம॑வ ஶி॒ஷ்யம் . அவ॑ ப॒ஶ்சாத்தா᳚த் . அவ॑ பு॒ரஸ்தா᳚த் . அவோத்த॒ராத்தா᳚த் .
அவ॑ த³க்ஷி॒ணாத்தாத் . அவ॑ சோ॒ர்த்⁴வாத்தாத் . அவாத⁴ராத்தாத் .
ஸர்வதோ மாம்ʼ பாஹி பாஹி॑ ஸம॒ந்தாத் .. 3..

த்வம்ʼ வாங்மய॑ஸ்த்வம்ʼ சின்ம॒ய꞉ . த்வமானந்த³மய॑ஸ்த்வம்ʼ ப்³ரஹ்ம॒மய꞉ . த்வம்ʼ ஸச்சிதா³னந்தா³(அ)த்³வி॑தீயோ॒(அ)ஸி .
த்வம்ʼ ப்ர॒த்யக்ஷம்ʼ ப்³ரஹ்மா॑ஸி . த்வம்ʼ ஜ்ஞானமயோ விஜ்ஞான॑மயோ॒(அ)ஸி .. 4..

ஸர்வம்ʼ ஜக³தி³த³ம்ʼ த்வ॑த்தோ ஜா॒யதே . ஸர்வம்ʼ ஜக³தி³த³ம்ʼ த்வ॑த்தஸ்தி॒ஷ்ட²தி .
ஸர்வம்ʼ ஜக³தி³த³ம்ʼ த்வயி ல॑யமேஷ்ய॒தி . ஸர்வம்ʼ ஜக³தி³த³ம்ʼ த்வயி॑ ப்ரத்யே॒தி .
த்வம்ʼ பூ⁴மிராபோ(அ)னலோ(அ)னி॑லோ ந॒ப⁴꞉ . த்வம்ʼ சத்வாரி வா᳚க்பதா³னி .. 5..

த்வம்ʼ கு³ணத்ர॑யாதீ॒த꞉ த்வம்ʼ தே³ஹத்ர॑யாதீ॒த꞉ .
த்வம்ʼ கா॒லத்ர॑யாதீ॒த꞉ . த்வம்ʼ மூலாதா⁴ரஸ்தி²தோ॑(அ)ஸி நி॒த்யம் . த்வம்ʼ ஶக்தித்ர॑யாத்ம॒க꞉ .
த்வாம்ʼ யோகி³னோ த்⁴யாய॑ந்தி நி॒த்யம் . த்வம்ʼ ப்³ரஹ்மா த்வம்ʼ விஷ்ணுஸ்த்வம்ʼ ருத்³ரஸ்த்வமிந்த்³ரஸ்த்வமக்³நிஸ்த்வம்ʼ
வாயுஸ்த்வம்ʼ ஸூர்யஸ்த்வம்ʼ சந்த்³ரமாஸ்த்வம்ʼ ப்³ரஹ்ம॒ பூ⁴ர்பு⁴வ॒꞉ ஸ்வரோம் .. 6..

க³ணாதி³ம்ʼ பூர்வ॑முச்சா॒ர்ய॒ வ॒ர்ணாதி³ம்ʼஸ்தத³ன॒ந்தரம் . அனுஸ்வார꞉ ப॑ரத॒ர꞉ . அர்தே⁴᳚ந்து³ல॒ஸிதம் .
தாரே॑ண ரு॒ʼத்³த⁴ம் . ஏதத்தவ மனு॑ஸ்வரூ॒பம் . க³கார꞉ பூ᳚ர்வரூ॒பம் . அகாரோ மத்⁴ய॑மரூ॒பம் .
அனுஸ்வாரஶ்சா᳚ந்த்யரூ॒பம் . பி³ந்து³ருத்த॑ரரூ॒பம் . நாத³꞉ ஸந்தா⁴னம் . ஸஹி॑தா ஸ॒ந்தி⁴꞉ .
ஸைஷா க³ணே॑ஶவி॒த்³யா . க³ண॑க ரு॒ʼஷி꞉ . நிச்ருʼத்³கா³ய॑த்ரீச்ச²ந்த³꞉ .
க³ணபதி॑ர்தே³வ॒தா . ௐ க³ம்ʼ க³ணப॑தயே நம꞉ .. 7..

