ஶ்ரீஸரஸ்வதீ ஸூக்தம்
இயமத³தா³த்³ரப⁴ஸம்ருʼணச்யுதம்ʼ தி³வோதா³ஸம்ʼ வத்⁴ர்யஶ்வாயம்ʼ தா³ஶுஷே
யா ஶஶ்வந்தமாசக²ஶதா³வஸம்ʼ பணிம்ʼ தா தே தா³த்ராணி தவிஷா ஸரஸ்வதீ .. 1..
இயம்ʼ ஶுஷ்மேபி⁴ர்பி³ஸகா² இவாருஜத்ஸானும்ʼ கி³ரீணாம்ʼ தவிஷேபி⁴ரூர்மிபி⁴꞉
பாராவதக்⁴னீமவஸே ஸுவ்ருʼக்திபி⁴꞉ ஸரஸ்வதீ மா விவாஸேம தீ⁴திபி⁴꞉ .. 2..
ஸரஸ்வதி தே³வனிதோ³ நி ப³ர்ஹய ப்ரஜாம்ʼ விஶ்வஸ்ய ப்³ருʼஸயஸ்ய மாயின꞉
உத க்ஷிதிப்⁴யோ(அ)வநீரவிந்தோ³ விஷமேப்⁴யோ அஸ்ரவோ வாஜினீவதி .. 3..
ப்ரணோ தே³வீ ஸரஸ்வதீ வாஜேபி⁴ர்வாஜினீவதீ . தீ⁴நாமவித்ர்யவது .. 4
யஸ்த்வா தே³வி ஸரஸ்வத்யுபப்³ரூதே த⁴னே ஹிதே . இந்த்³ரம்ʼ ந வ்ருʼத்ரதூர்யே .. 5..
த்வம்ʼ தே³வி ஸரஸ்வத்யவா வாஜேஷு வாஜினி . ரதா³ பூஷேவ ந꞉ ஸனிம் .. 6..
உத ஸ்யா ந꞉ ஸரஸ்வதீ கோ⁴ரா ஹிரண்யவர்தனி꞉ . வ்ருʼத்ரக்⁴னீ வஷ்டி ஸுஷ்டுதிம் .. 7..
யஸ்யா அனந்தோ அஹ்ருதஸ்த்வேஷஶ்சரிஷ்ணுரர்ணவ꞉ . அமஶ்சரதி ரோருவத் .. 8..
ஸா நோ விஶ்வா அதி த்³விஷ꞉ ஸ்வஸ்ரூʼரன்யா ருʼதாவரீ . அதன்னஹேவ ஸூர்ய꞉ .. 9..
உத ந꞉ ப்ரியா ப்ரியாஸு ஸப்தஸ்வஸா ஸுஜுஷ்டா . ஸரஸ்வதீ ஸ்தோம்யா பூ⁴த் .. 10..
ஆபப்ருஷீ பார்தி²வான்யுரு ரஜோ அந்தரிக்ஷம் . ஸரஸ்வதீ நித³ஸ்பாது .. 11..
த்ரிஷத⁴ஸ்தா² ஸப்ததா⁴து꞉ பஞ்சம்ʼ ஜாதா வர்த⁴யந்தீ . வாஜேவாஜே ஹவ்யாபூ⁴த் .. 12..
ப்ர யா மஹிம்னா மஹினாஸு சேகிதே த்³யும்னேபி⁴ரன்யா அபஸாமபஸ்தமா
ரத² இவ ப்³ருʼஹதீ விப்⁴வனே க்ருʼதோபஸ்துத்யா சிகிதுஷா ஸரஸ்வதீ .. 13..
ஸரஸ்வத்யபி⁴ நோ நேஷி வஸ்யோ மாப ஸ்ப²ரீ꞉ பயஸா மா ந ஆ த⁴க்
ஜுஷஸ்வ ந꞉ ஸக்²யா வேஶ்யா ச மா த்வத் க்ஷேத்ராண்யரேணானி க³ன்ம .. 14..
ப்ர க்ஷோஸா தா⁴யஸா ஸஸ்ர ஏஷா ஸரஸ்வதீ த⁴ருணமாய॑ஸீ பூ꞉
ப்ரபா³ப³தா⁴னா ரத்²யேவ யாதி விஶ்வா அபோ மஹினா ஸிந்து⁴ரன்யா꞉ .. 15..
