Contents
- Manthasmitha Sathakam 1-3
- Manthasmitha Sathakam 4-6
- Manthasmitha Sathakam 7-9
- Manthasmitha Sathakam 10-12
- Manthasmitha Sathakam 13-15
- Manthasmitha Sathakam 16-18
- Manthasmitha Sathakam 19-21
- Manthasmitha Sathakam 22-24
- Manthasmitha Sathakam 25-27
- Manthasmitha Sathakam 28-30
- Manthasmitha Sathakam 31-33
- Manthasmitha Sathakam 34-36
- Manthasmitha Sathakam 37-39
- Manthasmitha Sathakam 40-42
- Manthasmitha Sathakam 43-45
- Manthasmitha Sathakam 46-48
- Manthasmitha Sathakam 49-51
- Manthasmitha Sathakam 52-54
- Manthasmitha Sathakam 55-57
- Manthasmitha Sathakam 58-60
- Manthasmitha Sathakam 61-63
- Manthasmitha Sathakam 64-66
- Manthasmitha Sathakam 67-69
- Manthasmitha Sathakam 70-72
- Manthasmitha Sathakam 73-75
- Manthasmitha Sathakam 76-78
- Manthasmitha Sathakam 79-81
- Manthasmitha Sathakam 82-84
- Manthasmitha Sathakam 85-87
- Manthasmitha Sathakam 88-90
- Manthasmitha Sathakam 91-93
- Manthasmitha Sathakam 94-96
- Manthasmitha Sathakam 97-100
Manthasmitha Sathakam 1-3 Meaning
Manthasmitha Sathakam 1-3 Slokas
ध्नीमो वयमञ्जलिं प्रतिदिनं बन्धच्छिदे देहिनां
कन्दर्पागमतन्त्रमूलगुरवे कल्याणकेलीभुवे ।
कामाक्ष्या घनसारपुञ्जरजसे कामद्रुहश्चक्षुषां
मन्दारस्तबकप्रभामदमुषे मन्दस्मितज्योतिषे ॥1॥
सध्रीचे नवमल्लिकासुमनसां नासाग्रमुक्तामणे-
राचार्याय मृणालकाण्डमहसां नैसर्गिकाय द्विषे ।
स्वर्धुन्या सह युध्वेन हिमरुचेरर्धासनाध्यासिने
कामाक्ष्याः स्मितमञ्जरीधवलिमाद्वैताय तस्मै नमः ॥2॥
कर्पूरद्युतिचातुरीमतितरामल्पीयसीं कुर्वती
दौर्भाग्योदयमेव संविदधती दौषाकरीणां त्विषाम् ।
क्षुल्लानेव मनोज्ञमल्लिनिकरान्फुल्लानपि व्यञ्जती
कामाक्ष्या मृदुलस्मितांशुलहरी कामप्रसूरस्तु मे ॥3॥
பத்னீமோ வயமஞ்ஜலிம் ப்ரதிதினம் பந்தச்சிதே தேஹினாம்
கந்தர்பாகமதந்த்ரமூலகுரவே கல்யாணகேலீபுவே |
காமாக்ஷ்யா கனஸாரபுஞ்ஜரஜஸே காமத்ருஹஶ்சக்ஷுஷாம்
மந்தாரஸ்தபகப்ரபாமதமுஷே மந்தஸ்மிதஜ்யோதிஷே ||1||
ஸத்ரீசே னவமல்லிகாஸுமனஸாம் னாஸாக்ரமுக்தாமணே-
ராசார்யாய ம்ருணாலகாண்டமஹஸாம் னைஸர்கிகாய த்விஷே |
ஸ்வர்துந்யா ஸஹ யுத்வேன ஹிமருசேரர்தாஸனாத்யாஸினே
காமாக்ஷ்யா: ஸ்மிதமஞ்ஜரீதவலிமாத்வைதாய தஸ்மை னம: ||2||
கர்பூரத்யுதிசாதுரீமதிதராமல்பீயஸீம் குர்வதீ
தௌர்பாக்யோதயமேவ ஸம்விதததீ தௌஷாகரீணாம் த்விஷாம் |
க்ஷுல்லானேவ மனோஜ்ஞமல்லினிகராந்புல்லானபி வ்யஞ்ஜதீ
காமாக்ஷ்யா ம்ருதுலஸ்மிதாம்ஶுலஹரீ காமப்ரஸூரஸ்து மே ||3||
Manthasmitha Sathakam 4-6 Meaning
Manthasmitha Sathakam 4-6 Slokas
या पीनस्तनमण्डलोपरि लसत्कर्पूरलेपायते
या नीलेक्षणरात्रिकान्तिततिषु ज्योत्स्नाप्ररोहायते ।
या सौन्दर्यधुनीतरङ्गततिषु व्यालोलहंसायते
कामाक्ष्याः शिशिरीकरोतु हृदयं सा मे स्मितप्राचुरी ॥4॥
येषां गच्छति पूर्वपक्षसरणिं कौमुद्वतः श्वेतिमा
येषां सन्ततमारुरुक्षति तुलाकक्ष्यां शरच्चन्द्रमाः ।
येषामिच्छति कम्बुरप्यसुलभामन्तेवसत्प्रक्रियां
कामाक्ष्या ममतां हरन्तु मम ते हासत्विषामङ्कुराः ॥5॥
आशासीमसु सन्ततं विदधती नैशाकरीं व्याक्रियां
काशानामभिमानभङ्गकलनाकौशल्यमाबिभ्रती ।
ईशानेन विलोकिता सकुतुकं कामाक्षि ते कल्मष-
क्लेशापायकरी चकास्ति लहरी मन्दस्मितज्योतिषाम् ॥6॥
யா பீனஸ்தனமண்டலோபரி லஸத்கர்பூரலேபாயதே
யா னீலேக்ஷணராத்ரிகாந்திததிஷு ஜ்யோத்ஸ்னாப்ரரோஹாயதே |
யா ஸௌந்தர்யதுனீதரங்கததிஷு வ்யாலோலஹம்ஸாயதே
காமாக்ஷ்யா: ஶிஶிரீகரோது ஹ்ருதயம் ஸா மே ஸ்மிதப்ராசுரீ ||4||
யேஷாம் கச்சதி பூர்வபக்ஷஸரணிம் கௌமுத்வத: ஶ்வேதிமா
யேஷாம் ஸந்ததமாருருக்ஷதி துலாகக்ஷ்யாம் ஶரச்சந்த்ரமா: |
யேஷாமிச்சதி கம்புரப்யஸுலபாமந்தேவஸத்ப்ரக்ரியாம்
காமாக்ஷ்யா மமதாம் ஹரந்து மம தே ஹாஸத்விஷாமங்குரா: ||5||
ஆஶாஸீமஸு ஸந்ததம் விதததீ னைஶாகரீம் வ்யாக்ரியாம்
காஶானாமபிமானபங்ககலனாகௌஶல்யமாபிப்ரதீ |
ஈஶானேன விலோகிதா ஸகுதுகம் காமாக்ஷி தே கல்மஷ-
க்லேஶாபாயகரீ சகாஸ்தி லஹரீ மந்தஸ்மிதஜ்யோதிஷாம் ||6||
Manthasmitha Sathakam 7-9 Meaning
Manthasmitha Sathakam 7-9 Slokas
आरूढस्य समुन्नतस्तनतटीसाम्राज्यसिंहासनं
कन्दर्पस्य विभोर्जगत्त्रयप्राकट्यमुद्रानिधेः ।
यस्याश्चामरचातुरीं कलयते रश्मिच्छटा चञ्चला
सा मन्दस्मितमञ्जरी भवतु नः कामाय कामाक्षि ते ॥7॥
शम्भोर्या परिरम्भसम्भ्रमविधौ नैर्मल्यसीमानिधिः
गैर्वाणीव तरङ्गिणी कृतमृदुस्यन्दां कलिन्दात्मजाम् ।
कल्माषीकुरुते कलङ्कसुषमां कण्ठस्थलीचुम्बिनीं
कामाक्ष्याः स्मितकन्दली भवतु नः कल्याणसन्दोहिनी ॥8॥
जेतुं हारलतामिव स्तनतटीं सञ्जग्मुषी सन्ततं
गन्तुं निर्मलतामिव द्विगुणितां मग्ना कृपास्त्रोतसि ।
लब्धुं विस्मयनीयतामिव हरं रागाकुलं कुर्वती
मञ्जुस्ते स्मितमञ्जरी भवभयं मथ्नातु कामाक्षि मे ॥9॥
ஆரூடஸ்ய ஸமுந்னதஸ்தனதடீஸாம்ராஜ்யஸிம்ஹாஸனம்
கந்தர்பஸ்ய விபோர்ஜகத்த்ரயப்ராகட்யமுத்ரானிதே: |
யஸ்யாஶ்சாமரசாதுரீம் கலயதே ரஶ்மிச்சடா சஞ்சலா
ஸா மந்தஸ்மிதமஞ்ஜரீ பவது ன: காமாய காமாக்ஷி தே ||7||
ஶம்போர்யா பரிரம்பஸம்ப்ரமவிதௌ னைர்மல்யஸீமானிதி:
கைர்வாணீவ தரங்கிணீ க்ருதம்ருதுஸ்யந்தாம் கலிந்தாத்மஜாம் |
கல்மாஷீகுருதே கலங்கஸுஷமாம் கண்டஸ்தலீசும்பினீம்
காமாக்ஷ்யா: ஸ்மிதகந்தலீ பவது ன: கல்யாணஸந்தோஹினீ ||8||
ஜேதும் ஹாரலதாமிவ ஸ்தனதடீம் ஸம்ஜக்முஷீ ஸந்ததம்
கந்தும் னிர்மலதாமிவ த்விகுணிதாம் மக்னா க்ருபாஸ்த்ரோதஸி |
லப்தும் விஸ்மயனீயதாமிவ ஹரம் ராகாகுலம் குர்வதீ
மஞ்ஜுஸ்தே ஸ்மிதமஞ்ஜரீ பவபயம் மத்னாது காமாக்ஷி மே ||9||
Manthasmitha Sathakam 10-12 Meaning
Manthasmitha Sathakam 10-12 Slokas
श्वेतापि प्रकटं निशाकररुचां मालिन्यमातन्वती
शीतापि स्मरपावकं पशुपतेः सन्धुक्षयन्ती सदा ।
स्वाभाव्यादधराश्रितापि नमतामुच्चैर्दिशन्ती गतिं
कामाक्षि स्फुटमन्तरा स्फुरतु नस्त्वन्मन्दहासप्रभा ॥10॥
वक्त्रश्रीसरसीजले तरलितभ्रूवल्लिकल्लोलिते
कालिम्ना दधती कटाक्षजनुषा माधुव्रतीं व्यापृतिम् ।
निर्निद्रामलपुण्डरीककुहनापाण्डित्यमाबिभ्रती
कामाक्ष्याः स्मितचातुरी मम मनः कातर्यमुन्मूलयेत् ॥11॥