ஏகத³ந்தாய॑ வி॒த்³மஹே॑ வக்ரது॒ண்டா³ய॑ தீ⁴மஹி . தன்னோ॑ த³ந்தி꞉ ப்ரசோ॒த³யாத் .. 8..

ஏகத³ந்தம்ʼ ச॑துர்ஹ॒ஸ்தம்ʼ பா॒ஶம॑ங்குஶ॒தா⁴ரி॑ணம் . ரத³ம்ʼ ச॒ வர॑த³ம்ʼ ஹ॒ஸ்தை॒ர்பி³ப்⁴ராணம்ʼ மூஷ॒கத்⁴வ॑ஜம் .
ரக்தம்ʼ ல॒ம்போ³த³ரம்ʼ ஶூ॒ர்ப॒க॒ர்ணகம்ʼ ரக்த॒வாஸ॑ஸம் . ரக்த॑க³ந்தா⁴னு॑லிப்தா॒ங்க³ம்ʼ ர॒க்தபு॑ஷ்பை꞉ ஸு॒பூஜி॑தம் .
ப⁴க்தா॑னு॒கம்பி॑னம்ʼ தே³வம்ʼ ஜ॒க³த்கா॑ரண॒மச்யு॑தம் . ஆவி॑ர்பூ⁴தம்ʼ ச॑ ஸ்ரு॒ʼஷ்ட்யா॒தௌ³ ப்ர॒க்ருʼதே᳚꞉ புரு॒ஷாத்ப॑ரம் .
ஏவம்ʼ த்⁴யா॒யதி॑ யோ நி॒த்யம்ʼ ஸ॒ யோகீ³ யோகி³நாம்ʼ வ॑ர꞉ .. 9..

நமோ வ்ராதபதயே . நமோ க³ணபதயே . நம꞉ ப்ரமத²பதயே .
நமஸ்தே(அ)ஸ்து லம்போ³த³ராயைகத³ந்தாய விக்⁴னவிநாஶினே ஶிவஸுதாய ஶ்ரீவரத³மூர்தயே॒ நம॑꞉ .. 10..

ஏதத³த²ர்வஶீர்ஷம்ʼ யோ(அ)தீ⁴தே . ஸ ப்³ரஹ்மபூ⁴யா॑ய க॒ல்பதே . ஸ ஸர்வவிக்⁴னைர்ன பா³த்⁴யதே .
ஸ ஸர்வத꞉ ஸுக²மேத⁴தே . ஸ பஞ்சமஹாபாபாத் ப்ரமு॒ச்யதே .
ஸா॒யம॑தீ⁴யா॒னோ॒ தி³வஸக்ருʼதம்ʼ பாபம்ʼ நாஶ॒யதி . ப்ரா॒தர॑தீ⁴யா॒னோ॒ ராத்ரிக்ருʼதம்ʼ பாபம்ʼ நாஶ॒யதி .
ஸாயம்ʼ ப்ராத꞉ ப்ர॑யுஞ்ஜா॒னோ॒ (அ)பா॑போ ப⁴வதி . ஸர்வத்ராதீ⁴யானோ(அ)பவி॑க்⁴னோ ப⁴வதி .
த⁴ர்மார்த²காமமோக்ஷம்ʼ ச வி॒ந்த³தி . இத³மத²ர்வஶீர்ஷமஶிஷ்யாய॑ ந தே³யம் .
யோ யதி³ மோ॑ஹாத்³ தா³ஸ்யதி ஸ பாபீ॑யான் ப⁴வதி .
ஸஹஸ்ராவர்தநாத்³யம்ʼ யம்ʼ காம॑மதீ⁴தே தம்ʼ தமனே॑ன ஸா॒த⁴யேத் .. 11..

