Contents
- Kataksha Sathakam 1-3
- Kataksha Sathakam 4-6
- Kataksha Sathakam 7-9
- Kataksha Sathakam 10-12
- Kataksha Sathakam 13-15
- Kataksha Sathakam 16-18
- Kataksha Sathakam 19-21
- Kataksha Sathakam 22-24
- Kataksha Sathakam 25-27
- Kataksha Sathakam 28-30
- Kataksha Sathakam 31-33
- Kataksha Sathakam 34-36
- Kataksha Sathakam 37-39
- Kataksha Sathakam 40-42
- Kataksha Sathakam 43-45
- Kataksha Sathakam 46-48
- Kataksha Sathakam 49-51
- Kataksha Sathakam 52-54
- Kataksha Sathakam 55-57
- Kataksha Sathakam 58-60
- Kataksha Sathakam 61-63
- Kataksha Sathakam 64-66
- Kataksha Sathakam 67-69
- Kataksha Sathakam 70-72
- Kataksha Sathakam 73-75
- Kataksha Sathakam 76-78
- Kataksha Sathakam 79-81
- Kataksha Sathakam 82-84
- Kataksha Sathakam 85-87
- Kataksha Sathakam 88-90
- Kataksha Sathakam 91-93
- Kataksha Sathakam 94-96
- Kataksha Sathakam 97-99
- Kataksha Sathakam 100-101
Kataksha Sathakam 1-3 Meaning
Kataksha Sathakam 1-3 Slokas
मोहान्धकारनिवहं विनिहन्तुमीडे
मूकात्मनामपि महाकवितावदान्यान् ।
श्रीकाञ्चिदेशशिशिरीकृतिजागरूकान्
एकाम्रनाथतरुणीकरुणावलोकान् ॥1॥
मातर्जयन्ति ममताग्रहमोक्षणानि
माहेन्द्रनीलरुचिशिक्षणदक्षिणानि ।
कामाक्षि कल्पितजगत्त्रयरक्षणानि
त्वद्वीक्षणानि वरदानविचक्षणानि ॥2॥
आनङ्गतन्त्रविधिदर्शितकौशलानाम्
आनन्दमन्दपरिघूर्णितमन्थराणाम् ।
तारल्यमम्ब तव ताडितकर्णसीम्नां
कामाक्षि खेलति कटाक्षनिरीक्षणानाम् ॥3॥
மோஹாந்தகாரனிவஹம் வினிஹந்துமீடே
மூகாத்மனாமபி மஹாகவிதாவதாந்யாந் |
ஶ்ரீகாஞ்சிதேஶஶிஶிரீக்ருதிஜாகரூகாந்
ஏகாம்ரனாததருணீகருணாவலோகாந் ||1||
மாதர்ஜயந்தி மமதாக்ரஹமோக்ஷணானி
மாஹேந்த்ரனீலருசிஶிக்ஷணதக்ஷிணானி |
காமாக்ஷி கல்பிதஜகத்த்ரயரக்ஷணானி
த்வத்வீக்ஷணானி வரதானவிசக்ஷணானி ||2||
ஆனங்கதந்த்ரவிதிதர்ஶிதகௌஶலானாம்
ஆனந்தமந்தபரிகூர்ணிதமந்தராணாம் |
தாரல்யமம்ப தவ தாடிதகர்ணஸீம்னாம்
காமாக்ஷி கேலதி கடாக்ஷனிரீக்ஷணானாம் ||3||
Kataksha Sathakam 4-6 Meaning
Kataksha Sathakam 4-6 Slokas
कल्लोलितेन करुणारसवेल्लितेन
कल्माषितेन कमनीयमृदुस्मितेन ।
मामञ्चितेन तव किञ्चन कुञ्चितेन
कामाक्षि तेन शिशिरीकुरु वीक्षितेन ॥4॥
साहाय्यकं गतवती मुहुरर्जनस्य
मन्दस्मितस्य परितोषितभीमचेताः ।
कामाक्षि पाण्डवचमूरिव तावकीना
कर्णान्तिकं चलति हन्त कटाक्षलक्ष्मीः ॥5॥
अस्तं क्षणान्नयतु मे परितापसूर्यम्
आनन्दचन्द्रमसमानयतां प्रकाशम् ।
कालान्धकारसुषुमां कलयन्दिगन्ते
कामाक्षि कोमलकटाक्षनिशागमस्ते ॥6॥
கல்லோலிதேன கருணாரஸவேல்லிதேன
கல்மாஷிதேன கமனீயம்ருதுஸ்மிதேன |
மாமஞ்சிதேன தவ கிம்சன குஞ்சிதேன
காமாக்ஷி தேன ஶிஶிரீகுரு வீக்ஷிதேன ||4||
ஸாஹாய்யகம் கதவதீ முஹுரர்ஜனஸ்ய
மந்தஸ்மிதஸ்ய பரிதோஷிதபீமசேதா: |
காமாக்ஷி பாண்டவசமூரிவ தாவகீனா
கர்ணாந்திகம் சலதி ஹந்த கடாக்ஷலக்ஷ்மீ: ||5||
அஸ்தம் க்ஷணாந்னயது மே பரிதாபஸூர்யம்
ஆனந்தசந்த்ரமஸமானயதாம் ப்ரகாஶம் |
காலாந்தகாரஸுஷுமாம் கலயந்திகந்தே
காமாக்ஷி கோமலகடாக்ஷனிஶாகமஸ்தே ||6||
Kataksha Sathakam 7-9 Meaning
Kataksha Sathakam 7-9 Slokas
ताटाङ्कमौक्तिकरुचाङ्कुरदन्तकान्तिः
कारुण्यहस्तिपशिखामणिनाधिरूढः ।
उन्मूलयत्वशुभपादपमस्मदीयं
कामाक्षि तावककटाक्षमतङ्गजेतन्द्रः ॥7॥
छायाभरणे जगतां परितापहारी
ताटङ्करत्नमणितल्लजपल्लवश्रीः ।
कारुण्यनाम विकिरन्मकरन्दजालं
कामाक्षि राजति कटाक्षसुरद्रुमस्ते ॥8॥
सूर्याश्रयप्रणयिनी मणिकुण्डलांशु-
लौहित्यकोकनदकाननमाननीया ।
यान्ती तव स्मरहराननकान्तिसिन्धुं
कामाक्षि राजति कटाक्षकलिन्दकन्या ॥9॥
தாடாங்கமௌக்திகருசாங்குரதந்தகாந்தி:
காருண்யஹஸ்திபஶிகாமணினாதிரூட: |
உந்மூலயத்வஶுபபாதபமஸ்மதீயம்
காமாக்ஷி தாவககடாக்ஷமதங்கஜேதந்த்ர: ||7||
சாயாபரணே ஜகதாம் பரிதாபஹாரீ
தாடங்கரத்னமணிதல்லஜபல்லவஶ்ரீ: |
காருண்யனாம விகிரந்மகரந்தஜாலம்
காமாக்ஷி ராஜதி கடாக்ஷஸுரத்ருமஸ்தே ||8||
ஸூர்யாஶ்ரயப்ரணயினீ மணிகுண்டலாம்ஶு-
லௌஹித்யகோகனதகானனமானனீயா |
யாந்தீ தவ ஸ்மரஹரானனகாந்திஸிந்தும்
காமாக்ஷி ராஜதி கடாக்ஷகலிந்தகந்யா ||9||
Kataksha Sathakam 10-12 Meaning
Kataksha Sathakam 10-12 Slokas
प्राप्नोति यं सुकृतिनं तव पक्षपातात्
कामाक्षि वीक्षणविलासकलापुरन्ध्री ।
सद्यस्तमेव किल मुक्तिवधूर्वृणीते
तस्मान्नितान्तमनयोरिदमैकमत्यम् ॥10॥
यान्ती सदैव मरुतामनुकूलभावं
भ्रूवल्लिशक्रधनुरुल्लसिता रसार्द्रा ।
कामाक्षि कौतुकतरङ्गितनीलकण्ठा
कादम्बिनीव तव भाति कटाक्षमाला ॥11॥
गङ्गाम्भसि स्मितमये तपनात्मजेव