नित्यं बाधितबन्धुजीवमधरं मैत्रीजुषं पल्लवैः
शुद्धस्य द्विजमण्डलस्य च तिरस्कर्तारमप्याश्रिता ।
या वैमल्यवती सदैव नमतां चेतः पुनीतेतरां
कामाक्ष्या हृदयं प्रसादयतु मे सा मन्दहासप्रभा ॥12॥
ஶ்வேதாபி ப்ரகடம் னிஶாகரருசாம் மாலிந்யமாதந்வதீ
ஶீதாபி ஸ்மரபாவகம் பஶுபதே: ஸந்துக்ஷயந்தீ ஸதா |
ஸ்வாபாவ்யாததராஶ்ரிதாபி னமதாமுச்சைர்திஶந்தீ கதிம்
காமாக்ஷி ஸ்புடமந்தரா ஸ்புரது னஸ்த்வந்மந்தஹாஸப்ரபா ||10||
வக்த்ரஶ்ரீஸரஸீஜலே தரலிதப்ரூவல்லிகல்லோலிதே
காலிம்னா தததீ கடாக்ஷஜனுஷா மாதுவ்ரதீம் வ்யாப்ருதிம் |
னிர்னித்ராமலபுண்டரீககுஹனாபாண்டித்யமாபிப்ரதீ
காமாக்ஷ்யா: ஸ்மிதசாதுரீ மம மன: காதர்யமுந்மூலயேத் ||11||
னித்யம் பாதிதபந்துஜீவமதரம் மைத்ரீஜுஷம் பல்லவை:
ஶுத்தஸ்ய த்விஜமண்டலஸ்ய ச திரஸ்கர்தாரமப்யாஶ்ரிதா |
யா வைமல்யவதீ ஸதைவ னமதாம் சேத: புனீதேதராம்
காமாக்ஷ்யா ஹ்ருதயம் ப்ரஸாதயது மே ஸா மந்தஹாஸப்ரபா ||12||
Manthasmitha Sathakam 13-15 Meaning
Manthasmitha Sathakam 13-15 Slokas
द्रुह्यन्ती तमसे मुहुः कुमुदिनीसाहाय्यमाबिभ्रती
यान्ती चन्द्रकिशोरशेखरवपुःसौधाङ्गणे प्रेङ्खणम् ।
ज्ञानाम्भोनिधिवीचिकां सुमनसां कूलङ्कषां कुर्वती
कामाक्ष्याः स्मितकौमुदी हरतु मे संसारतापोदयम् ॥13॥
काश्मीरद्रवधातुकर्दमरुचा कल्माषतां बिभ्रती
हंसौधैरिव कुर्वती परिचितिं हारीकृतैर्मौक्तिकैः ।
वक्षोजन्मतुषारशैलकटके सञ्चारमातन्वती
कामाक्ष्या मृदुलस्मितद्युतिमयी भागीरथी भासते ॥14॥
कम्बोर्वंशपरम्परा इव कृपासन्तानवल्लीभुवः
सम्फुल्लस्तबका इव प्रसृमरा मूर्ताः प्रसादा इव ।
वाक्पीयूषकणा इव त्रिपथगापर्यायभेदा इव
भ्राजन्ते तव मन्दहासकिरणाः काञ्चीपुरीनायिके ॥15॥
த்ருஹ்யந்தீ தமஸே முஹு: குமுதினீஸாஹாய்யமாபிப்ரதீ
யாந்தீ சந்த்ரகிஶோரஶேகரவபு:ஸௌதாங்கணே ப்ரேங்கணம் |
ஜ்ஞானாம்போனிதிவீசிகாம் ஸுமனஸாம் கூலம்கஷாம் குர்வதீ
காமாக்ஷ்யா: ஸ்மிதகௌமுதீ ஹரது மே ஸம்ஸாரதாபோதயம் ||13||
காஶ்மீரத்ரவதாதுகர்தமருசா கல்மாஷதாம் பிப்ரதீ
ஹம்ஸௌதைரிவ குர்வதீ பரிசிதிம் ஹாரீக்ருதைர்மௌக்திகை: |
வக்ஷோஜந்மதுஷாரஶைலகடகே ஸம்சாரமாதந்வதீ
காமாக்ஷ்யா ம்ருதுலஸ்மிதத்யுதிமயீ பாகீரதீ பாஸதே ||14||
கம்போர்வம்ஶபரம்பரா இவ க்ருபாஸந்தானவல்லீபுவ:
ஸம்புல்லஸ்தபகா இவ ப்ரஸ்ருமரா மூர்தா: ப்ரஸாதா இவ |
வாக்பீயூஷகணா இவ த்ரிபதகாபர்யாயபேதா இவ
ப்ராஜந்தே தவ மந்தஹாஸகிரணா: காஞ்சீபுரீனாயிகே ||15||
Manthasmitha Sathakam 16-18 Meaning
Manthasmitha Sathakam 16-18 Slokas
वक्षोजे घनसारपत्ररचनाभङ्गीसपत्नायिता
कण्ठे मौक्तिकहारयष्टिकिरणव्यापारमुद्रायिता ।
ओष्ठश्रीनिकुरुम्बपल्लवपुटे प्रेङ्खत्प्रसूनायिता
कामाक्षि स्फुरतां मदीयहृदये त्वन्मन्दहासप्रभा ॥16॥
येषां बिन्दुरिवोपरि प्रचलितो नासाग्रमुक्तामणिः
येषां दीन इवाधिकण्ठमयते हारः करालम्बनम् ।
येषां बन्धुरिवोष्ठयोररुणिमा धत्ते स्वयं रञ्जनं
कामाक्ष्याः प्रभवन्तु ते मम शिवोल्लासाय हासाङ्कुराः ॥17॥
या जाड्याम्बुनिधिं क्षिणोति भजतां वैरायते कैरवैः
नित्यं यां नियमेन या च यतते कर्तुं त्रिणेत्रोत्सवम् ।
बिम्बं चान्द्रमसं च वञ्चयति या गर्वेण सा तादृशी
कामाक्षि स्मितमञ्जरी तव कथं ज्योत्स्नेत्यसौ कीर्त्यते ॥18॥
வக்ஷோஜே கனஸாரபத்ரரசனாபங்கீஸபத்னாயிதா
கண்டே மௌக்திகஹாரயஷ்டிகிரணவ்யாபாரமுத்ராயிதா |
ஓஷ்டஶ்ரீனிகுரும்பபல்லவபுடே ப்ரேங்கத்ப்ரஸூனாயிதா
காமாக்ஷி ஸ்புரதாம் மதீயஹ்ருதயே த்வந்மந்தஹாஸப்ரபா ||16||
யேஷாம் பிந்துரிவோபரி ப்ரசலிதோ னாஸாக்ரமுக்தாமணி:
யேஷாம் தீன இவாதிகண்டமயதே ஹார: கராலம்பனம் |
யேஷாம் பந்துரிவோஷ்டயோரருணிமா தத்தே ஸ்வயம் ரஞ்ஜனம்
காமாக்ஷ்யா: ப்ரபவந்து தே மம ஶிவோல்லாஸாய ஹாஸாங்குரா: ||17||
யா ஜாட்யாம்புனிதிம் க்ஷிணோதி பஜதாம் வைராயதே கைரவை:
னித்யம் யாம் னியமேன யா ச யததே கர்தும் த்ரிணேத்ரோத்ஸவம் |
பிம்பம் சாந்த்ரமஸம் ச வஞ்சயதி யா கர்வேண ஸா தாத்ருஶீ
காமாக்ஷி ஸ்மிதமஞ்ஜரீ தவ கதம் ஜ்யோத்ஸ்னேத்யஸௌ கீர்த்யதே ||18||
Manthasmitha Sathakam 19-21 Meaning
Manthasmitha Sathakam 19-21 Slokas
आरुढा रभसात्पुरः पुररिपोराश्लेषणोपक्रमे
या ते मातरुपैति दिव्यतटिनीशङ्काकरी तत्क्षणम् ।
ओष्ठौ वेपयति भ्रुवौ कुटिलयत्यानम्रयत्याननं
तां वन्दे मृदुहासपूरसुषमामेकाम्रनाथप्रिये ॥19॥
वक्त्रेन्दोस्तव चन्द्रिका स्मितततिर्वल्गु स्फुरन्ती सतां
स्याच्चेद्युक्तिमिदं चकोरमनसां कामाक्षि कौतूहलम् ।
एतच्चित्रमहर्निशं यदधिकामेषा रुचिं गाहते
बिम्बोष्ठद्युमणिप्रभास्वपि च यद्बिब्बोकमालम्बते ॥20॥
सादृश्यं कलशाम्बुधेर्वहति यत्कामाक्षि मन्दस्मितं
शोभामोष्ठरुचाम्ब विद्रुमभवामेताद्भिदां ब्रूमहे ।
एकस्मादुदितं पुरा किल पपौ शर्वः पुराणः पुमान्
एतन्मध्यसमुद्भवं रसयते माधुर्यरूपं रसम् ॥21॥
ஆருடா ரபஸாத்புர: புரரிபோராஶ்லேஷணோபக்ரமே
யா தே மாதருபைதி திவ்யதடினீஶங்காகரீ தத்க்ஷணம் |
ஓஷ்டௌ வேபயதி ப்ருவௌ குடிலயத்யானம்ரயத்யானனம்
தாம் வந்தே ம்ருதுஹாஸபூரஸுஷமாமேகாம்ரனாதப்ரியே ||19||
வக்த்ரேந்தோஸ்தவ சந்த்ரிகா ஸ்மிதததிர்வல்கு ஸ்புரந்தீ ஸதாம்
ஸ்யாச்சேத்யுக்திமிதம் சகோரமனஸாம் காமாக்ஷி கௌதூஹலம் |
ஏதச்சித்ரமஹர்னிஶம் யததிகாமேஷா ருசிம் காஹதே
பிம்போஷ்டத்யுமணிப்ரபாஸ்வபி ச யத்பிப்போகமாலம்பதே ||20||
ஸாத்ருஶ்யம் கலஶாம்புதேர்வஹதி யத்காமாக்ஷி மந்தஸ்மிதம்
ஶோபாமோஷ்டருசாம்ப வித்ருமபவாமேதாத்பிதாம் ப்ரூமஹே |
ஏகஸ்மாதுதிதம் புரா கில பபௌ ஶர்வ: புராண: புமாந்
ஏதந்மத்யஸமுத்பவம் ரஸயதே மாதுர்யரூபம் ரஸம் ||21||
Manthasmitha Sathakam 22-24 Meaning
Manthasmitha Sathakam 22-24 Slokas
उत्तुङ्गस्तनकुम्भशैलकटके विस्तारिकस्तूरिका-
पत्रश्रीजुषि चञ्चलाः स्मितरुचः कामाक्षि ते कोमलाः ।
सन्ध्यादीधितिरञ्जिता इव मुहुः सान्द्राधरज्योतिषा
व्यालोलामलशारदाभ्रशकलव्यापारमातन्वते ॥22॥
क्षीरं दूरत एव तिष्ठतु कथं वैमल्यमात्रादिदं
मातस्ते सहपाठवीथिमयतां मन्दस्मितैर्मञ्जुलैः ।
किं चेयं तु भिदास्ति दोहनवशादेकं तु सञ्जायते
कामाक्षि स्वयमर्थितं प्रणमतामन्यत्तु दोदुह्यते ॥23॥
कर्पूरैरमृतैर्जगज्जननि ते कामाक्षि चन्द्रातपैः
मुक्ताहारगुणैर्मृणालवलयैर्मुग्धस्मितश्रीरियम् ।
श्रीकाञ्चीपुरनायिके समतया संस्तूयते सज्जनैः
तत्तादृङ्मम तापशान्तिविधये किं देवि मन्दायते ॥24॥