அனேன க³ணபதிம॑பி⁴ஷி॒ஞ்சதி ஸ வா॑க்³மீ ப⁴வதி .
சதுர்த்²யாமன॑ஶ்னன் ஜ॒பதி ஸ வித்³யா॑வான் ப⁴வதி . இத்யத²ர்வ॑ணவா॒க்யம் .
ப்³ரஹ்மாத்³யாவர॑ணம்ʼ வி॒த்³யான்ன பி³பே⁴தி கதா³சனே॒தி .. 12..

யோ தூ³ர்வாங்கு॑ரைர்ய॒ஜதி ஸ வைஶ்ரவணோப॑மோ ப⁴வதி .
யோ லா॑ஜைர்ய॒ஜதி ஸ யஶோ॑வான் ப⁴வதி . ஸ மேதா⁴வான் ப⁴வதி .
யோ மோத³கஸஹஸ்ரே॑ண ய॒ஜதி ஸ வாஞ்சி²தப²லம॑வாப்னோ॒தி .
ய꞉ ஸாஜ்ய ஸமி॑த்³பி⁴ர்ய॒ஜதி ஸ ஸர்வம்ʼ லப⁴தே ஸ ஸ॑ர்வம்ʼ ல॒ப⁴தே .. 13..

அஷ்டௌ ப்³ராஹ்மணான் ஸம்யக்³ க்³ரா॑ஹயி॒த்வா ஸூர்யவர்ச॑ஸ்வீ ப⁴வதி .
ஸூர்யக்³ரஹே ம॑ஹான॒த்³யாம்ʼ ப்ரதிமாஸந்நிதௌ⁴ வா ஜ॒ப்த்வா ஸித்³த⁴ம॑ந்த்ரோ ப⁴வதி .
மஹாவிக்⁴னாத் ப்ரமு॒ச்யதே . மஹாதோ³ஷாத் ப்ரமு॒ச்யதே . மஹாபாபா᳚த் ப்ரமு॒ச்யதே . ஸ ஸர்வவித்³ப⁴வதி ஸ ஸர்வ॑வித்³ப⁴வதி .
ய ஏ॑வம்ʼ வே॒த³ . இத்யு॑ப॒நிஷ॑த் .. 14..
ஸஹ நா வவது ஸஹ நௌ புனக்து ஸஹ வீர்யம் கரவாவஹை
தேஜஸ்வி நாவதீதமஸ்து மா வித்விஷாவஹை
ௐ ஶாந்தி॒꞉ ஶாந்தி॒꞉ ஶாந்தி॑꞉ ..

ௐ ஶாந்தி॒꞉ ஶாந்தி॒꞉ ஶாந்தி॑꞉ ..

गणेशाथर्वशीर्षम्

ॐ भ॒द्रं कर्णे॑भिः श‍ृणु॒याम॑ देवाः । भ॒द्रं प॑श्येमा॒क्षभि॒र्यज॑त्राः ।
स्थि॒रैरङ्गै᳚स्तुष्टु॒वा स॑स्त॒नूभिः॑ । व्यशे॑म दे॒वहि॑तं॒ यदायुः॑ ।
स्व॒स्ति न॒ इन्द्रो॑ वृ॒द्धश्र॑वाः । स्व॒स्ति नः॑ पू॒षा वि॒श्ववे॑दाः ।
स्व॒स्ति न॒स्तार्क्ष्यो॒ अरि॑ष्टनेमिः । स्व॒स्ति नो॒ बृह॒स्पति॑र्दधातु ॥
ॐ शान्तिः॒ शान्तिः॒ शान्तिः॑ ॥

ॐ नम॑स्ते ग॒णप॑तये । त्वमे॒व प्र॒त्यक्षं॒ तत्त्व॑मसि ।
त्वमे॒व के॒वलं॒ कर्ता॑ऽसि । त्वमे॒व के॒वलं॒ धर्ता॑ऽसि । त्वमे॒व के॒वलं॒ हर्ता॑ऽसि ।
त्वमेव सर्वं खल्विदं॑ ब्रह्मा॒सि । त्वं साक्षादात्मा॑ऽसि नि॒त्यम् ॥ १॥