ஏகாசேதத் ஸரஸ்வதீ நதீ³னாம்ʼ ஶுசிர்யதீ கி³ரிப்⁴ய ஆ ஸமுத்³ராத்
ராயஶ்சேதந்தீ பு⁴வனஸ்ய பூ⁴ரேர்க்⁴ருʼதம்ʼ பயோ து³து³ஹே நாஹுஷாய .. 16..
ஸ வாவ்ருʼதே⁴ னர்யோ யோஷணாஸு வ்ருʼஷா ஶிஶுர்வ்ருʼஷபோ⁴ யஜ்ஞியாஸு
ஸ வாஜினம்ʼ மக⁴வத்³ப்⁴யோ த³தா⁴தி வி ஸாதயே தன்வம்ʼ மாம்ருʼஜீத .. 17..
உத ஸ்யா ந꞉ ஸரஸ்வதீ ஜுஷாணோப ஶ்ரவத் ஸுப⁴கா³ யஜ்ஞே அஸ்மின்
மிதஜ்ஞுபி⁴ர்நமஸ்யைரியானா ராயா யுஜா சிது³த்தரா ஸகி²ப்⁴ய꞉ .. 18..
இமா ஜுஹ்வானா யுப்மதா³ நமோபி⁴꞉ ப்ரதி ஸ்தோமம்ʼ ஸரஸ்வதி ஜுஷஸ்வ
தவ ஶர்மன் ப்ரியதமே த³தா⁴னா உப ஸ்தே²யாம ஶரணம்ʼ ந வ்ருʼக்ஷம் .. 19..
அபமு தே ஸரஸ்வதி வஸிஷ்டோ² த்³வாராவ்ருʼதஸ்ய ஸுப⁴கே³ வ்யாவ꞉
வர்த⁴ ஶுப்⁴ரே ஸ்துவதே ராஸி வாஜான் யூயம்ʼ பாத ஸ்வஸ்திபி⁴꞉ ஸதா³ ந꞉ .. 20..
ப்³ருʼஹது³ கா³யிஷே வசோ(அ)ஸுர்யா நதீ³னாம்
ஸரஸ்வதீமின்மஹயா ஸுவ்ருʼக்திபி⁴꞉ ஸ்தோமைர்வஸிஷ்ட² ரோத³ஸீ .. 21..
உபே⁴ யத்தே மஹினா ஶுப்⁴ரே அந்த⁴ஸீ அதி⁴க்ஷியந்தி பூரவ꞉
ஸா நோ போ³த்⁴யவித்ரீ மருத்ஸகா² சோத³ ராதோ⁴ மகோ⁴னாம் .. 22..
ப⁴த்³ரமித்³ ப⁴த்³ரா க்ருʼணவத் ஸரஸ்வத்யகவாரீ சேததி வாஜினீவதீ
க்³ருʼணானா ஜமத³க்³னிவத் ஸ்துவானா ச வஸிஷ்ட²வத் .. 23..
ஜனீயந்தோ ந்வக்³ரவ꞉ புத்ரீயந்த꞉ ஸுதா³னவ꞉ . ஸரஸ்வந்தம்ʼ ஹவாமஹே .. 24..
யே தே ஸரஸ்வ ஊர்மயோ மது⁴மந்தோ க்⁴ருʼதஶ்சுத꞉ . தேபி⁴ர்னோ(அ)விதா ப⁴வ .. 25..
பீபிவாம்ʼஸம்ʼ ஸரஸ்வத꞉ ஸ்தனம்ʼ யோ விஶ்வத³ர்ஶத꞉
ப⁴க்ஷீமஹி ப்ரஜாமிஷம் .. 26..
அம்பி³தமே நதீ³தமே தே³விதமே ஸரஸ்வதி
அப்ரஶஸ்தா இவ ஸ்மஸி ப்ரஶஸ்திமம்ப³ நஸ்க்ருʼதி⁴ .. 27..
த்வே விஶ்வா ஸரஸ்வதி சிதாயூம்ʼஷி தே³வ்யாம்
ஶுனஹோத்ரேஷு மத்ஸ்வ ப்ரஜாம்ʼ தே³வி தி³தி³ட்³டி⁴ ந꞉ .. 28..