உத்துங்கஸ்தனகும்பஶைலகடகே விஸ்தாரிகஸ்தூரிகா-
பத்ரஶ்ரீஜுஷி சஞ்சலா: ஸ்மிதருச: காமாக்ஷி தே கோமலா: |
ஸந்த்யாதீதிதிரஞ்ஜிதா இவ முஹு: ஸாந்த்ராதரஜ்யோதிஷா
வ்யாலோலாமலஶாரதாப்ரஶகலவ்யாபாரமாதந்வதே ||22||
க்ஷீரம் தூரத ஏவ திஷ்டது கதம் வைமல்யமாத்ராதிதம்
மாதஸ்தே ஸஹபாடவீதிமயதாம் மந்தஸ்மிதைர்மஞ்ஜுலை: |
கிம் சேயம் து பிதாஸ்தி தோஹனவஶாதேகம் து ஸம்ஜாயதே
காமாக்ஷி ஸ்வயமர்திதம் ப்ரணமதாமந்யத்து தோதுஹ்யதே ||23||
கர்பூரைரம்ருதைர்ஜகஜ்ஜனனி தே காமாக்ஷி சந்த்ராதபை:
முக்தாஹாரகுணைர்ம்ருணாலவலயைர்முக்தஸ்மிதஶ்ரீரியம் |
ஶ்ரீகாஞ்சீபுரனாயிகே ஸமதயா ஸம்ஸ்தூயதே ஸஜ்ஜனை:
தத்தாத்ருங்மம தாபஶாந்திவிதயே கிம் தேவி மந்தாயதே ||24||
Manthasmitha Sathakam 25-27 Meaning
Manthasmitha Sathakam 25-27 Slokas
मध्येगर्भितमञ्जुवाक्यलहरीमाध्वीझरीशीतला
मन्दारस्तबकायते जननि ते मन्दस्मितांशुच्छटा ।
यस्या वर्धयितुं मुहुर्विकसनं कामाक्षि कामद्रुहो
वल्गुर्वीक्षणविभ्रमव्यतिकरो वासन्तमासायते ॥25॥
बिम्बोष्ठद्युतिपुञ्जरञ्जितरुचिस्त्वन्मन्दहासच्छटा ।
कल्याणं गिरिसार्वभौमतनये कल्लोलयत्वाशु मे ।
फुल्लन्मल्लिपिनद्धहल्लकमयी मालेव या पेशला
श्रीकाञ्चीश्वरि मारमर्दितुरुरोमध्ये मुहुर्लम्बते ॥26॥
बिभ्राणा शरदभ्रविभ्रमदशां विद्योतमानाप्यसो
कामाक्षि स्मितमञ्जरी किरति ते कारुण्यधारारसम् ।
आश्चर्यं शिशिरीकरोति जगतीश्चालोक्य चैनामहो
कामं खेलति नीलकण्ठहृदयं कौतूहलान्दोलितम् ॥27॥
மத்யேகர்பிதமஞ்ஜுவாக்யலஹரீமாத்வீஜரீஶீதலா
மந்தாரஸ்தபகாயதே ஜனனி தே மந்தஸ்மிதாம்ஶுச்சடா |
யஸ்யா வர்தயிதும் முஹுர்விகஸனம் காமாக்ஷி காமத்ருஹோ
வல்குர்வீக்ஷணவிப்ரமவ்யதிகரோ வாஸந்தமாஸாயதே ||25||
பிம்போஷ்டத்யுதிபுஞ்ஜரஞ்ஜிதருசிஸ்த்வந்மந்தஹாஸச்சடா |
கல்யாணம் கிரிஸார்வபௌமதனயே கல்லோலயத்வாஶு மே |
புல்லந்மல்லிபினத்தஹல்லகமயீ மாலேவ யா பேஶலா
ஶ்ரீகாஞ்சீஶ்வரி மாரமர்திதுருரோமத்யே முஹுர்லம்பதே ||26||
பிப்ராணா ஶரதப்ரவிப்ரமதஶாம் வித்யோதமானாப்யஸோ
காமாக்ஷி ஸ்மிதமஞ்ஜரீ கிரதி தே காருண்யதாராரஸம் |
ஆஶ்சர்யம் ஶிஶிரீகரோதி ஜகதீஶ்சாலோக்ய சைனாமஹோ
காமம் கேலதி னீலகண்டஹ்ருதயம் கௌதூஹலாந்தோலிதம் ||27||
Manthasmitha Sathakam 28-30 Meaning
Manthasmitha Sathakam 28-30 Slokas
प्रेङ्खत्प्रौढकटाक्षकुञ्जकुहरेष्वत्यच्छगुच्छायितं
वक्त्रेन्दुच्छविसिन्धुवीचिनिचये फेनप्रतानायितम् ।
नैरन्तर्यविजृम्भितस्तनतटे नैचोलपट्टायितं
कालुष्यं कबलीकरोतु मम ते कामाक्षि मन्दस्मितम् ॥28॥
पीयूषं तव मन्थरस्मितमिति व्यर्थैव सापप्रथा
कामाक्षि ध्रुवमीदृशं यदि भवेदेतत्कथं वा शिवे ।
मन्दारस्य कथालवं न सहते मथ्नाति मन्दाकिनी-
मिन्दुं निन्दति कीर्तितेஉपि कलशीपाथोधिमीर्ष्यायते ॥29॥
विश्वेषां नयनोत्सवं वितनुतां विद्योततां चन्द्रमा
विख्यातो मदनान्तकेन मुकुटीमध्ये च संमान्यताम् ।
आः किं जातमनेन हाससुषमामालोक्य कामाक्षि ते
कालङ्कीमवलम्बते खलु दशां कल्माषहीनोஉप्यसौ ॥30॥
ப்ரேங்கத்ப்ரௌடகடாக்ஷகுஞ்ஜகுஹரேஷ்வத்யச்சகுச்சாயிதம்
வக்த்ரேந்துச்சவிஸிந்துவீசினிசயே பேனப்ரதானாயிதம் |
னைரந்தர்யவிஜ்ரும்பிதஸ்தனதடே னைசோலபட்டாயிதம்
காலுஷ்யம் கபலீகரோது மம தே காமாக்ஷி மந்தஸ்மிதம் ||28||
பீயூஷம் தவ மந்தரஸ்மிதமிதி வ்யர்தைவ ஸாபப்ரதா
காமாக்ஷி த்ருவமீத்ருஶம் யதி பவேதேதத்கதம் வா ஶிவே |
மந்தாரஸ்ய கதாலவம் ன ஸஹதே மத்னாதி மந்தாகினீ-
மிந்தும் னிந்ததி கீர்திதேஉபி கலஶீபாதோதிமீர்ஷ்யாயதே ||29||
விஶ்வேஷாம் னயனோத்ஸவம் விதனுதாம் வித்யோததாம் சந்த்ரமா
விக்யாதோ மதனாந்தகேன முகுடீமத்யே ச ஸம்மாந்யதாம் |
ஆ: கிம் ஜாதமனேன ஹாஸஸுஷமாமாலோக்ய காமாக்ஷி தே
காலங்கீமவலம்பதே கலு தஶாம் கல்மாஷஹீனோஉப்யஸௌ ||30||
Manthasmitha Sathakam 31-33 Meaning
Manthasmitha Sathakam 31-33 Slokas
चेतः शीतलयन्तु नः पशुपतेरानन्दजीवातवो
नम्राणां नयनाध्वसीमसु शरच्चन्द्रातपोपक्रमाः ।
संसाराख्यसरोरुहाकरखलीकारे तुषारोत्कराः
कामाक्षि स्मरकीर्तिबीजनिकरास्त्वन्मन्दहासाङ्कुराः ॥31॥
कर्मौघाख्यतमःकचाकचिकरान्कामाक्षि सञ्चिन्तये
त्वन्मन्दस्मितरोचिषां त्रिभुवनक्षेमङ्करानङ्कुरान् ।
ये वक्त्रं शिशिरश्रियो विकसितं चन्द्रातपाम्भोरुह-
द्वेषोद्धेषोणचातुरीमिव तिरस्कर्तुं परिष्कुर्वते ॥32॥
कुर्युर्नः कुलशैलराजतनये कूलङ्कषं मङ्गलं
कुन्दस्पर्धनचुञ्चवस्तव शिवे मन्दस्मितप्रक्रमाः ।
ये कामाक्षि समस्तसाक्षिनयनं सन्तोषयन्तीश्वरं
कर्पूरप्रकरा इव प्रसृमराः पुंसामसाधारणाः ॥33॥
சேத: ஶீதலயந்து ன: பஶுபதேரானந்தஜீவாதவோ
னம்ராணாம் னயனாத்வஸீமஸு ஶரச்சந்த்ராதபோபக்ரமா: |
ஸம்ஸாராக்யஸரோருஹாகரகலீகாரே துஷாரோத்கரா:
காமாக்ஷி ஸ்மரகீர்திபீஜனிகராஸ்த்வந்மந்தஹாஸாங்குரா: ||31||
கர்மௌகாக்யதம:கசாகசிகராந்காமாக்ஷி ஸம்சிந்தயே
த்வந்மந்தஸ்மிதரோசிஷாம் த்ரிபுவனக்ஷேமம்கரானங்குராந் |
யே வக்த்ரம் ஶிஶிரஶ்ரியோ விகஸிதம் சந்த்ராதபாம்போருஹ-
த்வேஷோத்தேஷோணசாதுரீமிவ திரஸ்கர்தும் பரிஷ்குர்வதே ||32||
குர்யுர்ன: குலஶைலராஜதனயே கூலம்கஷம் மங்கலம்
குந்தஸ்பர்தனசுஞ்சவஸ்தவ ஶிவே மந்தஸ்மிதப்ரக்ரமா: |
யே காமாக்ஷி ஸமஸ்தஸாக்ஷினயனம் ஸந்தோஷயந்தீஶ்வரம்
கர்பூரப்ரகரா இவ ப்ரஸ்ருமரா: பும்ஸாமஸாதாரணா: ||33||
Manthasmitha Sathakam 34-36 Meaning
Manthasmitha Sathakam 34-36 Slokas
कम्रेण स्नपयस्व कर्मकुहनाचोरेण मारागम-
व्याख्याशिक्षणदीक्षितेन विदुषामक्षीणलक्ष्मीपुषा ।
कामाक्षि स्मितकन्दलेन कलुषस्फोटक्रियाचुञ्चुना
कारुण्यामृतवीचिकाविहरणप्राचुर्यधुर्येण माम् ॥34॥
त्वन्मन्दस्मितकन्दलस्य नियतं कामाक्षि शङ्कामहे
बिम्बः कश्चन नूतनः प्रचलितो नैशाकरः शीकरः ।
किञ्च क्षीरपयोनिधिः प्रतिनिधिः स्वर्वाहिनीवीचिका-
बिब्वोकोஉपि विडम्ब एव कुहना मल्लीमतल्लीरुचः ॥35॥
दुष्कर्मार्कनिसर्गकर्कशमहस्सम्पर्कतपतं मिल-
त्पङ्कं शङ्करवल्लभे मम मनः काञ्चीपुरालङ्क्रिये ।
अम्ब त्वन्मृदुलस्मितामृतरसे मङ्क्त्वा विधूय व्यथा-
मानन्दोदयसौधशृङ्गपदवीमारोढुमाकाङ्क्षति ॥36॥
கம்ரேண ஸ்னபயஸ்வ கர்மகுஹனாசோரேண மாராகம-
வ்யாக்யாஶிக்ஷணதீக்ஷிதேன விதுஷாமக்ஷீணலக்ஷ்மீபுஷா |
காமாக்ஷி ஸ்மிதகந்தலேன கலுஷஸ்போடக்ரியாசுஞ்சுனா
காருண்யாம்ருதவீசிகாவிஹரணப்ராசுர்யதுர்யேண மாம் ||34||
த்வந்மந்தஸ்மிதகந்தலஸ்ய னியதம் காமாக்ஷி ஶங்காமஹே