ऋ॑तं व॒च्मि । स॑त्यं व॒च्मि ॥ २॥

अ॒व त्वं॒ माम् । अव॑ व॒क्तारम्᳚ । अव॑ श्रो॒तारम्᳚ । अव॑ दा॒तारम्᳚ । अव॑ धा॒तारम्᳚ ।
अवानूचानम॑व शि॒ष्यम् । अव॑ प॒श्चात्ता᳚त् । अव॑ पु॒रस्ता᳚त् । अवोत्त॒रात्ता᳚त् ।
अव॑ दक्षि॒णात्ता᳚त् । अव॑ चो॒र्ध्वात्ता᳚त् । अवाध॒रात्ता᳚त् ।
सर्वतो मां पाहि पाहि॑ सम॒न्तात् ॥ ३॥

त्वं वाङ्मय॑स्त्वं चिन्म॒यः । त्वमानन्दमय॑स्त्वं ब्रह्म॒मयः । त्वं सच्चिदानन्दाऽद्वि॑तीयो॒ऽसि ।
त्वं प्र॒त्यक्षं॒ ब्रह्मा॑सि । त्वं ज्ञानमयो विज्ञान॑मयो॒ऽसि ॥ ४॥

सर्वं जगदिदं त्व॑त्तो जा॒यते । सर्वं जगदिदं त्व॑त्तस्ति॒ष्ठति ।
सर्वं जगदिदं त्वयि ल॑यमेष्य॒ति । सर्वं जगदिदं त्वयि॑ प्रत्ये॒ति ।
त्वं भूमिरापोऽनलोऽनि॑लो न॒भः । त्वं चत्वारि वा᳚क्पदा॒नि ॥ ५॥

त्वं गु॒णत्र॑याती॒तः । त्वं दे॒हत्र॑याती॒तः ।
त्वं का॒लत्र॑याती॒तः । त्वं मूलाधारस्थितो॑ऽसि नि॒त्यम् । त्वं शक्तित्र॑यात्म॒कः ।
त्वां योगिनो ध्याय॑न्ति नि॒त्यम् । त्वं ब्रह्मा त्वं विष्णुस्त्वं रुद्रस्त्वमिन्द्रस्त्वमग्निस्त्वं
वायुस्त्वं सूर्यस्त्वं चन्द्रमास्त्वं ब्रह्म॒ भूर्भुवः॒ स्वरोम् ॥ ६॥

ग॒णादिं᳚ पूर्व॑मुच्चा॒र्य॒ व॒र्णादिं᳚स्तदन॒न्तरम् । अनुस्वारः प॑रत॒रः । अर्धे᳚न्दुल॒सितम् ।
तारे॑ण ऋ॒द्धम् । एतत्तव मनु॑स्वरू॒पम् । गकारः पू᳚र्वरू॒पम् । अकारो मध्य॑मरू॒पम् ।
अनुस्वारश्चा᳚न्त्यरू॒पम् । बिन्दुरुत्त॑ररू॒पम् । नादः॑ सन्धा॒नम् । सहि॑ता स॒न्धिः ।
सैषा गणे॑शवि॒द्या । गण॑क ऋ॒षिः । निचृद्गाय॑त्रीच्छ॒न्दः ।
गणपति॑र्देव॒ता । ॐ गं ग॒णप॑तये नमः ॥ ७॥