இமா ப்³ரஹ்ம ஸரஸ்வதி ஜுஷஸ்வ வாஜினீவதி
யா தே மன்ம க்³ருʼத்ஸமதா³ ருʼதாவரி ப்ரியா தே³வேஷு ஜுஹ்வதி .. 29..
பாவகா ந꞉ ஸரஸ்வதீ பா³ஜேபி⁴ர்வாஜினீவதீ . யஜ்ஞ வஷ்டு தி⁴யாவஸூ꞉ .. 30..
சோதா³யித்ரீ ஸூந்ருʼதானாம்ʼ சேதந்தீ ஸுமதீனாம் . யஜ்ஞம்ʼ த³தே⁴ ஸரஸ்வதீ .. 31..
மஹோ அர்ண꞉ ஸரஸ்வதீ ப்ர சேதயதி கேதுனா . தி⁴யோ விஶ்வா வி ரீஜதி .. 32..
ஸரஸ்வதீம்ʼ தை³வ்யந்தோ ஹவந்தே ஸரஸ்வதீமத்⁴வரே தாயமானே
ஸரஸ்வதீம்ʼ ஸுக்ருʼதோ அஹ்வயந்த ஸரஸ்வதீ தா³ஶுஷே வார்யம்ʼ தா³த் .. 33..
ஸரஸ்வதி யா ஸரத²ம்ʼ யயாத² ஸ்வதா⁴பி⁴ர்தே³வி பித்ருʼபி⁴ர்மத³ந்தீ
ஆஸத்³யாஸ்மின் ப³ர்ஹிஷி மாத³யஸ்வானமீவா இஷ ஆ தே⁴ஹ்யஸ்மே .. 34..
ஸரஸ்வதீம்ʼ யாம்ʼ பிதரோ ஹவந்தே த³க்ஷிணா யஜ்ஞமபி⁴னக்ஷமாணா꞉
ஸஹஸ்ரார்க⁴மிளோ அத்ர பா⁴க³ம்ʼ ராயஸ்போஷம்ʼ யஜமானேஷு தே⁴ஹி .. 35..
ஆ நோ தி³வோ ப்³ருʼஹத꞉ பர்வதாதா³ ஸரஸ்வதீ யஜதா க³ந்து யஜ்ஞம்
ஹவம்ʼ தே³வீ ஜுஜுஷாணா க்⁴ருʼதாசீ ஶக்³மாம்ʼ நோ வாசமுஶதீ ஶ்ருʼணோது .. 36..
ராகாமஹம்ʼ ஸுஹவீம்ʼ ஸுஷ்டுதீ ஹுவே ஶ்ருʼணோது ந꞉ ஸுப⁴கா³ போ³த⁴து த்மனா
ஸீவ்யத்வப꞉ ஸூச்யாச்சி²த்³யமானயா த³தா³து வீரம்ʼ ஶததா³யயமுக்த்²யம் .. 37..
யாஸ்தே ராகே ஸுமதய꞉ ஸுபேஶஸோ யாபி⁴ர்த³தா³ஸி தா³ஶுஷே வஸூனி
தாபி⁴ர்னோ அத்³ய ஸுமனா உபாக³ஹி ஸஹஸ்ரபோஷம்ʼ ஸுப⁴கே³ ரராணா .. 38..
ஸினீவாலி ப்ருʼது²ஷ்டுகே யா தே³வாநாமஸி ஸ்வஸா
ஜுஷஸ்வ ஹவ்யமாஹுதம்ʼ ப்ரஜாம்ʼ தே³வி தி³தி³ட்³டி⁴ ந꞉ .. 39..
யா ஸுபா³ஹு꞉ ஸ்வங்கு³ரி꞉ ஸுஷூமா ப³ஹுஸூவரீ
தஸ்யை விஶ்பந்த்யை ஹவி꞉ ஸினீவால்யை ஜுஹோதன .. 40..
யா கு³ங்கூ³ர்யா ஸினீவாலீ யா ராகா யா ஸரஸ்வதீ
இந்த்³ராணீமஹ்வ ஊதயே வருணானீம்ʼ ஸ்வஸ்தயே .. 41..