பிம்ப: கஶ்சன னூதன: ப்ரசலிதோ னைஶாகர: ஶீகர: |
கிம்ச க்ஷீரபயோனிதி: ப்ரதினிதி: ஸ்வர்வாஹினீவீசிகா-
பிப்வோகோஉபி விடம்ப ஏவ குஹனா மல்லீமதல்லீருச: ||35||
துஷ்கர்மார்கனிஸர்ககர்கஶமஹஸ்ஸம்பர்கதபதம் மில-
த்பங்கம் ஶங்கரவல்லபே மம மன: காஞ்சீபுராலம்க்ரியே |
அம்ப த்வந்ம்ருதுலஸ்மிதாம்ருதரஸே மங்க்த்வா விதூய வ்யதா-
மானந்தோதயஸௌதஶ்ருங்கபதவீமாரோடுமாகாங்க்ஷதி ||36||
Manthasmitha Sathakam 37-39 Meaning
Manthasmitha Sathakam 37-39 Slokas
नम्राणां नगराजशेखरसुते नाकालयानां पुरः
कामाक्षि त्वरया विपत्प्रशमेन कारुण्यधाराः किरन् ।
आगच्छन्तमनुग्रहं प्रकटयन्नानन्दबीजानि ते
नासीरे मृदुहास एव तनुते नाथे सुधाशीतलः ॥37॥
कामाक्षि प्रथमानविभ्रमनिधिः कन्दर्पदर्पप्रसूः
मुग्धस्ते मृदुहास एव गिरिजे मुष्णातु मे किल्बिषम् ।
यं द्रष्टुं विहिते करग्रह उमे शम्भुस्त्रपामीलितं
स्वैरं कारयति स्म ताण्डवविनोदानन्दिना तण्डुना ॥38॥
क्षुण्णं केनचिदेव धीरमनसा कुत्रापि नानाजनैः
कर्मग्रन्थिनियन्त्रितैरसुगमं कामाक्षि सामान्यतः ।
मुग्धैर्द्रुष्टुमशक्यमेव मनसा मूढसय मे मौक्तिकं
मार्गं दर्शयतु प्रदीप इव ते मन्दस्मितश्रीरियम् ॥39॥
னம்ராணாம் னகராஜஶேகரஸுதே னாகாலயானாம் புர:
காமாக்ஷி த்வரயா விபத்ப்ரஶமேன காருண்யதாரா: கிரந் |
ஆகச்சந்தமனுக்ரஹம் ப்ரகடயந்னானந்தபீஜானி தே
னாஸீரே ம்ருதுஹாஸ ஏவ தனுதே னாதே ஸுதாஶீதல: ||37||
காமாக்ஷி ப்ரதமானவிப்ரமனிதி: கந்தர்பதர்பப்ரஸூ:
முக்தஸ்தே ம்ருதுஹாஸ ஏவ கிரிஜே முஷ்ணாது மே கில்பிஷம் |
யம் த்ரஷ்டும் விஹிதே கரக்ரஹ உமே ஶம்புஸ்த்ரபாமீலிதம்
ஸ்வைரம் காரயதி ஸ்ம தாண்டவவினோதானந்தினா தண்டுனா ||38||
க்ஷுண்ணம் கேனசிதேவ தீரமனஸா குத்ராபி னானாஜனை:
கர்மக்ரந்தினியந்த்ரிதைரஸுகமம் காமாக்ஷி ஸாமாந்யத: |
முக்தைர்த்ருஷ்டுமஶக்யமேவ மனஸா மூடஸய மே மௌக்திகம்
மார்கம் தர்ஶயது ப்ரதீப இவ தே மந்தஸ்மிதஶ்ரீரியம் ||39||
Manthasmitha Sathakam 40-42 Meaning
Manthasmitha Sathakam 40-42 Slokas
ज्योत्स्नाकान्तिभिरेव निर्मलतरं नैशाकरं मण्डलं
हंसैरेव शरद्विलाससमये व्याकोचमम्भोरुहम् ।
स्वच्छैरेव विकस्वरैरुडुगुणैः कामाक्षि बिम्बं दिवः
पुण्यैरेव मृदुस्मितैस्तव मुखं पुष्णाति शोभाभरम् ॥40॥
मानग्रन्थिविधुन्तुदेन रभसादास्वाद्यमाने नव-
प्रेमाडम्बरपूर्णिमाहिमकरे कामाक्षि ते तत्क्षणम् ।
आलोक्य स्मितचन्द्रिकां पुनरिमामुन्मीलनं जग्मुषीं
चेतः शीलयते चकोरचरितं चन्द्रार्धचूडामणेः ॥41॥
कामाक्षि स्मितमञ्जरीं तव भजे यस्यास्त्विषामङ्कुरा-
नापीनस्तनपानलालसतया निश्शङ्कमङ्केशयः ।
ऊर्ध्वं वीक्ष्य विकर्षति प्रसृमरानुद्दामया शुण्डया
सूनुसुते बिसशङ्कयाशु कुहनादन्तावलग्रामणीः ॥42॥
ஜ்யோத்ஸ்னாகாந்திபிரேவ னிர்மலதரம் னைஶாகரம் மண்டலம்
ஹம்ஸைரேவ ஶரத்விலாஸஸமயே வ்யாகோசமம்போருஹம் |
ஸ்வச்சைரேவ விகஸ்வரைருடுகுணை: காமாக்ஷி பிம்பம் திவ:
புண்யைரேவ ம்ருதுஸ்மிதைஸ்தவ முகம் புஷ்ணாதி ஶோபாபரம் ||40||
மானக்ரந்திவிதுந்துதேன ரபஸாதாஸ்வாத்யமானே னவ-
ப்ரேமாடம்பரபூர்ணிமாஹிமகரே காமாக்ஷி தே தத்க்ஷணம் |
ஆலோக்ய ஸ்மிதசந்த்ரிகாம் புனரிமாமுந்மீலனம் ஜக்முஷீம்
சேத: ஶீலயதே சகோரசரிதம் சந்த்ரார்தசூடாமணே: ||41||
காமாக்ஷி ஸ்மிதமஞ்ஜரீம் தவ பஜே யஸ்யாஸ்த்விஷாமங்குரா-
னாபீனஸ்தனபானலாலஸதயா னிஶ்ஶங்கமங்கேஶய: |
ஊர்த்வம் வீக்ஷ்ய விகர்ஷதி ப்ரஸ்ருமரானுத்தாமயா ஶுண்டயா
ஸூனுஸுதே பிஸஶங்கயாஶு குஹனாதந்தாவலக்ராமணீ: ||42||
Manthasmitha Sathakam 43-45 Meaning
Manthasmitha Sathakam 43-45 Slokas
गाढाश्लेषविमर्दसम्भ्रमवशादुद्दाममुक्तागुण-
प्रालम्बे कुचकुम्भयोर्विगलिते दक्षद्विषो वक्षसि ।
या सख्येन पिनह्यति प्रचुरया भासा तदीयां दशां
सा मे खेलतु कामकोटि हृदये सान्द्रस्मितांशुच्छटा ॥43॥
मन्दारे तव मन्थरस्मितरुचां मात्सर्यमालोक्यते
कामाक्षि स्मरशासने च नियतो रागोदयो लक्ष्यते ।
चान्द्रीषु द्युतिमञ्जरीषु च महान्द्वेषाङ्कुरो दृश्यते
शुद्धानां कथमीदृशी गिरिसुतेஉतिशुद्धा दशा कथ्यताम् ॥44॥
पीयूषं खलु पीयते सुरजनैर्दुग्धाम्बुधिर्मथ्यते
माहेशैश्च जटाकलापनिगडैर्मन्दाकिनी नह्यते ।
शीतांशुः परिभूयते च तमसा तस्मादनेतादृशी
कामाक्षि स्मितमञ्जरी तव वचोवैदग्ध्यमुल्लङ्घते ॥45॥
காடாஶ்லேஷவிமர்தஸம்ப்ரமவஶாதுத்தாமமுக்தாகுண-
ப்ராலம்பே குசகும்பயோர்விகலிதே தக்ஷத்விஷோ வக்ஷஸி |
யா ஸக்யேன பினஹ்யதி ப்ரசுரயா பாஸா ததீயாம் தஶாம்
ஸா மே கேலது காமகோடி ஹ்ருதயே ஸாந்த்ரஸ்மிதாம்ஶுச்சடா ||43||
மந்தாரே தவ மந்தரஸ்மிதருசாம் மாத்ஸர்யமாலோக்யதே
காமாக்ஷி ஸ்மரஶாஸனே ச னியதோ ராகோதயோ லக்ஷ்யதே |
சாந்த்ரீஷு த்யுதிமஞ்ஜரீஷு ச மஹாந்த்வேஷாங்குரோ த்ருஶ்யதே
ஶுத்தானாம் கதமீத்ருஶீ கிரிஸுதேஉதிஶுத்தா தஶா கத்யதாம் ||44||
பீயூஷம் கலு பீயதே ஸுரஜனைர்துக்தாம்புதிர்மத்யதே
மாஹேஶைஶ்ச ஜடாகலாபனிகடைர்மந்தாகினீ னஹ்யதே |
ஶீதாம்ஶு: பரிபூயதே ச தமஸா தஸ்மாதனேதாத்ருஶீ
காமாக்ஷி ஸ்மிதமஞ்ஜரீ தவ வசோவைதக்த்யமுல்லங்கதே ||45||
Manthasmitha Sathakam 46-48 Meaning
Manthasmitha Sathakam 46-48 Slokas
आशङ्के तव मन्दहासलहरीमन्यादृशीं चन्द्रिका-
मेकाम्रेशकुटुम्बिनि प्रतिपदं यस्याः प्रभासङ्गमे ।
वक्षोजाम्बुरुहे न ते रचयतः काञ्चिद्दशां कौङ्मली-
मास्याम्भोरुहमम्ब किञ्च शनकैरालम्बते फुल्लताम् ॥46॥
आस्तीर्णाधरकान्तिपल्लवचये पातं मुहुर्जग्मुषी
मारद्रोहिणि कन्दलत्स्मरशरज्वालावलीर्व्यञ्जती ।
निन्दन्ती घनसारहारवलयज्योत्स्नामृणालानि ते
कामाक्षि स्मितचातुरी विरहिणीरीतिं जगाहेतराम् ॥47॥
सूर्यालोकविधौ विकासमधिकं यान्ती हरन्ती तम-
स्सन्दोहं नमतां निजस्मरणतो दोषाकरद्वेषिणी ।
निर्यान्ती वदनारविन्दकुहरान्निर्धूतजाड्या नृणां
श्रीकामाक्षि तव स्मितद्युतिमयी चित्रीयते चन्द्रिका ॥48॥
ஆஶங்கே தவ மந்தஹாஸலஹரீமந்யாத்ருஶீம் சந்த்ரிகா-
மேகாம்ரேஶகுடும்பினி ப்ரதிபதம் யஸ்யா: ப்ரபாஸம்கமே |
வக்ஷோஜாம்புருஹே ன தே ரசயத: காம்சித்தஶாம் கௌங்மலீ-
மாஸ்யாம்போருஹமம்ப கிம்ச ஶனகைராலம்பதே புல்லதாம் ||46||
ஆஸ்தீர்ணாதரகாந்திபல்லவசயே பாதம் முஹுர்ஜக்முஷீ
மாரத்ரோஹிணி கந்தலத்ஸ்மரஶரஜ்வாலாவலீர்வ்யஞ்ஜதீ |
னிந்தந்தீ கனஸாரஹாரவலயஜ்யோத்ஸ்னாம்ருணாலானி தே
காமாக்ஷி ஸ்மிதசாதுரீ விரஹிணீரீதிம் ஜகாஹேதராம் ||47||