गङ्गाधरोरसि नवोत्पलमालिकेव ।
वक्त्रप्रभासरसि शैवलमण्डलीव
कामाक्षि राजति कटाक्षरुचिच्छटा ते ॥12॥
ப்ராப்னோதி யம் ஸுக்ருதினம் தவ பக்ஷபாதாத்
காமாக்ஷி வீக்ஷணவிலாஸகலாபுரந்த்ரீ |
ஸத்யஸ்தமேவ கில முக்திவதூர்வ்ருணீதே
தஸ்மாந்னிதாந்தமனயோரிதமைகமத்யம் ||10||
யாந்தீ ஸதைவ மருதாமனுகூலபாவம்
ப்ரூவல்லிஶக்ரதனுருல்லஸிதா ரஸார்த்ரா |
காமாக்ஷி கௌதுகதரங்கிதனீலகண்டா
காதம்பினீவ தவ பாதி கடாக்ஷமாலா ||11||
கங்காம்பஸி ஸ்மிதமயே தபனாத்மஜேவ
கங்காதரோரஸி னவோத்பலமாலிகேவ |
வக்த்ரப்ரபாஸரஸி ஶைவலமண்டலீவ
காமாக்ஷி ராஜதி கடாக்ஷருசிச்சடா தே ||12||
Kataksha Sathakam 13-15 Meaning
Kataksha Sathakam 13-15 Slokas
संस्कारतः किमपि कन्दलितान् रसज्ञ-
केदारसीम्नि सुधियामुपभोगयोग्यान् ।
कल्याणसूक्तिलहरीकलमाङ्कुरान्नः
कामाक्षि पक्ष्मलयतु त्वदपाङ्गमेघः ॥13॥
चाञ्चल्यमेव नियतं कलयन्प्रकृत्या
मालिन्यभूः श्रतिपथाक्रमजागरूकः ।
कैवल्यमेव किमु कल्पयते नतानां
कामाक्षि चित्रमपि ते करुणाकटाक्षः ॥14॥
सञ्जीवने जननि चूतशिलीमुखस्य
संमोहने शशिकिशोरकशेखरस्य ।
संस्तम्भने च ममताग्रहचेष्टितस्य
कामाक्षि वीक्षणकला परमौषधं ते ॥15॥
ஸம்ஸ்காரத: கிமபி கந்தலிதாந் ரஸஜ்ஞ-
கேதாரஸீம்னி ஸுதியாமுபபோகயோக்யாந் |
கல்யாணஸூக்திலஹரீகலமாம்குராந்ன:
காமாக்ஷி பக்ஷ்மலயது த்வதபாங்கமேக: ||13||
சாஞ்சல்யமேவ னியதம் கலயந்ப்ரக்ருத்யா
மாலிந்யபூ: ஶ்ரதிபதாக்ரமஜாகரூக: |
கைவல்யமேவ கிமு கல்பயதே னதானாம்
காமாக்ஷி சித்ரமபி தே கருணாகடாக்ஷ: ||14||
ஸம்ஜீவனே ஜனனி சூதஶிலீமுகஸ்ய
ஸம்மோஹனே ஶஶிகிஶோரகஶேகரஸ்ய |
ஸம்ஸ்தம்பனே ச மமதாக்ரஹசேஷ்டிதஸ்ய
காமாக்ஷி வீக்ஷணகலா பரமௌஷதம் தே ||15||
Kataksha Sathakam 16-18 Meaning
Kataksha Sathakam 16-18 Slokas
नीलोஉपि रागमधिकं जनयन्पुरारेः
लोलोஉपि भक्तिमधिकां दृढयन्नराणाम् ।
वक्रोஉपि देवि नमतां समतां वितन्वन्
कामाक्षि नृत्यतु मयि त्वदपाङ्गपातः ॥16॥
कामद्रुहो हृदययन्त्रणजागरूका
कामाक्षि चञ्चलदृगञ्चलमेखला ते ।
आश्चर्यमम्ब भजतां झटिति स्वकीय-
सम्पर्क एव विधुनोति समस्तबन्धान् ॥17॥
कुण्ठीकरोतु विपदं मम कुञ्चितभ्रू-
चापाञ्चितः श्रितविदेहभवानुरागः ।
रक्षोपकारमनिशं जनयञ्जगत्यां
कामाक्षि राम इव ते करुणाकटाक्षः ॥18॥
னீலோஉபி ராகமதிகம் ஜனயந்புராரே:
லோலோஉபி பக்திமதிகாம் த்ருடயந்னராணாம் |
வக்ரோஉபி தேவி னமதாம் ஸமதாம் விதந்வந்
காமாக்ஷி ந்ருத்யது மயி த்வதபாங்கபாத: ||16||
காமத்ருஹோ ஹ்ருதயயந்த்ரணஜாகரூகா
காமாக்ஷி சஞ்சலத்ருகஞ்சலமேகலா தே |
ஆஶ்சர்யமம்ப பஜதாம் ஜடிதி ஸ்வகீய-
ஸம்பர்க ஏவ விதுனோதி ஸமஸ்தபந்தாந் ||17||
குண்டீகரோது விபதம் மம குஞ்சிதப்ரூ-
சாபாஞ்சித: ஶ்ரிதவிதேஹபவானுராக: |
ரக்ஷோபகாரமனிஶம் ஜனயஞ்ஜகத்யாம்
காமாக்ஷி ராம இவ தே கருணாகடாக்ஷ: ||18||
Kataksha Sathakam 19-21 Meaning
Kataksha Sathakam 19-21 Slokas
श्रीकामकोटि शिवलोचनशोषितस्य
शृङ्गारबीजविभवस्य पुनःप्ररोहे ।
प्रेमाम्भसार्द्रमचिरात्प्रचुरेण शङ्के
केदारमम्ब तव केवलदृष्टिपातम् ॥19॥
माहात्म्यशेवधिरसौ तव दुर्विलङ्घ्य-
संसारविन्ध्यगिरिकुण्ठनकेलिचुञ्चुः ।
धैर्याम्बुधिं पशुपतेश्चुलकीकरोति
कामाक्षि वीक्षणविजृम्भणकुम्भजन्मा ॥20॥
पीयूषवर्षवशिशिरा स्फुटदुत्पलश्री-
मैत्री निसर्गमधुरा कृततारकाप्तिः ।
कामाक्षि संश्रितवती वपुरष्टमूर्तेः
ज्योत्स्नायते भगवति त्वदपाङ्गमाला ॥21॥
ஶ்ரீகாமகோடி ஶிவலோசனஶோஷிதஸ்ய
ஶ்ருங்காரபீஜவிபவஸ்ய புன:ப்ரரோஹே |
ப்ரேமாம்பஸார்த்ரமசிராத்ப்ரசுரேண ஶங்கே
கேதாரமம்ப தவ கேவலத்ருஷ்டிபாதம் ||19||
மாஹாத்ம்யஶேவதிரஸௌ தவ துர்விலங்க்ய-
ஸம்ஸாரவிந்த்யகிரிகுண்டனகேலிசுஞ்சு: |
தைர்யாம்புதிம் பஶுபதேஶ்சுலகீகரோதி
காமாக்ஷி வீக்ஷணவிஜ்ரும்பணகும்பஜந்மா ||20||
பீயூஷவர்ஷவஶிஶிரா ஸ்புடதுத்பலஶ்ரீ-
மைத்ரீ னிஸர்கமதுரா க்ருததாரகாப்தி: |
காமாக்ஷி ஸம்ஶ்ரிதவதீ வபுரஷ்டமூர்தே:
ஜ்யோத்ஸ்னாயதே பகவதி த்வதபாங்கமாலா ||21||
Kataksha Sathakam 22-24 Meaning
Kataksha Sathakam 22-24 Slokas
अम्ब स्मरप्रतिभटस्य वपुर्मनोज्ञम्
अम्भोजकाननमिवाञ्चितकण्टकाभम् ।
भृङ्गीव चुम्बति सदैव सपक्षपाता
कामाक्षि कोमलरुचिस्त्वदपाङ्गमाला ॥22॥
केशप्रभापटलनीलवितानजाले
कामाक्षि कुण्डलमणिच्छविदीपशोभे ।
शङ्के कटाक्षरुचिरङ्गतले कृपाख्या
शैलूषिका नटति शङ्करवल्लभे ते ॥23॥
अत्यन्तशीतलमतन्द्रयतु क्षणार्धम्
अस्तोकविभ्रममनङ्गविलासकन्दम् ।
अल्पस्मितादृतमपारकृपाप्रवाहम्
अक्षिप्ररोहमचिरान्मयि कामकोटि ॥24॥
அம்ப ஸ்மரப்ரதிபடஸ்ய வபுர்மனோஜ்ஞம்
அம்போஜகானனமிவாஞ்சிதகண்டகாபம் |
ப்ருங்கீவ சும்பதி ஸதைவ ஸபக்ஷபாதா
காமாக்ஷி கோமலருசிஸ்த்வதபாங்கமாலா ||22||
கேஶப்ரபாபடலனீலவிதானஜாலே