ௐ ஶாந்தி꞉ ஶாந்தி꞉ ஶாந்தி꞉ ..
श्रीसरस्वती सूक्तम्
ऋग्वेदं षष्ठं मण्डलं ६१ सूक्तम् ।
इयमददाद्रभसमृणच्युतं दिवोदासं वध्र्यश्वायं दाशुषे ।
या शश्वन्तमाचखशदावसं पणिं ता ते दात्राणि तविषा सरस्वती ॥ १॥
इयं शुष्मेभिर्बिसखा इवारुजत्सानुं गिरीणां तविषेभिरूर्मिभिः ।
पारावतघ्नीमवसे सुवृक्तिभिः सरस्वती मा विवासेम धीतिभिः ॥ २॥
सरस्वति देवनिदो नि बर्हय प्रजां विश्वस्य बृसयस्य मायिनः ।
उत क्षितिभ्योऽवनीरविन्दो विषमेभ्यो अस्रवो वाजिनीवति ॥ ३॥
प्रणो देवी सरस्वती वाजेभिर्वाजिनीवती । धीनामवित्र्यवतु ॥ ४।
यस्त्वा देवि सरस्वत्युपब्रूते धने हिते । इन्द्रं न वृत्रतूर्ये ॥ ५॥
त्वं देवि सरस्वत्यवा वाजेषु वाजिनि । रदा पूषेव नः सनिम् ॥ ६॥
उत स्या नः सरस्वती घोरा हिरण्यवर्तनिः । वृत्रघ्नी वष्टि सुष्टुतिम् ॥ ७॥
यस्या अनन्तो अह्रुतस्त्वेषश्चरिष्णुरर्णवः । अमश्चरति रोरुवत् ॥ ८॥
सा नो विश्वा अति द्विषः स्वसॄरन्या ऋतावरी । अतन्नहेव सूर्यः ॥ ९॥
उत नः प्रिया प्रियासु सप्तस्वसा सुजुष्टा । सरस्वती स्तोम्या भूत् ॥ १०॥
आपप्रुषी पार्थिवान्युरु रजो अन्तरिक्षम् । सरस्वती निदस्पातु ॥ ११॥
त्रिषधस्था सप्तधातुः पञ्चं जाता वर्धयन्ती । वाजेवाजे हव्याभूत् ॥ १२॥
प्र या महिम्ना महिनासु चेकिते द्युम्नेभिरन्या अपसामपस्तमा ।
रथ इव बृहती विभ्वने कृतोपस्तुत्या चिकितुषा सरस्वती ॥ १३॥
सरस्वत्यभि नो नेषि वस्यो माप स्फरीः पयसा मा न आ धक् ।
जुषस्व नः सख्या वेश्या च मा त्वत् क्षेत्राण्यरेणानि गन्म ॥ १४॥
प्र क्षोसा धायसा सस्र एषा सरस्वती धरुणमाय॑सी पूः ।
प्रबाबधाना रथ्येव याति विश्वा अपो महिना सिन्धुरन्याः ॥ १५॥
एकाचेतत् सरस्वती नदीनां शुचिर्यती गिरिभ्य आ समुद्रात् ।
रायश्चेतन्ती भुवनस्य भूरेर्घृतं पयो दुदुहे नाहुषाय ॥ १६॥
स वावृधे नर्यो योषणासु वृषा शिशुर्वृषभो यज्ञियासु ।
स वाजिनं मघवद्भ्यो दधाति वि सातये तन्वं मामृजीत ॥ १७॥
उत स्या नः सरस्वती जुषाणोप श्रवत् सुभगा यज्ञे अस्मिन् ।
मितज्ञुभिर्नमस्यैरियाना राया युजा चिदुत्तरा सखिभ्यः ॥ १८॥
इमा जुह्वाना युप्मदा नमोभिः प्रति स्तोमं सरस्वति जुषस्व ।
तव शर्मन् प्रियतमे दधाना उप स्थेयाम शरणं न वृक्षम् ॥ १९॥
अपमु ते सरस्वति वसिष्ठो द्वारावृतस्य सुभगे व्यावः ।
वर्ध शुभ्रे स्तुवते रासि वाजान् यूयं पात स्वस्तिभिः सदा नः ॥ २०॥