एकद॒न्ताय॑ वि॒द्महे॑ वक्रतु॒ण्डाय॑ धीमहि । तन्नो॑ दन्तिः प्रचो॒दया᳚त् ॥ ८॥

एकद॒न्तं च॑तुर्ह॒स्तं॒ पा॒शम॑ङ्कुश॒धारि॑णम् । रदं॑ च॒ वर॑दं ह॒स्तै॒र्बि॒भ्राणं॑ मूष॒कध्व॑जम् ।
रक्तं॑ ल॒म्बोद॑रं शू॒र्प॒क॒र्णकं॑ रक्त॒वास॑सम् । रक्त॑ग॒न्धानु॑लिप्ता॒ङ्गं॒ र॒क्तपु॑ष्पैः सु॒पूजि॑तम् ।
भक्ता॑नु॒कम्पि॑नं दे॒वं॒ ज॒गत्का॑रण॒मच्यु॑तम् । आवि॑र्भू॒तं च॑ सृ॒ष्ट्या॒दौ॒ प्र॒कृतेः᳚ पुरु॒षात्प॑रम् ।
एवं॑ ध्या॒यति॑ यो नि॒त्यं॒ स॒ योगी॑ योगि॒नां व॑रः ॥ ९॥

नमो व्रातपतये । नमो गणपतये । नमः प्रमथपतये ।
नमस्तेऽस्तु लम्बोदरायैकदन्ताय विघ्नविनाशिने शिवसुताय श्रीवरदमूर्तये॒ नमः॑ ॥ १०॥

एतदथर्वशीर्षं॑ योऽधी॒ते । स ब्रह्मभूया॑य क॒ल्पते । स सर्वविघ्नै᳚र्न बा॒ध्यते ।
स सर्वतः सुख॑मेध॒ते । स पञ्चमहापापा᳚त् प्रमु॒च्यते ।
सा॒यम॑धीया॒नो॒ दिवसकृतं पापं॑ नाश॒यति । प्रा॒तर॑धीया॒नो॒ रात्रिकृतं पापं॑ नाश॒यति ।
सायं प्रातः प्र॑युञ्जा॒नो॒ पापोऽपा॑पो भ॒वति । सर्वत्राधीयानोऽपवि॑घ्नो भ॒वति ।
धर्मार्थकाममोक्षं॑ च वि॒न्दति । इदमथर्वशीर्षमशिष्याय॑ न दे॒यम् ।
यो यदि मो॑हाद् दा॒स्यति स पापी॑यान् भ॒वति ।
सहस्रावर्तनाद्यं यं काम॑मधी॒ते तं तमने॑न सा॒धयेत् ॥ ११॥

अनेन गणपतिम॑भिषि॒ञ्चति स वा॑ग्मी भ॒वति ।
चतुर्थ्यामन॑श्नन् ज॒पति स विद्या॑वान् भ॒वति । इत्यथर्व॑णवा॒क्यम् ।
ब्रह्माद्यावर॑णं वि॒द्यान्न बिभेति कदा॑चने॒ति ॥ १२॥

यो दूर्वाङ्कु॑रैर्य॒जति स वैश्रवणोप॑मो भ॒वति ।
यो ला॑जैर्य॒जति स यशो॑वान् भ॒वति । स मेधा॑वान् भ॒वति ।
यो मोदकसहस्रे॑ण य॒जति स वाञ्छितफलम॑वाप्नो॒ति ।
यः साज्य समि॑द्भिर्य॒जति स सर्वं लभते स स॑र्वं ल॒भते ॥ १३॥

अष्टौ ब्राह्मणान् सम्यग् ग्रा॑हयि॒त्वा सूर्यवर्च॑स्वी भ॒वति ।
सूर्यग्रहे म॑हान॒द्यां प्रतिमासन्निधौ वा ज॒प्त्वा सिद्धम॑न्त्रो भ॒वति ।
महाविघ्ना᳚त् प्रमु॒च्यते । महादोषा᳚त् प्रमु॒च्यते । महापापा᳚त् प्रमु॒च्यते ।
स सर्वविद्भवति स सर्व॑विद्भ॒वति । य ए॑वं वे॒द । इत्यु॑प॒निष॑त् ॥ १४॥

ॐ शान्तिः॒ शान्तिः॒ शान्तिः॑ ॥

Ganapathi Upanishad

Ganapathi Upanishad

Submit a Comment Cancel reply