காமாக்ஷி குண்டலமணிச்சவிதீபஶோபே |
ஶங்கே கடாக்ஷருசிரங்கதலே க்ருபாக்யா
ஶைலூஷிகா னடதி ஶம்கரவல்லபே தே ||23||
அத்யந்தஶீதலமதந்த்ரயது க்ஷணார்தம்
அஸ்தோகவிப்ரமமனங்கவிலாஸகந்தம் |
அல்பஸ்மிதாத்ருதமபாரக்ருபாப்ரவாஹம்
அக்ஷிப்ரரோஹமசிராந்மயி காமகோடி ||24||
Kataksha Sathakam 25-27 Meaning
Kataksha Sathakam 25-27 Slokas
मन्दाक्षरागतरलीकृतिपारतन्त्र्यात्
कामाक्षि मन्थरतरां त्वदपाङ्गडोलाम् ।
आरुह्य मन्दमतिकौतुकशालि चक्षुः
आनन्दमेति मुहुरर्धशशाङ्कमौलेः ॥25॥
त्रैयम्बकं त्रिपुरसुन्दरि हर्म्यभूमि-
रङ्गं विहारसरसी करुणाप्रवाहः ।
दासाश्च वासवमुखाः परिपालनीयं
कामाक्षि विश्वमपि वीक्षणभूभृतस्ते ॥26॥
वागीश्वरी सहचरी नियमेन लक्ष्मीः
भ्रूवल्लरीवशकरी भुवनानि गेहम् ।
रूपं त्रिलोकनयनामृतमम्ब तेषां
कामाक्षि येषु तव वीक्षणपारतन्त्री ॥27॥
மந்தாக்ஷராகதரலீக்ருதிபாரதந்த்ர்யாத்
காமாக்ஷி மந்தரதராம் த்வதபாங்கடோலாம் |
ஆருஹ்ய மந்தமதிகௌதுகஶாலி சக்ஷு:
ஆனந்தமேதி முஹுரர்தஶஶாங்கமௌலே: ||25||
த்ரையம்பகம் த்ரிபுரஸுந்தரி ஹர்ம்யபூமி-
ரங்கம் விஹாரஸரஸீ கருணாப்ரவாஹ: |
தாஸாஶ்ச வாஸவமுகா: பரிபாலனீயம்
காமாக்ஷி விஶ்வமபி வீக்ஷணபூப்ருதஸ்தே ||26||
வாகீஶ்வரீ ஸஹசரீ னியமேன லக்ஷ்மீ:
ப்ரூவல்லரீவஶகரீ புவனானி கேஹம் |
ரூபம் த்ரிலோகனயனாம்ருதமம்ப தேஷாம்
காமாக்ஷி யேஷு தவ வீக்ஷணபாரதந்த்ரீ ||27||
Kataksha Sathakam 28-30 Meaning
Kataksha Sathakam 28-30 Slokas
माहेश्वरं झटिति मानसमीनमम्ब
कामाक्षि धैर्यजलधौ नितरां निमग्नम् ।
जालेन शृङ्खलयति त्वदपाङ्गनाम्ना
विस्तारितेन विषमायुधदाशकोஉसौ ॥28॥
उन्मथ्य बोधकमलाकारमम्ब जाड्य-
स्तम्बेरमं मम मनोविपिने भ्रमन्तम् ।
कुण्ठीकुरुष्व तरसा कुटिलाग्रसीम्ना
कामाक्षि तावककटाक्षमहाङ्कुशेन ॥29॥
उद्वेल्लितस्तबकितैर्ललितैर्विलासैः
उत्थाय देवि तव गाढकटाक्षकुञ्जात् ।
दूरं पलाययतु मोहमृगीकुलं मे
कामाक्षि स्तवरमनुग्रहकेसरीन्द्रः ॥30॥
மாஹேஶ்வரம் ஜடிதி மானஸமீனமம்ப
காமாக்ஷி தைர்யஜலதௌ னிதராம் னிமக்னம் |
ஜாலேன ஶ்ருங்கலயதி த்வதபாங்கனாம்னா
விஸ்தாரிதேன விஷமாயுததாஶகோஉஸௌ ||28||
உந்மத்ய போதகமலாகாரமம்ப ஜாட்ய-
ஸ்தம்பேரமம் மம மனோவிபினே ப்ரமந்தம் |
குண்டீகுருஷ்வ தரஸா குடிலாக்ரஸீம்னா
காமாக்ஷி தாவககடாக்ஷமஹாங்குஶேன ||29||
உத்வேல்லிதஸ்தபகிதைர்லலிதைர்விலாஸை:
உத்தாய தேவி தவ காடகடாக்ஷகுஞ்ஜாத் |
தூரம் பலாயயது மோஹம்ருகீகுலம் மே
காமாக்ஷி ஸ்தவரமனுக்ரஹகேஸரீந்த்ர: ||30||
Kataksha Sathakam 31-33 Meaning
Kataksha Sathakam 31-33 Slokas
स्नेहादृतां विदलितोत्पलकन्तिचोरां
जेतारमेव जगदीश्वरि जेतुकामः ।
मानोद्धतो मकरकेतुरसौ धुनीते
कामाक्षि तावककटाक्षकृपाणवल्लीम् ॥31॥
श्रौतीं व्रजन्नपि सदा सरणिं मुनीनां
कामाक्षि सन्ततमपि स्मृतिमार्गगामी ।
कौटिल्यमम्ब कथमस्थिरतां च धत्ते
चौर्यं च पङ्कजरुचां त्वदपाङ्गपातः ॥32॥
नित्यं श्रेतुः परिचितौ यतमानमेव
नीलोत्पलं निजसमीपनिवासलोलम् ।
प्रीत्यैव पाठयति वीक्षणदेशिकेन्द्रः
कामाक्षी किन्तु तव कालिमसम्प्रदायम् ॥33॥
ஸ்னேஹாத்ருதாம் விதலிதோத்பலகந்திசோராம்
ஜேதாரமேவ ஜகதீஶ்வரி ஜேதுகாம: |
மானோத்ததோ மகரகேதுரஸௌ துனீதே
காமாக்ஷி தாவககடாக்ஷக்ருபாணவல்லீம் ||31||
ஶ்ரௌதீம் வ்ரஜந்னபி ஸதா ஸரணிம் முனீனாம்
காமாக்ஷி ஸந்ததமபி ஸ்ம்ருதிமார்ககாமீ |
கௌடில்யமம்ப கதமஸ்திரதாம் ச தத்தே
சௌர்யம் ச பங்கஜருசாம் த்வதபாங்கபாத: ||32||
னித்யம் ஶ்ரேது: பரிசிதௌ யதமானமேவ
னீலோத்பலம் னிஜஸமீபனிவாஸலோலம் |
ப்ரீத்யைவ பாடயதி வீக்ஷணதேஶிகேந்த்ர:
காமாக்ஷீ கிந்து தவ காலிமஸம்ப்ரதாயம் ||33||
Kataksha Sathakam 34-36 Meaning
Kataksha Sathakam 34-36 Slokas
भ्रान्त्वा मुहुः स्तबकितस्मितफेनराशौ
कामाक्षि वक्त्ररुचिसञ्चयवारिराशौ ।
आनन्दति त्रिपुरमर्दननेत्रलक्ष्मीः
आलम्ब्य देवि तव मन्दमपाङ्गसेतुम् ॥34॥
श्यामा तव त्रिपुरसुन्दरि लोचनश्रीः
कामाक्षि कन्दलितमेदुरतारकान्तिः ।
ज्योत्स्नावती स्मितरुचापि कथं तनोति
स्पर्धामहो कुवलयैश्च तथा चकोरैः ॥35॥
कालाञ्जनं च तव देवि निरीक्षणं च
कामाक्षि साम्यसरणिं समुपैति कान्त्या ।
निश्शेषनेत्रसुलभं जगतीषु पूर्व-
मन्यत्त्रिनेत्रसुलभं तुहिनाद्रिकन्ये ॥36॥
ப்ராந்த்வா முஹு: ஸ்தபகிதஸ்மிதபேனராஶௌ
காமாக்ஷி வக்த்ரருசிஸம்சயவாரிராஶௌ |
ஆனந்ததி த்ரிபுரமர்தனனேத்ரலக்ஷ்மீ:
ஆலம்ப்ய தேவி தவ மந்தமபாங்கஸேதும் ||34||
ஶ்யாமா தவ த்ரிபுரஸுந்தரி லோசனஶ்ரீ:
காமாக்ஷி கந்தலிதமேதுரதாரகாந்தி: |
ஜ்யோத்ஸ்னாவதீ ஸ்மிதருசாபி கதம் தனோதி
ஸ்பர்தாமஹோ குவலயைஶ்ச ததா சகோரை: ||35||
காலாஞ்ஜனம் ச தவ தேவி னிரீக்ஷணம் ச
காமாக்ஷி ஸாம்யஸரணிம் ஸமுபைதி காந்த்யா |