ஸூர்யாலோகவிதௌ விகாஸமதிகம் யாந்தீ ஹரந்தீ தம-
ஸ்ஸந்தோஹம் னமதாம் னிஜஸ்மரணதோ தோஷாகரத்வேஷிணீ |
னிர்யாந்தீ வதனாரவிந்தகுஹராந்னிர்தூதஜாட்யா ந்ருணாம்
ஶ்ரீகாமாக்ஷி தவ ஸ்மிதத்யுதிமயீ சித்ரீயதே சந்த்ரிகா ||48||
Manthasmitha Sathakam 49-51 Meaning
Manthasmitha Sathakam 49-51 Slokas
कुण्ठीकुर्युरमी कुबोधघटनामस्मन्मनोमाथिनीं
श्रीकामाक्षि शिवङ्करास्तव शिवे श्रीमन्दहासाङ्कुराः ।
ये तन्वन्ति निरन्तरं तरुणिमस्तम्बेरमग्रामणी-
कुम्भद्वन्द्वविडम्बिनि स्तनतटे मुक्ताकुथाडम्बरम् ॥49॥
प्रेङ्खन्तः शरदम्बुदा इव शनैः प्रेमानिलैः प्रेरिता
मज्जन्तो मन्दनारिकण्ठसुषमासिन्धौ मुहुर्मन्थरम् ।
श्रीकामाक्षि तव स्मितांशुनिकराः श्यामायमानश्रियो
नीलाम्भोधरनैपुणीं तत इतो निर्निद्रयन्त्यञ्जसा ॥50॥
व्यापारं चतुराननैकविहृतौ व्याकुर्वती कुर्वती
रुद्राक्षग्रहणं महेशि सततं वागूर्मिकल्लोलिता ।
उत्फुल्लं धवलारविन्दमधरीकृत्य स्फुरन्ती सदा
श्रीकामाक्षि सरस्वती विजयते त्वन्मन्दहासप्रभा ॥51॥
குண்டீகுர்யுரமீ குபோதகடனாமஸ்மந்மனோமாதினீம்
ஶ்ரீகாமாக்ஷி ஶிவம்கராஸ்தவ ஶிவே ஶ்ரீமந்தஹாஸாங்குரா: |
யே தந்வந்தி னிரந்தரம் தருணிமஸ்தம்பேரமக்ராமணீ-
கும்பத்வந்த்வவிடம்பினி ஸ்தனதடே முக்தாகுதாடம்பரம் ||49||
ப்ரேங்கந்த: ஶரதம்புதா இவ ஶனை: ப்ரேமானிலை: ப்ரேரிதா
மஜ்ஜந்தோ மந்தனாரிகண்டஸுஷமாஸிந்தௌ முஹுர்மந்தரம் |
ஶ்ரீகாமாக்ஷி தவ ஸ்மிதாம்ஶுனிகரா: ஶ்யாமாயமானஶ்ரியோ
னீலாம்போதரனைபுணீம் தத இதோ னிர்னித்ரயந்த்யஞ்ஜஸா ||50||
வ்யாபாரம் சதுரானனைகவிஹ்ருதௌ வ்யாகுர்வதீ குர்வதீ
ருத்ராக்ஷக்ரஹணம் மஹேஶி ஸததம் வாகூர்மிகல்லோலிதா |
உத்புல்லம் தவலாரவிந்தமதரீக்ருத்ய ஸ்புரந்தீ ஸதா
ஶ்ரீகாமாக்ஷி ஸரஸ்வதீ விஜயதே த்வந்மந்தஹாஸப்ரபா ||51||
Manthasmitha Sathakam 52-54 Meaning
Manthasmitha Sathakam 52-54 Slokas
कर्पूरद्युतितस्करेण महसा कल्माषयत्याननं
श्रीकाञ्चीपुरनायिके पतिरिव श्रीमन्दहासोஉपि ते ।
आलिङ्गत्यतिपीवरां स्तनतटीं बिम्बाधरं चुम्बति
प्रौढं रागभरं व्यनक्ति मनसो धैर्यं धुनीतेतराम् ॥52॥
वैशद्येन च विश्वतापहरणक्रीडापटीयस्तया
पाण्डित्येन पचेलिमेन जगतां नेत्रोत्सवोत्पादेन ।
कामाक्षि स्मितकन्दलैस्तव तुलामारोढुमुद्योगिनी
ज्योत्स्नासौ जलराशिपोषणतया दूष्यां प्रपन्ना दशाम् ॥53॥
लावण्याम्बुजिनीमृणालवलयैः शृङ्गारगन्धद्विप-
ग्रामण्यः श्रुतिचामरैस्तरुणिमस्वाराज्यतेजोङ्कुरैः ।
आनन्दामृतसिन्धुवीचिपृषतैरास्याब्जहंसैस्तव
श्रीकामाक्षि मथान मन्दहसितैर्मत्कं मनःकल्मषम् ॥54॥
கர்பூரத்யுதிதஸ்கரேண மஹஸா கல்மாஷயத்யானனம்
ஶ்ரீகாஞ்சீபுரனாயிகே பதிரிவ ஶ்ரீமந்தஹாஸோஉபி தே |
ஆலிங்கத்யதிபீவராம் ஸ்தனதடீம் பிம்பாதரம் சும்பதி
ப்ரௌடம் ராகபரம் வ்யனக்தி மனஸோ தைர்யம் துனீதேதராம் ||52||
வைஶத்யேன ச விஶ்வதாபஹரணக்ரீடாபடீயஸ்தயா
பாண்டித்யேன பசேலிமேன ஜகதாம் னேத்ரோத்ஸவோத்பாதேன |
காமாக்ஷி ஸ்மிதகந்தலைஸ்தவ துலாமாரோடுமுத்யோகினீ
ஜ்யோத்ஸ்னாஸௌ ஜலராஶிபோஷணதயா தூஷ்யாம் ப்ரபந்னா தஶாம் ||53||
லாவண்யாம்புஜினீம்ருணாலவலயை: ஶ்ருங்காரகந்தத்விப-
க்ராமண்ய: ஶ்ருதிசாமரைஸ்தருணிமஸ்வாராஜ்யதேஜோங்குரை: |
ஆனந்தாம்ருதஸிந்துவீசிப்ருஷதைராஸ்யாப்ஜஹம்ஸைஸ்தவ
ஶ்ரீகாமாக்ஷி மதான மந்தஹஸிதைர்மத்கம் மன:கல்மஷம் ||54||
Manthasmitha Sathakam 55-57 Meaning
Manthasmitha Sathakam 55-57 Slokas
उत्तुङ्गस्तनमण्डलीपरिचलन्माणिक्यहारच्छटा-
चञ्चच्छोणिमपुञ्जमध्यसरणिं मातः परिष्कुर्वती ।
या वैदग्ध्यमुपैति शङ्करजटाकान्तारवाटीपत-
त्स्वर्वापीपयसः स्मितद्युतिरसौ कामाक्षि ते मञ्जुला ॥55॥
सन्नामैकजुषा जनेन सुलभं संसूचयन्ती शनै-
रुत्तुङ्गस्य चिरादनुग्रहतरोरुत्पत्स्यमानं फलम् ।
प्राथम्येन विकस्वरा कुसुमवत्प्रागल्भ्यमभ्येयुषी
कामाक्षि स्मितचातुरी तव मम क्षेमङ्करी कल्पताम् ॥56॥
धानुष्काग्रसरस्य लोलकुटिलभ्रूलेखया बिभ्रतो
लीलालोकशिलीमुखं नववयस्साम्राज्यलक्ष्मीपुषः ।
जेतुं मन्मथमर्दिनं जननि ते कामाक्षि हासः स्वयं
वल्गुर्विभ्रमभूभृतो वितनुते सेनापतिप्रक्रियाम् ॥57॥
உத்துங்கஸ்தனமண்டலீபரிசலந்மாணிக்யஹாரச்சடா-
சஞ்சச்சோணிமபுஞ்ஜமத்யஸரணிம் மாத: பரிஷ்குர்வதீ |
யா வைதக்த்யமுபைதி ஶம்கரஜடாகாந்தாரவாடீபத-
த்ஸ்வர்வாபீபயஸ: ஸ்மிதத்யுதிரஸௌ காமாக்ஷி தே மஞ்ஜுலா ||55||
ஸந்னாமைகஜுஷா ஜனேன ஸுலபம் ஸம்ஸூசயந்தீ ஶனை-
ருத்துங்கஸ்ய சிராதனுக்ரஹதரோருத்பத்ஸ்யமானம் பலம் |
ப்ராதம்யேன விகஸ்வரா குஸுமவத்ப்ராகல்ப்யமப்யேயுஷீ
காமாக்ஷி ஸ்மிதசாதுரீ தவ மம க்ஷேமம்கரீ கல்பதாம் ||56||
தானுஷ்காக்ரஸரஸ்ய லோலகுடிலப்ரூலேகயா பிப்ரதோ
லீலாலோகஶிலீமுகம் னவவயஸ்ஸாம்ராஜ்யலக்ஷ்மீபுஷ: |
ஜேதும் மந்மதமர்தினம் ஜனனி தே காமாக்ஷி ஹாஸ: ஸ்வயம்
வல்குர்விப்ரமபூப்ருதோ விதனுதே ஸேனாபதிப்ரக்ரியாம் ||57||
Manthasmitha Sathakam 58-60 Meaning
Manthasmitha Sathakam 58-60 Slokas
यन्नाकम्पत कालकूटकबलीकारे चुचुम्बे न यद्-
ग्लान्या चक्षुषि रूषितानलशिखे रुद्रस्य तत्तादृशम् ।
चेतो यत्प्रसभं स्मरज्वरशिखिज्वालेन लेलिह्यते
तत्कामाक्षि तव स्मितांशुकलिकाहेलाभवं प्राभवम् ॥58॥
सम्भिन्नेव सुपर्वलोकतटिनी वीचीचयैर्यामुनैः
संमिश्रेव शशाङ्कदीप्तिलहरी नीलैर्महानीरदैः ।
कामाक्षि स्फुरिता तव स्मितरुचिः कालाञ्जनस्पर्धिना
कालिम्ना कचरोचिषां व्यतिकरे काञ्चिद्दशामश्नुते ॥59॥
जानीमो जगदीश्वरप्रणयिनि त्वन्मन्दहासप्रभां
श्रीकामाक्षि सरोजिनीमभिनवामेषा यतः सर्वदा ।
आस्येन्दोरवलोकेन पशुपतेरभ्येति सम्फुल्लतां
तन्द्रालुस्तदभाव एव तनुते तद्वैपरीत्यक्रमम् ॥60॥
யந்னாகம்பத காலகூடகபலீகாரே சுசும்பே ன யத்-
க்லாந்யா சக்ஷுஷி ரூஷிதானலஶிகே ருத்ரஸ்ய தத்தாத்ருஶம் |
சேதோ யத்ப்ரஸபம் ஸ்மரஜ்வரஶிகிஜ்வாலேன லேலிஹ்யதே
தத்காமாக்ஷி தவ ஸ்மிதாம்ஶுகலிகாஹேலாபவம் ப்ராபவம் ||58||
ஸம்பிந்னேவ ஸுபர்வலோகதடினீ வீசீசயைர்யாமுனை:
ஸம்மிஶ்ரேவ ஶஶாங்கதீப்திலஹரீ னீலைர்மஹானீரதை: |
காமாக்ஷி ஸ்புரிதா தவ ஸ்மிதருசி: காலாஞ்ஜனஸ்பர்தினா
காலிம்னா கசரோசிஷாம் வ்யதிகரே காம்சித்தஶாமஶ்னுதே ||59||
ஜானீமோ ஜகதீஶ்வரப்ரணயினி த்வந்மந்தஹாஸப்ரபாம்
ஶ்ரீகாமாக்ஷி ஸரோஜினீமபினவாமேஷா யத: ஸர்வதா |
ஆஸ்யேந்தோரவலோகேன பஶுபதேரப்யேதி ஸம்புல்லதாம்
தந்த்ராலுஸ்ததபாவ ஏவ தனுதே தத்வைபரீத்யக்ரமம் ||60||