बृहदु गायिषे वचोऽसुर्या नदीनाम् ।
सरस्वतीमिन्महया सुवृक्तिभिः स्तोमैर्वसिष्ठ रोदसी ॥ २१॥
उभे यत्ते महिना शुभ्रे अन्धसी अधिक्षियन्ति पूरवः ।
सा नो बोध्यवित्री मरुत्सखा चोद राधो मघोनाम् ॥ २२॥
भद्रमिद् भद्रा कृणवत् सरस्वत्यकवारी चेतति वाजिनीवती ।
गृणाना जमदग्निवत् स्तुवाना च वसिष्ठवत् ॥ २३॥
जनीयन्तो न्वग्रवः पुत्रीयन्तः सुदानवः । सरस्वन्तं हवामहे ॥ २४॥
ये ते सरस्व ऊर्मयो मधुमन्तो घृतश्चुतः । तेभिर्नोऽविता भव ॥ २५॥
पीपिवांसं सरस्वतः स्तनं यो विश्वदर्शतः ।
भक्षीमहि प्रजामिषम् ॥ २६॥
अम्बितमे नदीतमे देवितमे सरस्वति ।
अप्रशस्ता इव स्मसि प्रशस्तिमम्ब नस्कृधि ॥ २७॥
त्वे विश्वा सरस्वति चितायूंषि देव्याम् ।
शुनहोत्रेषु मत्स्व प्रजां देवि दिदिड्ढि नः ॥ २८॥
इमा ब्रह्म सरस्वति जुषस्व वाजिनीवति ।
या ते मन्म गृत्समदा ऋतावरि प्रिया देवेषु जुह्वति ॥ २९॥
पावका नः सरस्वती बाजेभिर्वाजिनीवती । यज्ञ वष्टु धियावसूः ॥ ३०॥
चोदायित्री सूनृतानां चेतन्ती सुमतीनाम् । यज्ञं दधे सरस्वती ॥ ३१॥
महो अर्णः सरस्वती प्र चेतयति केतुना । धियो विश्वा वि रीजति ॥ ३२॥
सरस्वतीं दैव्यन्तो हवन्ते सरस्वतीमध्वरे तायमाने ।
सरस्वतीं सुकृतो अह्वयन्त सरस्वती दाशुषे वार्यं दात् ॥ ३३॥
सरस्वति या सरथं ययाथ स्वधाभिर्देवि पितृभिर्मदन्ती ।
आसद्यास्मिन् बर्हिषि मादयस्वानमीवा इष आ धेह्यस्मे ॥ ३४॥
सरस्वतीं यां पितरो हवन्ते दक्षिणा यज्ञमभिनक्षमाणाः ।
सहस्रार्घमिळो अत्र भागं रायस्पोषं यजमानेषु धेहि ॥ ३५॥
आ नो दिवो बृहतः पर्वतादा सरस्वती यजता गन्तु यज्ञम् ।
हवं देवी जुजुषाणा घृताची शग्मां नो वाचमुशती शृणोतु ॥ ३६॥
राकामहं सुहवीं सुष्टुती हुवे शृणोतु नः सुभगा बोधतु त्मना ।
सीव्यत्वपः सूच्याच्छिद्यमानया ददातु वीरं शतदाययमुक्थ्यम् ॥ ३७॥
यास्ते राके सुमतयः सुपेशसो याभिर्ददासि दाशुषे वसूनि ।
ताभिर्नो अद्य सुमना उपागहि सहस्रपोषं सुभगे रराणा ॥ ३८॥
सिनीवालि पृथुष्टुके या देवानामसि स्वसा ।
जुषस्व हव्यमाहुतं प्रजां देवि दिदिड्ढि नः ॥ ३९॥
या सुबाहुः स्वङ्गुरिः सुषूमा बहुसूवरी ।
तस्यै विश्पन्त्यै हविः सिनीवाल्यै जुहोतन ॥ ४०॥
या गुङ्गूर्या सिनीवाली या राका या सरस्वती ।
इन्द्राणीमह्व ऊतये वरुणानीं स्वस्तये ॥ ४१॥
ॐ शान्तिः शान्तिः शान्तिः ॥