னிஶ்ஶேஷனேத்ரஸுலபம் ஜகதீஷு பூர்வ-
மந்யத்த்ரினேத்ரஸுலபம் துஹினாத்ரிகந்யே ||36||
Kataksha Sathakam 37-39 Meaning
Kataksha Sathakam 37-39 Slokas
धूमाङ्कुरो मकरकेतनपावकस्य
कामाक्षि नेत्ररुचिनीलिमचातुरी ते ।
अत्यन्तमद्भुतमिदं नयनत्रयस्य
हर्षोदयं जनयते हरुणाङ्कमौलेः ॥37॥
आरभ्भलेशसमये तव वीक्षणस्स
कामाक्षि मूकमपि वीक्षणमात्रनम्रम् ।
सर्वज्ञता सकललोकसमक्षमेव
कीर्तिस्वयंवरणमाल्यवती वृणीते ॥38॥
कालाम्बुवाह उव ते परितापहारी
कामाक्षि पुष्करमधःकुरुते कटाख़्षः ।
पूर्वः परं क्षणरुचा समुपैति मैत्री-
मन्यस्तु स.ततरुचिं प्रकटीकरोति ॥39॥
தூமாங்குரோ மகரகேதனபாவகஸ்ய
காமாக்ஷி னேத்ரருசினீலிமசாதுரீ தே |
அத்யந்தமத்புதமிதம் னயனத்ரயஸ்ய
ஹர்ஷோதயம் ஜனயதே ஹருணாங்கமௌலே: ||37||
ஆரப்பலேஶஸமயே தவ வீக்ஷணஸ்ஸ
காமாக்ஷி மூகமபி வீக்ஷணமாத்ரனம்ரம் |
ஸர்வஜ்ஞதா ஸகலலோகஸமக்ஷமேவ
கீர்திஸ்வயம்வரணமால்யவதீ வ்ருணீதே ||38||
காலாம்புவாஹ உவ தே பரிதாபஹாரீ
காமாக்ஷி புஷ்கரமத:குருதே கடாக்ஷ: |
பூர்வ: பரம் க்ஷணருசா ஸமுபைதி மைத்ரீ-
மந்யஸ்து ஸ.ததருசிம் ப்ரகடீகரோதி ||39||
Kataksha Sathakam 40-42 Meaning
Kataksha Sathakam 40-42 Slokas
सूक्ष्मेஉपि दुर्गमतरेஉपि गुरुप्रसाद-
साहाय्यकेन विचरन्नपवर्गमार्गे ।
संसारपङ्कनिचये न पतत्यमूं ते
कामाक्षि गाढमवलम्ब्य कटाक्षयष्टिम् ॥40॥
कामाक्षि सन्ततमसौ हरिनीलरत्न-
स्तम्भे कटाक्षरुचिपुञ्जमये भवत्याः ।
बद्धोஉपि भक्तिनिगलैर्मम चित्तहस्ती
स्तम्भं च बन्धमपि मुञ्चति हन्त चित्रम् ॥41॥
कामाक्षि काष्णर्यमपि सन्ततमञ्जनं च
बिभ्रन्निसर्गतरलोஉपि भवत्कटाक्षः ।
वैमल्यमन्वहमनञ्जनता च भूयः
स्थैर्यं च भक्तहृदयाय कथं ददाति ॥42॥
ஸூக்ஷ்மேஉபி துர்கமதரேஉபி குருப்ரஸாத-
ஸாஹாய்யகேன விசரந்னபவர்கமார்கே |
ஸம்ஸாரபங்கனிசயே ன பதத்யமூம் தே
காமாக்ஷி காடமவலம்ப்ய கடாக்ஷயஷ்டிம் ||40||
காமாக்ஷி ஸந்ததமஸௌ ஹரினீலரத்ன-
ஸ்தம்பே கடாக்ஷருசிபுஞ்ஜமயே பவத்யா: |
பத்தோஉபி பக்தினிகலைர்மம சித்தஹஸ்தீ
ஸ்தம்பம் ச பந்தமபி முஞ்சதி ஹந்த சித்ரம் ||41||
காமாக்ஷி காஷ்ணர்யமபி ஸந்ததமஞ்ஜனம் ச
பிப்ரந்னிஸர்கதரலோஉபி பவத்கடாக்ஷ: |
வைமல்யமந்வஹமனஞ்ஜனதா ச பூய:
ஸ்தைர்யம் ச பக்தஹ்ருதயாய கதம் ததாதி ||42||
Kataksha Sathakam 43-45 Meaning
Kataksha Sathakam 43-45 Slokas
मन्दस्मितस्तबकितं मणिकुण्डलांशु-
स्तोमप्रवालरुचिरं शिशिरीकृताशम् ।
कामाक्षि राजति कटाक्षरुचेः कदम्बम्
उद्यानमम्ब करुणाहरिणेक्षणायाः ॥43॥
कामाक्षि तावककटाक्षमहेन्द्रनील-
सिंहासनं श्रितवतो मकरध्वजस्य ।
साम्राज्यमङ्गलविधौ मुणिकुण्डलश्रीः
नीराजनोत्सवतरङ्गितदीपमाला ॥44॥
मातः क्षणं स्नपय मां तव वीक्षितेन
मन्दाक्षितेन सुजनैरपरोक्षितेन ।
कामाक्षि कर्मतिमिरोत्करभास्करेण
श्रेयस्करेण मधुपद्युतितस्करेण ॥45॥
மந்தஸ்மிதஸ்தபகிதம் மணிகுண்டலாம்ஶு-
ஸ்தோமப்ரவாலருசிரம் ஶிஶிரீக்ருதாஶம் |
காமாக்ஷி ராஜதி கடாக்ஷருசே: கதம்பம்
உத்யானமம்ப கருணாஹரிணேக்ஷணாயா: ||43||
காமாக்ஷி தாவககடாக்ஷமஹேந்த்ரனீல-
ஸிம்ஹாஸனம் ஶ்ரிதவதோ மகரத்வஜஸ்ய |
ஸாம்ராஜ்யமங்கலவிதௌ முணிகுண்டலஶ்ரீ:
னீராஜனோத்ஸவதரங்கிததீபமாலா ||44||
மாத: க்ஷணம் ஸ்னபய மாம் தவ வீக்ஷிதேன
மந்தாக்ஷிதேன ஸுஜனைரபரோக்ஷிதேன |
காமாக்ஷி கர்மதிமிரோத்கரபாஸ்கரேண
ஶ்ரேயஸ்கரேண மதுபத்யுதிதஸ்கரேண ||45||
Kataksha Sathakam 46-48 Meaning
Kataksha Sathakam 46-48 Lyrics
प्रेमापगापयसि मज्जनमारचय्य
युक्तः स्मितांशुकृतभस्मविलेपनेन ।
कामाक्षि कुण्डलमणिद्युतिभिर्जटालः
श्रीकण्ठमेव भजते तव दृष्टिपातः ॥46॥
कैवल्यदाय करुणारसकिङ्कराय
कामाक्षि कन्दलितविभ्रमशङ्कराय ।
आलोकनाय तव भक्तशिवङ्कराय
मातर्नमोஉस्तु परतन्त्रितशङ्कराय ॥47॥
साम्राज्यमङ्गलविधौ मकरध्वजस्य
लोलालकालिकृततोरणमाल्यशोभे ।
कामेश्वरि प्रचलदुत्पलवैजयन्ती-
चातुर्यमेति तव चञ्चलदृष्टिपातः ॥48॥
ப்ரேமாபகாபயஸி மஜ்ஜனமாரசய்ய
யுக்த: ஸ்மிதாம்ஶுக்ருதபஸ்மவிலேபனேன |
காமாக்ஷி குண்டலமணித்யுதிபிர்ஜடால:
ஶ்ரீகண்டமேவ பஜதே தவ த்ருஷ்டிபாத: ||46||
கைவல்யதாய கருணாரஸகிம்கராய
காமாக்ஷி கந்தலிதவிப்ரமஶம்கராய |
ஆலோகனாய தவ பக்தஶிவம்கராய
மாதர்னமோஉஸ்து பரதந்த்ரிதஶம்கராய ||47||
ஸாம்ராஜ்யமங்கலவிதௌ மகரத்வஜஸ்ய
லோலாலகாலிக்ருததோரணமால்யஶோபே |
காமேஶ்வரி ப்ரசலதுத்பலவைஜயந்தீ-
சாதுர்யமேதி தவ சஞ்சலத்ருஷ்டிபாத: ||48||
Kataksha Sathakam 49-51 Meaning
Kataksha Sathakam 49-51 Slokas
मार्गेण मञ्जुकचकान्तितमोवृतेन
मन्दायमानगमना मदनातुरासौ ।
कामाक्षि दृष्टिरयते तव शङ्कराय
सङ्केतभूमिमचिरादभिसारिकेव ॥49॥
व्रीडनुवृत्तिरमणीकृतसाहचर्या
शैवालितां गलरुचा शशिशेखरस्य ।