Manthasmitha Sathakam 61-63 Meaning
Manthasmitha Sathakam 61-63 Slokas
यान्ती लोहितिमानमभ्रतटिनी धातुच्छटाकर्दमैः
भान्ती बालगभस्तिमालिकिरणैर्मेघावली शारदी ।
बिम्बोष्ठद्युतिपुञ्जचुम्बनकलाशोणायमानेन ते
कामाक्षि स्मितरोचिषा समदशामारोढुमाकाङ्क्षते ॥61॥
श्रीकामाक्षि मुखेन्दुभूषणमिदं मन्दस्मितं तावकं
नेत्रानन्दकरं तथा हिमकरो गच्छेद्यथा तिग्मताम् ।
शीतं देवि तथा यथा हिमजलं सन्तापमुद्रास्पदं
श्वेतं किञ्च तथा यथा मलिनतां धत्ते च मुक्तामणिः ॥62॥
त्वन्मन्दस्मितमञ्जरीं प्रसृमरां कामाक्षि चन्द्रातपं
सन्तः सन्ततमामनन्त्यमलता तल्लक्षणं लक्ष्यते ।
अस्माकं न धुनोति तापकमधिकं धूनोति नाभ्यन्तरं
ध्वान्तं तत्खलु दुःखिनो वयमिदं केनोति नो विद्महे ॥63॥
யாந்தீ லோஹிதிமானமப்ரதடினீ தாதுச்சடாகர்தமை:
பாந்தீ பாலகபஸ்திமாலிகிரணைர்மேகாவலீ ஶாரதீ |
பிம்போஷ்டத்யுதிபுஞ்ஜசும்பனகலாஶோணாயமானேன தே
காமாக்ஷி ஸ்மிதரோசிஷா ஸமதஶாமாரோடுமாகாங்க்ஷதே ||61||
ஶ்ரீகாமாக்ஷி முகேந்துபூஷணமிதம் மந்தஸ்மிதம் தாவகம்
னேத்ரானந்தகரம் ததா ஹிமகரோ கச்சேத்யதா திக்மதாம் |
ஶீதம் தேவி ததா யதா ஹிமஜலம் ஸந்தாபமுத்ராஸ்பதம்
ஶ்வேதம் கிம்ச ததா யதா மலினதாம் தத்தே ச முக்தாமணி: ||62||
த்வந்மந்தஸ்மிதமஞ்ஜரீம் ப்ரஸ்ருமராம் காமாக்ஷி சந்த்ராதபம்
ஸந்த: ஸந்ததமாமனந்த்யமலதா தல்லக்ஷணம் லக்ஷ்யதே |
அஸ்மாகம் ன துனோதி தாபகமதிகம் தூனோதி னாப்யந்தரம்
த்வாந்தம் தத்கலு து:கினோ வயமிதம் கேனோதி னோ வித்மஹே ||63||
Manthasmitha Sathakam 64-66 Meaning
Manthasmitha Sathakam 64-66 Slokas
नम्रस्य प्रणयप्ररूढकलहच्छेदाय पादाब्जयोः
मन्दं चन्द्रकिशोरशेखरमणेः कामाक्षि रागेण ते ।
बन्धूकप्रसवश्रियं जितवतो बंहीयसीं तादृशीं
बिम्बोष्ठस्य रुचिं निरस्य हसितज्योत्स्ना वयस्यायते ॥64॥
मुक्तानां परिमोचनं विदधतस्तत्प्रीतिनिष्पादिनी
भूयो दूरत एव धूतमरुतस्तत्पालनं तन्वती ।
उद्भूतस्य जलान्तरादविरतं तद्दूरतां जग्मुषी
कामाक्षि स्मितमञ्जरी तव कथं कम्बोस्तुलामश्नुते ॥65॥
श्रीकामाक्षि तव स्मितद्युतिझरीवैदग्ध्यलीलायितं
पश्यन्तोஉपि निरन्तरं सुविमलंमन्या जगन्मण्डले ।
लोकं हासयितुं किमर्थमनिशं प्राकाश्यमातन्वते
मन्दाक्षं विरहय्य मङ्गलतरं मन्दारचन्द्रादयः ॥66॥
னம்ரஸ்ய ப்ரணயப்ரரூடகலஹச்சேதாய பாதாப்ஜயோ:
மந்தம் சந்த்ரகிஶோரஶேகரமணே: காமாக்ஷி ராகேண தே |
பந்தூகப்ரஸவஶ்ரியம் ஜிதவதோ பம்ஹீயஸீம் தாத்ருஶீம்
பிம்போஷ்டஸ்ய ருசிம் னிரஸ்ய ஹஸிதஜ்யோத்ஸ்னா வயஸ்யாயதே ||64||
முக்தானாம் பரிமோசனம் விதததஸ்தத்ப்ரீதினிஷ்பாதினீ
பூயோ தூரத ஏவ தூதமருதஸ்தத்பாலனம் தந்வதீ |
உத்பூதஸ்ய ஜலாந்தராதவிரதம் தத்தூரதாம் ஜக்முஷீ
காமாக்ஷி ஸ்மிதமஞ்ஜரீ தவ கதம் கம்போஸ்துலாமஶ்னுதே ||65||
ஶ்ரீகாமாக்ஷி தவ ஸ்மிதத்யுதிஜரீவைதக்த்யலீலாயிதம்
பஶ்யந்தோஉபி னிரந்தரம் ஸுவிமலம்மந்யா ஜகந்மண்டலே |
லோகம் ஹாஸயிதும் கிமர்தமனிஶம் ப்ராகாஶ்யமாதந்வதே
மந்தாக்ஷம் விரஹய்ய மங்கலதரம் மந்தாரசந்த்ராதய: ||66||
Manthasmitha Sathakam 67-69 Meaning
Manthasmitha Sathakam 67-69 Slokas
क्षीराब्धेरपि शैलराजतनये त्वन्मन्दहासस्य च
श्रीकामाक्षि वलक्षिमोदयनिधेः किञ्चिद्भिदां ब्रूमहे ।
एकस्मै पुरुषाय देवि स ददौ लक्ष्मीं कदाचित्पुरा
सर्वेभ्योஉपि ददात्यसौ तु सततं लक्ष्मीं च वागीश्वरीम् ॥67॥
श्रीकाञ्चीपुररत्नदीपकलिके तान्येव मेनात्मजे
चाकोराणि कुलानि देवि सुतरां धन्यानि मन्यामहे ।
कम्पातीरकुटुम्बचङ्क्रमकलाचुञ्चूनि चञ्चूपुटैः
नित्यं यानि तव स्मितेन्दुमहसामास्वादमातन्वते ॥68॥
शैत्यप्रक्रममाश्रितोஉपि नमतां जाड्यप्रथां धूनयन्
नैर्मल्यं परमं गतोஉपि गिरिशं रागाकुलं चारयन् ।
लीलालापपुरस्सरोஉपि सततं वाचंयमान्प्रीणयन्
कामाक्षि स्मितरोचिषां तव समुल्लासः कथं वर्ण्यते ॥69॥
க்ஷீராப்தேரபி ஶைலராஜதனயே த்வந்மந்தஹாஸஸ்ய ச
ஶ்ரீகாமாக்ஷி வலக்ஷிமோதயனிதே: கிம்சித்பிதாம் ப்ரூமஹே |
ஏகஸ்மை புருஷாய தேவி ஸ ததௌ லக்ஷ்மீம் கதாசித்புரா
ஸர்வேப்யோஉபி ததாத்யஸௌ து ஸததம் லக்ஷ்மீம் ச வாகீஶ்வரீம் ||67||
ஶ்ரீகாஞ்சீபுரரத்னதீபகலிகே தாந்யேவ மேனாத்மஜே
சாகோராணி குலானி தேவி ஸுதராம் தந்யானி மந்யாமஹே |
கம்பாதீரகுடும்பசம்க்ரமகலாசுஞ்சூனி சஞ்சூபுடை:
னித்யம் யானி தவ ஸ்மிதேந்துமஹஸாமாஸ்வாதமாதந்வதே ||68||
ஶைத்யப்ரக்ரமமாஶ்ரிதோஉபி னமதாம் ஜாட்யப்ரதாம் தூனயந்
னைர்மல்யம் பரமம் கதோஉபி கிரிஶம் ராகாகுலம் சாரயந் |
லீலாலாபபுரஸ்ஸரோஉபி ஸததம் வாசம்யமாந்ப்ரீணயந்
காமாக்ஷி ஸ்மிதரோசிஷாம் தவ ஸமுல்லாஸ: கதம் வர்ண்யதே ||69||
Manthasmitha Sathakam 70-72 Meaning
Manthasmitha Sathakam 70-72 Slokas
श्रोणीचञ्चलमेखलामुखरितं लीलागतं मन्थरं
भ्रूवल्लीचलनं कटाक्षवलनं मन्दाक्षवीक्षाचणम् ।
यद्वैदग्ध्यमुखेन मन्मथरिपुं संमोहयन्त्यञ्जसा
श्रीकामाक्षि तव स्मिताय सततं तस्मै नम्सकुर्महे ॥70॥
श्रीकामाक्षि मनोज्ञमन्दहसितज्योतिष्प्ररोहे तव
स्फीतश्वेतिमसार्वभौमसरणिप्रागल्भ्यमभ्येयुषि ।
चन्द्रोஉयं युवराजतां कलयते चेटीधुरं चन्द्रिका
शुद्धा सा च सुधाझरी सहचरीसाधर्म्यमालम्बते ॥71॥
ज्योत्स्ना किं तनुते फलं तनुमतामौष्ण्यप्रशान्तिं विना
त्वन्मन्दस्मितरोचिषा तनुमतां कामाक्षि रोचिष्णुना ।
सन्तापो विनिवार्यते नववयःप्राचुर्यमङ्कूर्यते
सौन्दर्यं परिपूर्यते जगति सा कीर्तिश्च सञ्चार्यते ॥72॥
ஶ்ரோணீசஞ்சலமேகலாமுகரிதம் லீலாகதம் மந்தரம்
ப்ரூவல்லீசலனம் கடாக்ஷவலனம் மந்தாக்ஷவீக்ஷாசணம் |
யத்வைதக்த்யமுகேன மந்மதரிபும் ஸம்மோஹயந்த்யஞ்ஜஸா
ஶ்ரீகாமாக்ஷி தவ ஸ்மிதாய ஸததம் தஸ்மை னம்ஸகுர்மஹே ||70||
ஶ்ரீகாமாக்ஷி மனோஜ்ஞமந்தஹஸிதஜ்யோதிஷ்ப்ரரோஹே தவ
ஸ்பீதஶ்வேதிமஸார்வபௌமஸரணிப்ராகல்ப்யமப்யேயுஷி |
சந்த்ரோஉயம் யுவராஜதாம் கலயதே சேடீதுரம் சந்த்ரிகா
ஶுத்தா ஸா ச ஸுதாஜரீ ஸஹசரீஸாதர்ம்யமாலம்பதே ||71||
ஜ்யோத்ஸ்னா கிம் தனுதே பலம் தனுமதாமௌஷ்ண்யப்ரஶாந்திம் வினா
த்வந்மந்தஸ்மிதரோசிஷா தனுமதாம் காமாக்ஷி ரோசிஷ்ணுனா |
ஸந்தாபோ வினிவார்யதே னவவய:ப்ராசுர்யமங்கூர்யதே
ஸௌந்தர்யம் பரிபூர்யதே ஜகதி ஸா கீர்திஶ்ச ஸம்சார்யதே ||72||
Manthasmitha Sathakam 73-75 Meaning
Manthasmitha Sathakam 73-75 Slokas
वैमल्यं कुमुदश्रियां हिमरुचः कान्त्यैव सन्धुक्ष्यते
ज्योत्स्नारोचिरपि प्रदोषसमयं प्राप्यैव सम्पद्यते ।