कामाक्षि कान्तिसरसीं त्वदपाङ्गलक्ष्मीः
मन्दं समाश्रयति मज्जनखेलनाय ॥50॥
काषायमंशुकमिव प्रकटं दधानो
माणिक्यकुण्डलरुचिं ममताविरोधी ।
श्रुत्यन्तसीमनि रतः सुतरां चकास्ति
कामाक्षि तावककटाक्षयतीश्वरोஉसौ ॥51॥
மார்கேண மஞ்ஜுகசகாந்திதமோவ்ருதேன
மந்தாயமானகமனா மதனாதுராஸௌ |
காமாக்ஷி த்ருஷ்டிரயதே தவ ஶம்கராய
ஸம்கேதபூமிமசிராதபிஸாரிகேவ ||49||
வ்ரீடனுவ்ருத்திரமணீக்ருதஸாஹசர்யா
ஶைவாலிதாம் கலருசா ஶஶிஶேகரஸ்ய |
காமாக்ஷி காந்திஸரஸீம் த்வதபாங்கலக்ஷ்மீ:
மந்தம் ஸமாஶ்ரயதி மஜ்ஜனகேலனாய ||50||
காஷாயமம்ஶுகமிவ ப்ரகடம் ததானோ
மாணிக்யகுண்டலருசிம் மமதாவிரோதீ |
ஶ்ருத்யந்தஸீமனி ரத: ஸுதராம் சகாஸ்தி
காமாக்ஷி தாவககடாக்ஷயதீஶ்வரோஉஸௌ ||51||
Kataksha Sathakam 52-54 Meaning
Kataksha Sathakam 52-54 Slokas
पाषाण एव हरिनीलमणिर्दिनेषु
प्रम्लनतां कुवलयं प्रकटीकरोति ।
नौमित्तिको जलदमेचकिमा ततस्ते
कामाक्षि शून्यमुपमनमपाङ्गलक्ष्म्याः ॥52॥
शृङ्गारविभ्रमवती सुतरां सलज्जा
नासाग्रमौक्तिकरुचा कृतमन्दहासा ।
श्यामा कटाक्षसुषमा तव युक्तमेतत्
कामाक्षि चुम्बति दिगम्बरवक्त्रबिम्बम् ॥53॥
नीलोत्पलेन मधुपेन च दृष्टिपातः
कामाक्षि तुल्य इति ते कथमामनन्ति ।
शैत्येन निन्दयति यदन्वहमिन्दुपादान्
पाथोरुहेण यदसौ कलहायते च ॥54॥
பாஷாண ஏவ ஹரினீலமணிர்தினேஷு
ப்ரம்லனதாம் குவலயம் ப்ரகடீகரோதி |
னௌமித்திகோ ஜலதமேசகிமா ததஸ்தே
காமாக்ஷி ஶூந்யமுபமனமபாங்கலக்ஷ்ம்யா: ||52||
ஶ்ருங்காரவிப்ரமவதீ ஸுதராம் ஸலஜ்ஜா
னாஸாக்ரமௌக்திகருசா க்ருதமந்தஹாஸா |
ஶ்யாமா கடாக்ஷஸுஷமா தவ யுக்தமேதத்
காமாக்ஷி சும்பதி திகம்பரவக்த்ரபிம்பம் ||53||
னீலோத்பலேன மதுபேன ச த்ருஷ்டிபாத:
காமாக்ஷி துல்ய இதி தே கதமாமனந்தி |
ஶைத்யேன னிந்தயதி யதந்வஹமிந்துபாதாந்
பாதோருஹேண யதஸௌ கலஹாயதே ச ||54||
Kataksha Sathakam 55-57 Meaning
Kataksha Sathakam 55-57 Slokas
ओष्ठप्रभापटलविद्रुममुद्रिते ते
भ्रूवल्लिवीचिसुभगे मुखकान्तिसिन्धौ ।
कामाक्षि वारिभरपूरणलम्बमान-
कालाम्बुवाहसरणिं लभते कटाक्षः ॥55॥
मन्दस्मितैर्धवलिता मणिकुण्डलांशु-
सम्पर्कलोहितरुचिस्त्वदपाङ्गधारा ।
कामाक्षि मल्लिकुसुमैर्नवपल्लवैश्च
नीलोत्पलैश्च रचितेव विभाति माला ॥56॥
कामाक्षि शीतलकृपारसनिर्झराम्भः-
सम्पर्कपक्ष्मलरुचिस्त्वदपाङ्गमाला ।
गोभिः सदा पुररिपोरभिलष्यमाणा
दूर्वाकदम्बकविडम्बनमातनोति ॥57॥
ஓஷ்டப்ரபாபடலவித்ருமமுத்ரிதே தே
ப்ரூவல்லிவீசிஸுபகே முககாந்திஸிந்தௌ |
காமாக்ஷி வாரிபரபூரணலம்பமான-
காலாம்புவாஹஸரணிம் லபதே கடாக்ஷ: ||55||
மந்தஸ்மிதைர்தவலிதா மணிகுண்டலாம்ஶு-
ஸம்பர்கலோஹிதருசிஸ்த்வதபாங்கதாரா |
காமாக்ஷி மல்லிகுஸுமைர்னவபல்லவைஶ்ச
னீலோத்பலைஶ்ச ரசிதேவ விபாதி மாலா ||56||
காமாக்ஷி ஶீதலக்ருபாரஸனிர்ஜராம்ப:-
ஸம்பர்கபக்ஷ்மலருசிஸ்த்வதபாங்கமாலா |
கோபி: ஸதா புரரிபோரபிலஷ்யமாணா
தூர்வாகதம்பகவிடம்பனமாதனோதி ||57||
Kataksha Sathakam 58-60 Meaning
Kataksha Sathakam 58-60 Slokas
हृत्पङ्कजं मम विकासयतु प्रमुष्ण-
न्नुल्लासमुत्पलरुचेस्तमसां निरोद्धा ।
दोषानुषङ्गजडतां जगतां धुनानः
कामाक्षि वीक्षणविलासदिनोदयस्ते ॥58॥
चक्षुर्विमोहयति चन्द्रविभूषणस्य
कामाक्षि तावककटाक्षतमःप्ररोहः ।
प्रत्यङ्मुखं तु नयनं स्तिमितं मुनीनां
प्राकाश्यमेव नयतीति परं विचित्रम् ॥59॥
कामाक्षि वीक्षणरुचा युधि निर्जितं ते
नीलोत्पलं निरवशेषगताभिमानम् ।
आगत्य तत्परिसरं श्रवणवतंस-
व्योजेन नूनमभयार्थनमातनोति ॥60॥
ஹ்ருத்பங்கஜம் மம விகாஸயது ப்ரமுஷ்ண-
ந்னுல்லாஸமுத்பலருசேஸ்தமஸாம் னிரோத்தா |
தோஷானுஷங்கஜடதாம் ஜகதாம் துனான:
காமாக்ஷி வீக்ஷணவிலாஸதினோதயஸ்தே ||58||
சக்ஷுர்விமோஹயதி சந்த்ரவிபூஷணஸ்ய
காமாக்ஷி தாவககடாக்ஷதம:ப்ரரோஹ: |
ப்ரத்யங்முகம் து னயனம் ஸ்திமிதம் முனீனாம்
ப்ராகாஶ்யமேவ னயதீதி பரம் விசித்ரம் ||59||
காமாக்ஷி வீக்ஷணருசா யுதி னிர்ஜிதம் தே
னீலோத்பலம் னிரவஶேஷகதாபிமானம் |
ஆகத்ய தத்பரிஸரம் ஶ்ரவணவதம்ஸ-
வ்யோஜேன னூனமபயார்தனமாதனோதி ||60||
Kataksha Sathakam 61-63 Meaning
Kataksha Sathakam 61-63 Slokas
आश्चर्यमम्ब मदानाभ्युदयावलम्बः
कामाक्षि चञ्चलनिरीक्षणविभ्रमस्ते ।
धैर्यं विधूय तनुते हृदि रागबन्धं
शम्भोस्तदेव विपरीततया मुनीनाम् ॥61॥
जन्तोः सकृत्प्रणमतो जगदीड्यतां च
तेजास्वितां च निशितां च मतिं सभायाम् ।
कामाक्षि माक्षिकझरीमिव वैखरीं च
लक्ष्मीं च पक्ष्मलयति क्षणवीक्षणं ते ॥62॥
कादम्बिनी किमयते न जलानुषङ्गं
भृङ्गावली किमुररीकुरुते न पद्मम् ।
किं वा कलिन्दतनया सहते न भङ्गं
कामाक्षि निश्चयपदं न तवाक्षिलक्ष्मीः ॥63॥
ஆஶ்சர்யமம்ப மதானாப்யுதயாவலம்ப:
காமாக்ஷி சஞ்சலனிரீக்ஷணவிப்ரமஸ்தே |
தைர்யம் விதூய தனுதே ஹ்ருதி ராகபந்தம்
ஶம்போஸ்ததேவ விபரீததயா முனீனாம் ||61||
ஜந்தோ: ஸக்ருத்ப்ரணமதோ ஜகதீட்யதாம் ச
தேஜாஸ்விதாம் ச னிஶிதாம் ச மதிம் ஸபாயாம் |
காமாக்ஷி மாக்ஷிகஜரீமிவ வைகரீம் ச
லக்ஷ்மீம் ச பக்ஷ்மலயதி க்ஷணவீக்ஷணம் தே ||62||
காதம்பினீ கிமயதே ன ஜலானுஷங்கம்
ப்ருங்காவலீ கிமுரரீகுருதே ன பத்மம் |
கிம் வா கலிந்ததனயா ஸஹதே ன பங்கம்
காமாக்ஷி னிஶ்சயபதம் ன தவாக்ஷிலக்ஷ்மீ: ||63||
Kataksha Sathakam 64-66 Meaning
Kataksha Sathakam 64-66 Slokas
काकोलपावकतृणीकरणेஉपि दक्षः
कामाक्षि बालकसुधाकरशेखरस्य ।
अत्यन्तशीतलतमोஉप्यनुपारतं ते
चित्तं विमोहयति चित्रमयं कटाक्षः ॥64॥
कार्पण्यपूरपरिवर्धितमम्ब मोह-
कन्दोद्गतं भवमयं विषपादपं मे ।
तुङ्गं छिनत्तु तुहिनाद्रिसुते भवत्याः
काञ्चीपुरेश्वरि कटाक्षकुठारधारा ॥65॥
कामाक्षि घोरभवरोगचिकित्सनार्थ-
मभ्यर्थ्य देशिककटाक्षभिषक्प्रसादात् ।
तत्रापि देवि लभते सुकृती कदाचि-
दन्यस्य दुर्लभमपाङ्गमहौषधं ते ॥66॥
காகோலபாவகத்ருணீகரணேஉபி தக்ஷ:
காமாக்ஷி பாலகஸுதாகரஶேகரஸ்ய |
அத்யந்தஶீதலதமோஉப்யனுபாரதம் தே
சித்தம் விமோஹயதி சித்ரமயம் கடாக்ஷ: ||64||
கார்பண்யபூரபரிவர்திதமம்ப மோஹ-
கந்தோத்கதம் பவமயம் விஷபாதபம் மே |
துங்கம் சினத்து துஹினாத்ரிஸுதே பவத்யா:
காஞ்சீபுரேஶ்வரி கடாக்ஷகுடாரதாரா ||65||
காமாக்ஷி கோரபவரோகசிகித்ஸனார்த-
மப்யர்த்ய தேஶிககடாக்ஷபிஷக்ப்ரஸாதாத் |
தத்ராபி தேவி லபதே ஸுக்ருதீ கதாசி-
தந்யஸ்ய துர்லபமபாங்கமஹௌஷதம் தே ||66||
Kataksha Sathakam 67-69 Meaning
Kataksha Sathakam 67-69 Slokas
कामाक्षि देशिककृपाङ्कुरमाश्रयन्तो
नानातपोनियमनाशितपाशबन्धाः ।
वासालयं तव कटाक्षममुं महान्तो
लब्ध्वा सुखं समाधियो विचरन्ति लोके ॥67॥
साकूतसंलपितसम्भृतमुग्धहासं
व्रीडानुरागसहचारि विलोकनं ते ।
कामाक्षि कामपरिपन्थिनि मारवीर-
साम्राज्यविभ्रमदशां सफलीकरोति ॥68॥
कामाक्षि विभ्रमबलैकनिधिर्विधाय
भ्रूवल्लिचापकुटिलीकृतिमेव चित्रम् ।
स्वाधीनतां तव निनाय शशाङ्कमौले-
रङ्गार्धराज्यसुखलाभमपाङ्गवीरः ॥69॥
காமாக்ஷி தேஶிகக்ருபாம்குரமாஶ்ரயந்தோ
னானாதபோனியமனாஶிதபாஶபந்தா: |
வாஸாலயம் தவ கடாக்ஷமமும் மஹாந்தோ
லப்த்வா ஸுகம் ஸமாதியோ விசரந்தி லோகே ||67||
ஸாகூதஸம்லபிதஸம்ப்ருதமுக்தஹாஸம்
வ்ரீடானுராகஸஹசாரி விலோகனம் தே |
காமாக்ஷி காமபரிபந்தினி மாரவீர-
ஸாம்ராஜ்யவிப்ரமதஶாம் ஸபலீகரோதி ||68||
காமாக்ஷி விப்ரமபலைகனிதிர்விதாய
ப்ரூவல்லிசாபகுடிலீக்ருதிமேவ சித்ரம் |
ஸ்வாதீனதாம் தவ னினாய ஶஶாங்கமௌலே-
ரங்கார்தராஜ்யஸுகலாபமபாங்கவீர: ||69||
Kataksha Sathakam 70-72 Meaning
Kataksha Sathakam 70-72 Slokas
कामाङ्कुरैकनिलयस्तव दृष्टिपातः
कामाक्षि भक्तमनसां प्रददातु कामान् ।
रागान्वितः स्वयमपि प्रकटीकरोति
वैराग्यमेव कथमेष महामुनीनाम् ॥70॥
कालाम्बुवाहनिवहैः कलहायते ते
कामाक्षि कालिममदेन सदा कटाक्षः ।
चित्रं तथापि नितराममुमेव दृष्ट्वा
सोत्कण्ठ एव रमते किल नीलकण्ठः ॥71॥
कामाक्षि मन्मथरिपुं प्रति मारताप-
मोहान्धकारजलदागमनेन नृत्यन् ।
दुष्कर्मकञ्चुकिकुलं कबलीकरोतु
व्यामिश्रमेचकरुचिस्त्वदपाङ्गकेकी ॥72॥
காமாம்குரைகனிலயஸ்தவ த்ருஷ்டிபாத:
காமாக்ஷி பக்தமனஸாம் ப்ரததாது காமாந் |
ராகாந்வித: ஸ்வயமபி ப்ரகடீகரோதி
வைராக்யமேவ கதமேஷ மஹாமுனீனாம் ||70||
காலாம்புவாஹனிவஹை: கலஹாயதே தே
காமாக்ஷி காலிமமதேன ஸதா கடாக்ஷ: |
சித்ரம் ததாபி னிதராமமுமேவ த்ருஷ்ட்வா
ஸோத்கண்ட ஏவ ரமதே கில னீலகண்ட: ||71||
காமாக்ஷி மந்மதரிபும் ப்ரதி மாரதாப-
மோஹாந்தகாரஜலதாகமனேன ந்ருத்யந் |
துஷ்கர்மகஞ்சுகிகுலம் கபலீகரோது
வ்யாமிஶ்ரமேசகருசிஸ்த்வதபாங்ககேகீ ||72||
Kataksha Sathakam 73-75 Meaning
Kataksha Sathakam 73-75 Slokas
कामाक्षि मन्मथरिपोरवलोकनेषु
कान्तं पयोजमिव तावकमक्षिपातम् ।
प्रेमागमो दिवसवद्विकचीकरोति
लज्जाभरो रजनिवन्मुकुलीकरोति ॥73॥
मूको विरिञ्चति परं पुरुषः कुरूपः
कन्दर्पति त्रिदशराजति किम्पचानः ।
कामाक्षि केवलमुपक्रमकाल एव
लीलातरङ्गितकटाक्षरुचः क्षणं ते ॥74॥
नीलालका मधुकरन्ति मनोज्ञनासा-
मुक्तारुचः प्रकटकन्दबिसाङ्कुरन्ति ।
कारुण्यमम्ब मकरन्दति कामकोटि
मन्ये ततः कमलमेव विलोचनं ते ॥75॥
காமாக்ஷி மந்மதரிபோரவலோகனேஷு
காந்தம் பயோஜமிவ தாவகமக்ஷிபாதம் |
ப்ரேமாகமோ திவஸவத்விகசீகரோதி
லஜ்ஜாபரோ ரஜனிவந்முகுலீகரோதி ||73||
மூகோ விரிஞ்சதி பரம் புருஷ: குரூப:
கந்தர்பதி த்ரிதஶராஜதி கிம்பசான: |
காமாக்ஷி கேவலமுபக்ரமகால ஏவ
லீலாதரங்கிதகடாக்ஷருச: க்ஷணம் தே ||74||
னீலாலகா மதுகரந்தி மனோஜ்ஞனாஸா-
முக்தாருச: ப்ரகடகந்தபிஸாங்குரந்தி |
காருண்யமம்ப மகரந்ததி காமகோடி
மந்யே தத: கமலமேவ விலோசனம் தே ||75||