स्वच्छत्वं नवमौक्तिकस्य परमं संस्कारतो दृश्यते
कामाक्ष्याः स्मितदीधितेर्विशदिमा नैसर्गिको भासते ॥73॥
प्राकाश्यं परमेश्वरप्रणयिनि त्वन्मन्दहासश्रियः
श्रीकामाक्षि मम क्षिणोतु ममतावैचक्षणीमक्षयाम् ।
यद्भीत्येव निलीयते हिमकरो मेघोदरे शुक्तिका-
गर्भे मौक्तिकमण्डली च सरसीमध्ये मृणाली च सा ॥74॥
हेरम्बे च गुहे हर्षभरितं वात्सल्यमङ्कूरयत्
मारद्रोहिणि पूरुषे सहभुवं प्रेमाङ्कुरं व्यञ्जयत् ।
आनम्रेषु जनेषु पूर्णकरुणावैदग्ध्यमुत्तालयत्
कामाक्षि स्मितमञ्जसा तव कथङ्कारं मया कथ्यते ॥75॥
வைமல்யம் குமுதஶ்ரியாம் ஹிமருச: காந்த்யைவ ஸந்துக்ஷ்யதே
ஜ்யோத்ஸ்னாரோசிரபி ப்ரதோஷஸமயம் ப்ராப்யைவ ஸம்பத்யதே |
ஸ்வச்சத்வம் னவமௌக்திகஸ்ய பரமம் ஸம்ஸ்காரதோ த்ருஶ்யதே
காமாக்ஷ்யா: ஸ்மிததீதிதேர்விஶதிமா னைஸர்கிகோ பாஸதே ||73||
ப்ராகாஶ்யம் பரமேஶ்வரப்ரணயினி த்வந்மந்தஹாஸஶ்ரிய:
ஶ்ரீகாமாக்ஷி மம க்ஷிணோது மமதாவைசக்ஷணீமக்ஷயாம் |
யத்பீத்யேவ னிலீயதே ஹிமகரோ மேகோதரே ஶுக்திகா-
கர்பே மௌக்திகமண்டலீ ச ஸரஸீமத்யே ம்ருணாலீ ச ஸா ||74||
ஹேரம்பே ச குஹே ஹர்ஷபரிதம் வாத்ஸல்யமங்கூரயத்
மாரத்ரோஹிணி பூருஷே ஸஹபுவம் ப்ரேமாங்குரம் வ்யஞ்ஜயத் |
ஆனம்ரேஷு ஜனேஷு பூர்ணகருணாவைதக்த்யமுத்தாலயத்
காமாக்ஷி ஸ்மிதமஞ்ஜஸா தவ கதம்காரம் மயா கத்யதே ||75||
Manthasmitha Sathakam 76-78 Meaning
Manthasmitha Sathakam 76-78 Slokas
सङ्क्रुद्धद्विजराजकोஉप्यविरतं कुर्वन्द्विजैः सङ्गमं
वाणीपद्धतिदूरगोஉपि सततं तत्साहचर्यं वहन् ।
अश्रान्तं पशुदुर्लभोஉपि कलयन्पत्यौ पशूनां रतिं
श्रीकामाक्षि तव स्मितामृतरसस्यन्दो मयि स्पन्दताम् ॥76॥
श्रीकामाक्षि महेश्वरे निरुपमप्रेमाङ्कुरप्रक्रमम्ं
नित्यं यः प्रकटीकरोति सहजामुन्निद्रयन्माधुरीम् ।
तत्तादृक्तव मन्दहासमहिमा मातः कथं मानितां
तन्मूर्ध्ना सुरनिम्नगां च कलिकामिन्दोश्च तां निन्दति ॥77॥
ये माधुर्यविहारमण्टपभुवो ये शैत्यमुद्राकरा
ये वैशद्यदशाविशेषसुभगास्ते मन्दहासाङ्कुराः ।
कामाक्ष्याः सहजं गुणत्रयमिदं पर्यायतः कुर्वतां
वाणीगुम्फनडम्बरे च हृदये कीर्तिप्ररोहे च मे ॥78॥
ஸம்க்ருத்தத்விஜராஜகோஉப்யவிரதம் குர்வந்த்விஜை: ஸம்கமம்
வாணீபத்ததிதூரகோஉபி ஸததம் தத்ஸாஹசர்யம் வஹந் |
அஶ்ராந்தம் பஶுதுர்லபோஉபி கலயந்பத்யௌ பஶூனாம் ரதிம்
ஶ்ரீகாமாக்ஷி தவ ஸ்மிதாம்ருதரஸஸ்யந்தோ மயி ஸ்பந்ததாம் ||76||
ஶ்ரீகாமாக்ஷி மஹேஶ்வரே னிருபமப்ரேமாங்குரப்ரக்ரமம்ம்
னித்யம் ய: ப்ரகடீகரோதி ஸஹஜாமுந்னித்ரயந்மாதுரீம் |
தத்தாத்ருக்தவ மந்தஹாஸமஹிமா மாத: கதம் மானிதாம்
தந்மூர்த்னா ஸுரனிம்னகாம் ச கலிகாமிந்தோஶ்ச தாம் னிந்ததி ||77||
யே மாதுர்யவிஹாரமண்டபபுவோ யே ஶைத்யமுத்ராகரா
யே வைஶத்யதஶாவிஶேஷஸுபகாஸ்தே மந்தஹாஸாங்குரா: |
காமாக்ஷ்யா: ஸஹஜம் குணத்ரயமிதம் பர்யாயத: குர்வதாம்
வாணீகும்பனடம்பரே ச ஹ்ருதயே கீர்திப்ரரோஹே ச மே ||78||
Manthasmitha Sathakam 79-81 Meaning
Manthasmitha Sathakam 79-81 Slokas
कामाक्ष्या मृदुलस्मितांशुनिकरा दक्षान्तके वीक्षणे
मन्दाक्षग्रहिला हिमद्युतिमयूखाक्षेपदीक्षाङ्कुराः ।
दाक्ष्यं पक्ष्मलयन्तु माक्षिकगुडद्राक्षाभवं वाक्षु मे
सूक्ष्मं मोक्षपथं निरीक्षितुमपि प्रक्षालयेयुर्मनः ॥79॥
जात्या शीतशीतलानि मधुराण्येतानि पूतानि ते
गाङ्गानीव पयांसि देवि पटलान्यल्पस्मितज्योतिषाम् ।
एनःपङ्कपरम्परामलिनितामेकाम्रनाथप्रिये
प्रज्ञानात्सुतरां मदीयधिषणां प्रक्षालयन्तु क्षणात् ॥80॥
अश्रान्तं परतन्त्रितः पशुपतिस्त्वन्मन्दहासाङ्कुरैः
श्रीकामाक्षि तदीयवर्णसमतासङ्गेन शङ्कामहे ।
इन्दुं नाकधुनीं च शेखरयते मालां च धत्ते नवैः
वैकुण्ठैरवकुण्ठनं च कुरुते धूलीचयैर्भास्मनैः ॥81॥
காமாக்ஷ்யா ம்ருதுலஸ்மிதாம்ஶுனிகரா தக்ஷாந்தகே வீக்ஷணே
மந்தாக்ஷக்ரஹிலா ஹிமத்யுதிமயூகாக்ஷேபதீக்ஷாங்குரா: |
தாக்ஷ்யம் பக்ஷ்மலயந்து மாக்ஷிககுடத்ராக்ஷாபவம் வாக்ஷு மே
ஸூக்ஷ்மம் மோக்ஷபதம் னிரீக்ஷிதுமபி ப்ரக்ஷாலயேயுர்மன: ||79||
ஜாத்யா ஶீதஶீதலானி மதுராண்யேதானி பூதானி தே
காங்கானீவ பயாம்ஸி தேவி படலாந்யல்பஸ்மிதஜ்யோதிஷாம் |
ஏன:பங்கபரம்பராமலினிதாமேகாம்ரனாதப்ரியே
ப்ரஜ்ஞானாத்ஸுதராம் மதீயதிஷணாம் ப்ரக்ஷாலயந்து க்ஷணாத் ||80||
அஶ்ராந்தம் பரதந்த்ரித: பஶுபதிஸ்த்வந்மந்தஹாஸாங்குரை:
ஶ்ரீகாமாக்ஷி ததீயவர்ணஸமதாஸங்கேன ஶங்காமஹே |
இந்தும் னாகதுனீம் ச ஶேகரயதே மாலாம் ச தத்தே னவை:
வைகுண்டைரவகுண்டனம் ச குருதே தூலீசயைர்பாஸ்மனை: ||81||
Manthasmitha Sathakam 82-84 Meaning
Manthasmitha Sathakam 82-84 Slokas
श्रीकाञ्चीपुरदेवते मृदुवचस्सौरभ्यमुद्रास्पदं
प्रौढप्रेमलतानवीनकुसुमं मन्दस्मितं तावकम् ।
मन्दं कन्दलति प्रियस्य वदनालोके समाभाषणे
श्लक्ष्णे कुङ्मलति प्ररूढपुलके चाश्लोषणे फुल्लति ॥82॥
किं त्रैस्रोतसमम्बिके परिणतं स्रोतश्चतुर्थं नवं
पीयूषस्य समस्ततापहरणं किंवा द्वितीयं वपुः ।
किंस्वित्त्वन्निकटं गतं मधुरिमाभ्यासाय गव्यं पयः
श्रीकाञ्चीपुरनायकप्रियतमे मन्दस्मितं तावकम् ॥83॥
भूषा वक्त्रसरोरुहस्य सहजा वाचां सखी शाश्वती
नीवी विभ्रमसन्ततेः पशुपतेः सौधी दृशां पारणा ।
जीवातुर्मदनश्रियः शशिरुचेरुच्चाटनी देवता
श्रीकामाक्षि गिरामभूमिमयते हासप्रभामञ्जरी ॥84॥
ஶ்ரீகாஞ்சீபுரதேவதே ம்ருதுவசஸ்ஸௌரப்யமுத்ராஸ்பதம்
ப்ரௌடப்ரேமலதானவீனகுஸுமம் மந்தஸ்மிதம் தாவகம் |
மந்தம் கந்தலதி ப்ரியஸ்ய வதனாலோகே ஸமாபாஷணே
ஶ்லக்ஷ்ணே குங்மலதி ப்ரரூடபுலகே சாஶ்லோஷணே புல்லதி ||82||
கிம் த்ரைஸ்ரோதஸமம்பிகே பரிணதம் ஸ்ரோதஶ்சதுர்தம் னவம்
பீயூஷஸ்ய ஸமஸ்ததாபஹரணம் கிம்வா த்விதீயம் வபு: |
கிம்ஸ்வித்த்வந்னிகடம் கதம் மதுரிமாப்யாஸாய கவ்யம் பய:
ஶ்ரீகாஞ்சீபுரனாயகப்ரியதமே மந்தஸ்மிதம் தாவகம் ||83||
பூஷா வக்த்ரஸரோருஹஸ்ய ஸஹஜா வாசாம் ஸகீ ஶாஶ்வதீ
னீவீ விப்ரமஸந்ததே: பஶுபதே: ஸௌதீ த்ருஶாம் பாரணா |
ஜீவாதுர்மதனஶ்ரிய: ஶஶிருசேருச்சாடனீ தேவதா
ஶ்ரீகாமாக்ஷி கிராமபூமிமயதே ஹாஸப்ரபாமஞ்ஜரீ ||84||
Manthasmitha Sathakam 85-87 Meaning
Manthasmitha Sathakam 85-87 Slokas
सूतिः श्वेतिमकन्दलस्य वसतिः शृङ्गारसारश्रियः
पूर्तिः सूक्तिझरीरसस्य लहरी कारुण्यपाथोनिधेः ।
वाटी काचन कौसुमी मधुरिमस्वाराज्यलक्ष्म्यास्तव
श्रीकामाक्षि ममास्तु मङ्गलकरी हासप्रभाचातुरी ॥85॥