Kataksha Sathakam 76-78 Meaning
Kataksha Sathakam 76-78 Slokas
आकाङ्क्ष्यमाणफलदानविचक्षणायाः ।
कामाक्षि तावककटाक्षककामधेनोः ।
सम्पर्क एव कथमम्ब विमुक्तपाश-
बन्धाः स्फुटं तनुभृतः पशुतां त्यजन्ति ॥76॥
संसारघर्मपरितापजुषां नराणां
कामाक्षि शीतलतराणि तवेक्षितानि ।
चन्द्रातपन्ति घनचन्दनकर्दमन्ति
मुक्तागुणन्ति हिमवारिनिषेचनन्ति ॥77॥
प्रेमाम्बुराशिसततस्नपितानि चित्रं
कामाक्षि तावककटाक्षनिरीक्षणानि ।
सन्धुक्षयन्ति मुहुरिन्धनराशिरीत्या
मारद्रुहो मनसि मन्मथचित्रभानुम् ॥78॥
ஆகாம்க்ஷ்யமாணபலதானவிசக்ஷணாயா: |
காமாக்ஷி தாவககடாக்ஷககாமதேனோ: |
ஸம்பர்க ஏவ கதமம்ப விமுக்தபாஶ-
பந்தா: ஸ்புடம் தனுப்ருத: பஶுதாம் த்யஜந்தி ||76||
ஸம்ஸாரகர்மபரிதாபஜுஷாம் னராணாம்
காமாக்ஷி ஶீதலதராணி தவேக்ஷிதானி |
சந்த்ராதபந்தி கனசந்தனகர்தமந்தி
முக்தாகுணந்தி ஹிமவாரினிஷேசனந்தி ||77||
ப்ரேமாம்புராஶிஸததஸ்னபிதானி சித்ரம்
காமாக்ஷி தாவககடாக்ஷனிரீக்ஷணானி |
ஸந்துக்ஷயந்தி முஹுரிந்தனராஶிரீத்யா
மாரத்ருஹோ மனஸி மந்மதசித்ரபானும் ||78||
Kataksha Sathakam 79-81 Meaning
Kataksha Sathakam 79-81 Slokas
कालाञ्जनप्रतिभटं कमनीयकान्त्या
कन्दर्पतन्त्रकलया कलितानुभावम् ।
काञ्चीविहाररसिके कलुषार्तिचोरं
कल्लोलयस्व मयि ते करुणाकटाक्षम् ॥79॥
क्रान्तेन मन्मथदेन विमोह्यमान-
स्वान्तेन चूततरुमूलगतस्य पुंसः ।
कान्तेन किञ्चिदवलोकय लोचनस्य
प्रान्तेन मां जननि काञ्चिपुरीविभूषे ॥80॥
कामाक्षि कोஉपि सुजनास्त्वदपाङ्गसङ्गे
कण्ठेन कन्दलितकालिमसम्प्रदायाः ।
उत्तंसकल्पितचकोरकुटुम्बपोषा
नक्तन्दिवसप्रसवभूनयना भवन्ति ॥81॥
காலாஞ்ஜனப்ரதிபடம் கமனீயகாந்த்யா
கந்தர்பதந்த்ரகலயா கலிதானுபாவம் |
காஞ்சீவிஹாரரஸிகே கலுஷார்திசோரம்
கல்லோலயஸ்வ மயி தே கருணாகடாக்ஷம் ||79||
க்ராந்தேன மந்மததேன விமோஹ்யமான-
ஸ்வாந்தேன சூததருமூலகதஸ்ய பும்ஸ: |
காந்தேன கிம்சிதவலோகய லோசனஸ்ய
ப்ராந்தேன மாம் ஜனனி காஞ்சிபுரீவிபூஷே ||80||
காமாக்ஷி கோஉபி ஸுஜனாஸ்த்வதபாங்கஸம்கே
கண்டேன கந்தலிதகாலிமஸம்ப்ரதாயா: |
உத்தம்ஸகல்பிதசகோரகுடும்பபோஷா
னக்தந்திவஸப்ரஸவபூனயனா பவந்தி ||81||
Kataksha Sathakam 82-84 Meaning
Kataksha Sathakam 82-84 Slokas
नीलोत्पलप्रसवकान्तिनिर्दशनेन
कारुण्यविभ्रमजुषा तव वीक्षणेन ।
कामाक्षि कर्मजलधेः कलशीसुतेन
पाशत्रयाद्वयममी परिमोचनीयाः ॥82॥
अत्यन्तचञ्चलमकृत्रिममञ्जनं किं
झङ्कारभङ्गिरहिता किमु भृङ्गमाला ।
धूमाङ्कुरः किमु हुताशनसङ्गहीनः
कामाक्षि नेत्ररुचिनीलिमकन्दली ते ॥83॥
कामाक्षि नित्यमयमञ्जलिरस्तु मुक्ति-
बीजाय विभ्रममदोदयघूर्णिताय ।
कन्दर्पदर्पपुनरुद्भवसिद्धिदाय
कल्याणदाय तव देवि दृगञ्चलाय ॥84॥
னீலோத்பலப்ரஸவகாந்தினிர்தஶனேன
காருண்யவிப்ரமஜுஷா தவ வீக்ஷணேன |
காமாக்ஷி கர்மஜலதே: கலஶீஸுதேன
பாஶத்ரயாத்வயமமீ பரிமோசனீயா: ||82||
அத்யந்தசஞ்சலமக்ருத்ரிமமஞ்ஜனம் கிம்
ஜம்காரபங்கிரஹிதா கிமு ப்ருங்கமாலா |
தூமாங்குர: கிமு ஹுதாஶனஸம்கஹீன:
காமாக்ஷி னேத்ரருசினீலிமகந்தலீ தே ||83||
காமாக்ஷி னித்யமயமஞ்ஜலிரஸ்து முக்தி-
பீஜாய விப்ரமமதோதயகூர்ணிதாய |
கந்தர்பதர்பபுனருத்பவஸித்திதாய
கல்யாணதாய தவ தேவி த்ருகஞ்சலாய ||84||
Kataksha Sathakam 85-87 Meaning
Kataksha Sathakam 85-87 Slokas
दर्पाङ्कुरो मकरकेतनविभ्रमाणां
निन्दाङ्कुरो विदलितोत्पलचातुरीणाम् ।
दीपाङ्कुरो भवतमिस्रकदम्बकानां
कामाक्षि पालयतु मां त्वदपाङ्गपातः ॥85॥
कैवल्यदिव्यमणिरोहणपर्वतेभ्यः
कारुण्यनिर्झरपयःकृतमञ्जनेभ्यः ।
कामाक्षि किङ्करितशङ्करमानसेभ्य-
स्तेभ्यो नमोஉस्तु तव वीक्षणविभ्रमेभ्यः ॥86॥
अल्पीय एव नवमुत्पलमम्ब हीना
मीनस्य वा सरणिरम्बुरुहां च किं वा ।
दूरे मृगीदृगसमञ्जसमञ्जनं च
कामाक्षि वीक्षणरुचौ तव तर्कयामः ॥87॥
தர்பாங்குரோ மகரகேதனவிப்ரமாணாம்
னிந்தாங்குரோ விதலிதோத்பலசாதுரீணாம் |
தீபாங்குரோ பவதமிஸ்ரகதம்பகானாம்
காமாக்ஷி பாலயது மாம் த்வதபாங்கபாத: ||85||
கைவல்யதிவ்யமணிரோஹணபர்வதேப்ய:
காருண்யனிர்ஜரபய:க்ருதமஞ்ஜனேப்ய: |
காமாக்ஷி கிம்கரிதஶங்கரமானஸேப்ய-
ஸ்தேப்யோ னமோஉஸ்து தவ வீக்ஷணவிப்ரமேப்ய: ||86||
அல்பீய ஏவ னவமுத்பலமம்ப ஹீனா
மீனஸ்ய வா ஸரணிரம்புருஹாம் ச கிம் வா |
தூரே ம்ருகீத்ருகஸமஞ்ஜஸமஞ்ஜனம் ச
காமாக்ஷி வீக்ஷணருசௌ தவ தர்கயாம: ||87||
Kataksha Sathakam 88-90 Meaning
Kataksha Sathakam 88-90 Slokas
मिश्रीभवद्गरलपङ्किलशङ्करोरस्-
सीमाङ्गणे किमपि रिङ्खणमादधानः ।
हेलावधूतललितश्रवणोत्पलोஉसौ
कामाक्षि बाल इव राजति ते कटाक्षः ॥88॥
प्रौढिकरोति विदुषां नवसूक्तिधाटी-
चूताटवीषु बुधकोकिललाल्यमानम् ।
माध्वीरसं परिमलं च निरर्गलं ते
कामाक्षि वीक्षणविलासवसन्तलक्ष्मीः ॥89॥
कूलङ्कषं वितनुते करुणाम्बुवर्षी
सारस्वतं सुकृतिनः सुलभं प्रवाहम् ।
तुच्छीकरोति यमुनाम्बुतरङ्गभङ्गीं
कामाक्षि किं तव कटाक्षमहाम्बुवाहः ॥90॥
மிஶ்ரீபவத்கரலபங்கிலஶங்கரோரஸ்-
ஸீமாங்கணே கிமபி ரிங்கணமாததான: |
ஹேலாவதூதலலிதஶ்ரவணோத்பலோஉஸௌ
காமாக்ஷி பால இவ ராஜதி தே கடாக்ஷ: ||88||
ப்ரௌடிகரோதி விதுஷாம் னவஸூக்திதாடீ-
சூதாடவீஷு புதகோகிலலால்யமானம் |
மாத்வீரஸம் பரிமலம் ச னிரர்கலம் தே
காமாக்ஷி வீக்ஷணவிலாஸவஸந்தலக்ஷ்மீ: ||89||
கூலம்கஷம் விதனுதே கருணாம்புவர்ஷீ
ஸாரஸ்வதம் ஸுக்ருதின: ஸுலபம் ப்ரவாஹம் |
துச்சீகரோதி யமுனாம்புதரங்கபங்கீம்
காமாக்ஷி கிம் தவ கடாக்ஷமஹாம்புவாஹ: ||90||
Kataksha Sathakam 91-93 Meaning
Kataksha Sathakam 91-93 Slokas
जगर्ति देवि करुणाशुकसुन्दरी ते
ताटङ्करत्नरुचिदाडिमखण्डशोणे ।
कामाक्षि निर्भरकटाक्षमरीचिपुञ्ज-
माहेन्द्रनीलमणिपञ्जरमध्यभागे ॥91॥
कामाक्षि सत्कुवलयस्य सगोत्रभावा-
दाक्रामति श्रुतिमसौ तव दृष्टिपातः ।
किञ्च स्फुटं कुटिलतां प्रकटीकरोति
भ्रूवल्लरीपरिचितस्य फलं किमेतत् ॥92॥
एषा तवाक्षिसुषमा विषमायुधस्य
नाराचवर्षलहरी नगराजकन्ये ।
शङ्के करोति शतधा हृदि धैर्यमुद्रां
श्रीकामकोटि यदसौ शिशिरांशुमौलेः ॥93॥
ஜகர்தி தேவி கருணாஶுகஸுந்தரீ தே
தாடங்கரத்னருசிதாடிமகண்டஶோணே |
காமாக்ஷி னிர்பரகடாக்ஷமரீசிபுஞ்ஜ-
மாஹேந்த்ரனீலமணிபஞ்ஜரமத்யபாகே ||91||
காமாக்ஷி ஸத்குவலயஸ்ய ஸகோத்ரபாவா-
தாக்ராமதி ஶ்ருதிமஸௌ தவ த்ருஷ்டிபாத: |
கிம்ச ஸ்புடம் குடிலதாம் ப்ரகடீகரோதி
ப்ரூவல்லரீபரிசிதஸ்ய பலம் கிமேதத் ||92||
ஏஷா தவாக்ஷிஸுஷமா விஷமாயுதஸ்ய
னாராசவர்ஷலஹரீ னகராஜகந்யே |
ஶம்கே கரோதி ஶததா ஹ்ருதி தைர்யமுத்ராம்
ஶ்ரீகாமகோடி யதஸௌ ஶிஶிராம்ஶுமௌலே: ||93||
Kataksha Sathakam 94-96 Meaning
Kataksha Sathakam 94-96 Slokas
बाणेन पुष्पधनुषः परिकल्प्यमान-
त्राणेन भक्तमनसां करुणाकरेण ।
कोणेन कोमलदृशस्तव कामकोटि
शोणेन शोषय शिवे मम शोकसिन्धुम् ॥94॥
मारद्रुहा मुकुटसीमनि लाल्यमाने
मन्दाकिनीपयसि ते कुटिलं चरिष्णुः ।
कामाक्षि कोपरभसाद्वलमानमीन-
सन्देहमङ्कुरयति क्षणमक्षिपातः ॥95॥
कामाक्षि संवलितमौक्तिककुण्डलांशु-
चञ्चत्सितश्रवणचामरचातुरीकः ।
स्तम्भे निरन्तरमपाङ्गमये भवत्या
बद्धश्चकास्ति मकरध्वजमत्तहस्ती ॥96॥
பாணேன புஷ்பதனுஷ: பரிகல்ப்யமான-
த்ராணேன பக்தமனஸாம் கருணாகரேண |
கோணேன கோமலத்ருஶஸ்தவ காமகோடி
ஶோணேன ஶோஷய ஶிவே மம ஶோகஸிந்தும் ||94||
மாரத்ருஹா முகுடஸீமனி லால்யமானே
மந்தாகினீபயஸி தே குடிலம் சரிஷ்ணு: |
காமாக்ஷி கோபரபஸாத்வலமானமீன-
ஸந்தேஹமங்குரயதி க்ஷணமக்ஷிபாத: ||95||
காமாக்ஷி ஸம்வலிதமௌக்திககுண்டலாம்ஶு-
சஞ்சத்ஸிதஶ்ரவணசாமரசாதுரீக: |
ஸ்தம்பே னிரந்தரமபாங்கமயே பவத்யா
பத்தஶ்சகாஸ்தி மகரத்வஜமத்தஹஸ்தீ ||96||
Kataksha Sathakam 97-99 Meaning
Kataksha Sathakam 97-99 Slokas
यावत्कटाक्षरजनीसमयागमस्ते
कामाक्षि तावदचिरान्नमतां नराणाम् ।
आविर्भवत्यमृतदीधितिबिम्बमम्ब
संविन्मयं हृदयपूर्वगिरीन्द्रशृङ्गे ॥97॥
कामाक्षि कल्पविटपीव भवत्कटाक्षो
दित्सुः समस्तविभवं नमतां नराणाम् ।
भृङ्गस्य नीलनलिनस्य च कान्तिसम्प-
त्सर्वस्वमेव हरतीति परं विचित्रम् ॥98॥
अज्ञातभक्तिरसमप्रसरद्विवेक-
मत्यन्तगर्वमनधीतसमस्तशास्त्रम् ।
अप्राप्तसत्यमसमीपगतं च मुक्तेः
कामाक्षि नैव तव स्पृहयति दृष्टिपातः ॥99॥
யாவத்கடாக்ஷரஜனீஸமயாகமஸ்தே
காமாக்ஷி தாவதசிராந்னமதாம் னராணாம் |
ஆவிர்பவத்யம்ருததீதிதிபிம்பமம்ப
ஸம்விந்மயம் ஹ்ருதயபூர்வகிரீந்த்ரஶ்ருங்கே ||97||
காமாக்ஷி கல்பவிடபீவ பவத்கடாக்ஷோ
தித்ஸு: ஸமஸ்தவிபவம் னமதாம் னராணாம் |
ப்ருங்கஸ்ய னீலனலினஸ்ய ச காந்திஸம்ப-
த்ஸர்வஸ்வமேவ ஹரதீதி பரம் விசித்ரம் ||98||
அஜ்ஞாதபக்திரஸமப்ரஸரத்விவேக-
மத்யந்தகர்வமனதீதஸமஸ்தஶாஸ்த்ரம் |
அப்ராப்தஸத்யமஸமீபகதம் ச முக்தே:
காமாக்ஷி னைவ தவ ஸ்ப்ருஹயதி த்ருஷ்டிபாத: ||99||
Kataksha Sathakam 100-101 Meaning
Kataksha Sathakam 100-101 Slokas
अत्यन्तशीतलमनर्गलकर्मपाक-
काकोलहारि सुलभं सुमनोभिरेतत् ।
पीयूषमेव तव वीक्षणमम्ब किन्तु
कामाक्षि नीलमिदमित्ययमेव भेदः ॥100॥
पातेन लोचनरुचेस्तव कामकोटि
पोतेन पतकपयोधिभयातुराणाम् ।
पूतेन तेन नवकाञ्चनकुण्डलांशु-
वीतेन शीतलय भूधरकन्यके माम् ॥101॥
॥ इति कटाक्षशतकं सम्पूर्णम् ॥
அத்யந்தஶீதலமனர்கலகர்மபாக-
காகோலஹாரி ஸுலபம் ஸுமனோபிரேதத் |
பீயூஷமேவ தவ வீக்ஷணமம்ப கிந்து
காமாக்ஷி னீலமிதமித்யயமேவ பேத: ||100||
பாதேன லோசனருசேஸ்தவ காமகோடி
போதேன பதகபயோதிபயாதுராணாம் |
பூதேன தேன னவகாஞ்சனகுண்டலாம்ஶு-
வீதேன ஶீதலய பூதரகந்யகே மாம் ||101||
|| இதி கடாக்ஷஶதகம் ஸம்பூர்ணம் ||