जन्तूनां जनिदुःखमृत्युलहरीसन्तापनं कृन्ततः
प्रौढानुग्रहपूर्णशीतलरुचो नित्योदयं बिभ्रतः ।
श्रीकामाक्षि विसृत्वरा इव करा हासाङ्कुरास्ते हठा-
दालोकेन निहन्युरन्धतमसस्तोमस्य मे सन्ततिम् ॥86॥
उत्तुङ्गस्तनमण्डलस्य विलसल्लावण्यलीलानटी-
रङ्गस्य स्फुटमूर्ध्वसीमनि मुहुः प्राकाश्यमभ्येयुषी ।
श्रीकामाक्षि तव स्मितद्युतिततिर्बिम्बोष्ठकान्त्यङ्कुरैः
चित्रां विद्रुममुद्रितां वितनुते मौक्तीं वितानश्रियम् ॥87॥
ஸூதி: ஶ்வேதிமகந்தலஸ்ய வஸதி: ஶ்ருங்காரஸாரஶ்ரிய:
பூர்தி: ஸூக்திஜரீரஸஸ்ய லஹரீ காருண்யபாதோனிதே: |
வாடீ காசன கௌஸுமீ மதுரிமஸ்வாராஜ்யலக்ஷ்ம்யாஸ்தவ
ஶ்ரீகாமாக்ஷி மமாஸ்து மங்கலகரீ ஹாஸப்ரபாசாதுரீ ||85||
ஜந்தூனாம் ஜனிது:கம்ருத்யுலஹரீஸந்தாபனம் க்ருந்தத:
ப்ரௌடானுக்ரஹபூர்ணஶீதலருசோ னித்யோதயம் பிப்ரத: |
ஶ்ரீகாமாக்ஷி விஸ்ருத்வரா இவ கரா ஹாஸாங்குராஸ்தே ஹடா-
தாலோகேன னிஹந்யுரந்ததமஸஸ்தோமஸ்ய மே ஸந்ததிம் ||86||
உத்துங்கஸ்தனமண்டலஸ்ய விலஸல்லாவண்யலீலானடீ-
ரங்கஸ்ய ஸ்புடமூர்த்வஸீமனி முஹு: ப்ராகாஶ்யமப்யேயுஷீ |
ஶ்ரீகாமாக்ஷி தவ ஸ்மிதத்யுதிததிர்பிம்போஷ்டகாந்த்யங்குரை:
சித்ராம் வித்ருமமுத்ரிதாம் விதனுதே மௌக்தீம் விதானஶ்ரியம் ||87||
Manthasmitha Sathakam 88-90 Meaning
Manthasmitha Sathakam 88-90 Slokas
स्वाभाव्यात्तव वक्त्रमेव ललितं सन्तोषसम्पादनं
शम्भोः किं पुनरञ्चितस्मितरुचः पाण्डित्यपात्रीकृतम् ।
अम्भोजं स्वत एव सर्वजगतां चक्षुःप्रियम्भावुकं
कामाक्षि स्फुरिते शरद्विकसिते कीदृग्विधं भ्राजते ॥88॥
पुम्भिर्निर्मलमानसौर्विदधते मैत्रीं दृढं निर्मलां
लब्ध्वा कर्मलयं च निर्मलतरां कीर्तिं लभन्तेतराम् ।
सूक्तिं पक्ष्मलयन्ति निर्मलतमां यत्तावकाः सेवकाः
तत्कामाक्षि तव स्मितस्य कलया नैर्मल्यसीमानिधेः ॥89॥
आकर्षन्नयनानि नाकिसदसां शैत्येन संस्तम्भय-
न्निन्दुं किञ्च विमोहयन्पशुपतिं विश्वार्तिमुच्चाटयन् ।
हिंसत्संसृतिडम्बरं तव शिवे हासाह्वयो मान्त्रिकः
श्रीकामाक्षि मदीयमानसतमोविद्वेषणे चेष्टताम् ॥90॥
ஸ்வாபாவ்யாத்தவ வக்த்ரமேவ லலிதம் ஸந்தோஷஸம்பாதனம்
ஶம்போ: கிம் புனரஞ்சிதஸ்மிதருச: பாண்டித்யபாத்ரீக்ருதம் |
அம்போஜம் ஸ்வத ஏவ ஸர்வஜகதாம் சக்ஷு:ப்ரியம்பாவுகம்
காமாக்ஷி ஸ்புரிதே ஶரத்விகஸிதே கீத்ருக்விதம் ப்ராஜதே ||88||
பும்பிர்னிர்மலமானஸௌர்விதததே மைத்ரீம் த்ருடம் னிர்மலாம்
லப்த்வா கர்மலயம் ச னிர்மலதராம் கீர்திம் லபந்தேதராம் |
ஸூக்திம் பக்ஷ்மலயந்தி னிர்மலதமாம் யத்தாவகா: ஸேவகா:
தத்காமாக்ஷி தவ ஸ்மிதஸ்ய கலயா னைர்மல்யஸீமானிதே: ||89||
ஆகர்ஷந்னயனானி னாகிஸதஸாம் ஶைத்யேன ஸம்ஸ்தம்பய-
ந்னிந்தும் கிம்ச விமோஹயந்பஶுபதிம் விஶ்வார்திமுச்சாடயந் |
ஹிம்ஸத்ஸம்ஸ்ருதிடம்பரம் தவ ஶிவே ஹாஸாஹ்வயோ மாந்த்ரிக:
ஶ்ரீகாமாக்ஷி மதீயமானஸதமோவித்வேஷணே சேஷ்டதாம் ||90||
Manthasmitha Sathakam 91-93 Meaning
Manthasmitha Sathakam 91-93 Slokas
क्षेपीयः क्षपयन्तु कल्मषभयान्यस्माकमल्पस्मित-
ज्योतिर्मण्डलचङ्क्रमास्तव शिवे कामाक्षि रोचिष्णवः ।
पीडाकर्मठकर्मघर्मसमयव्यापारतापानल-
श्रीपाता नवहर्षवर्षणसुधास्रोतस्विनीशीकराः ॥91॥
श्रीकामाक्षि तव स्मितैन्दवमहःपूरे परिम्फूर्जति
प्रौढां वारिधिचातुरीं कलयते भक्तात्मनां प्रातिभम् ।
दौर्गत्यप्रसरास्तमःपटलिकासाधर्म्यमाबिभ्रते
सर्वं कैरवसाहचर्यपदवीरीतिं विधत्ते परम् ॥92॥
मन्दारादिषु मन्मथारिमहिषि प्राकाश्यरीतिं निजां
कादाचित्कतया विशङ्क्य बहुशो वैशद्यमुद्रागुणः ।
श्रीकामाक्षि ततीय संगम कला मन्दीभवत कौतुग:
सातत्येन तव स्मिते वितनुते स्वैरासनावासनाम् ॥93॥
க்ஷேபீய: க்ஷபயந்து கல்மஷபயாந்யஸ்மாகமல்பஸ்மித-
ஜ்யோதிர்மண்டலசம்க்ரமாஸ்தவ ஶிவே காமாக்ஷி ரோசிஷ்ணவ: |
பீடாகர்மடகர்மகர்மஸமயவ்யாபாரதாபானல-
ஶ்ரீபாதா னவஹர்ஷவர்ஷணஸுதாஸ்ரோதஸ்வினீஶீகரா: ||91||
ஶ்ரீகாமாக்ஷி தவ ஸ்மிதைந்தவமஹ:பூரே பரிம்பூர்ஜதி
ப்ரௌடாம் வாரிதிசாதுரீம் கலயதே பக்தாத்மனாம் ப்ராதிபம் |
தௌர்கத்யப்ரஸராஸ்தம:படலிகாஸாதர்ம்யமாபிப்ரதே
ஸர்வம் கைரவஸாஹசர்யபதவீரீதிம் விதத்தே பரம் ||92||
மந்தாராதிஷு மந்மதாரிமஹிஷி ப்ராகாஶ்யரீதிம் னிஜாம்
காதாசித்கதயா விஶங்க்ய பஹுஶோ வைஶத்யமுத்ராகுண: |
ஶ்ரீகாமாக்ஷி ததீய ஸங்கம கலா மன்தீபவத் கௌதுக:
ஸாதத்யேன தவ ஸ்மிதே விதனுதே ஸ்வைராஸனாவாஸனாம் ||93||
Manthasmitha Sathakam 94-96 Meaning
Manthasmitha Sathakam 94-96 Slokas
इन्धाने भववीतिहोत्रनिवहे कर्मौघचण्डानिल-
प्रौढिम्ना बहुलीकृते निपतितं सन्तापचिन्ताकुलम् ।
मातर्मां परिषिञ्च किञ्चिदमलैः पीयूषवर्षैरिव
श्रीकामाक्षि तव स्मितद्युतिकणैः शैशिर्यलीलाकरैः ॥94॥
भाषाया रसनाग्रखेलनजुषः शृङ्गारमुद्रासखी-
लीलाजातरतेः सुखेन नियमस्नानाय मेनात्मजे ।
श्रीकामाक्षि सुधामयीव शिशिरा स्रोतस्विनी तावकी
गाढानन्दतरङ्गिता विजयते हासप्रभाचातुरी ॥95॥
सन्तापं विरलीकरोतु सकलं कामाक्षि मच्चेतना
मज्जन्ती मधुरस्मितामरधुनीकल्लोलजालेषु ते ।
नैरन्तर्यमुपेत्य मन्मथमरुल्लोलेषु येषु स्फुटं
प्रेमेन्दुः प्रतिबिम्बितो वितनुते कौतूहलं धूर्जटेः ॥96॥
இந்தானே பவவீதிஹோத்ரனிவஹே கர்மௌகசண்டானில-
ப்ரௌடிம்னா பஹுலீக்ருதே னிபதிதம் ஸந்தாபசிந்தாகுலம் |
மாதர்மாம் பரிஷிஞ்ச கிம்சிதமலை: பீயூஷவர்ஷைரிவ
ஶ்ரீகாமாக்ஷி தவ ஸ்மிதத்யுதிகணை: ஶைஶிர்யலீலாகரை: ||94||
பாஷாயா ரஸனாக்ரகேலனஜுஷ: ஶ்ருங்காரமுத்ராஸகீ-
லீலாஜாதரதே: ஸுகேன னியமஸ்னானாய மேனாத்மஜே |
ஶ்ரீகாமாக்ஷி ஸுதாமயீவ ஶிஶிரா ஸ்ரோதஸ்வினீ தாவகீ
காடானந்ததரங்கிதா விஜயதே ஹாஸப்ரபாசாதுரீ ||95||
ஸந்தாபம் விரலீகரோது ஸகலம் காமாக்ஷி மச்சேதனா
மஜ்ஜந்தீ மதுரஸ்மிதாமரதுனீகல்லோலஜாலேஷு தே |
னைரந்தர்யமுபேத்ய மந்மதமருல்லோலேஷு யேஷு ஸ்புடம்
ப்ரேமேந்து: ப்ரதிபிம்பிதோ விதனுதே கௌதூஹலம் தூர்ஜடே: ||96||
Manthasmitha Sathakam 97-100 Meaning
Manthasmitha Sathakam 97-100 Slokas
चेतःक्षीरपयोधिमन्थरचलद्रागाख्यमन्थाचल-
क्षोभव्यापृतिसम्भवां जननि ते मन्दस्मितश्रीसुधाम् ।
स्वादंस्वादमुदीतकौतुकरसा नेत्रत्रयी शाङ्करी
श्रीकामाक्षि निरन्तरं परिणमत्यानन्दवीचीमयी ॥97॥
आलोके तव पञ्चसायकरिपोरुद्दामकौतूहल-
प्रेङ्खन्मारुतघट्टनप्रचलितादानन्ददुग्धाम्बुधेः ।
काचिद्वीचिरुदञ्चति प्रतिनवा संवित्प्ररोहात्मिका
तां कामाक्षि कवीश्वराः स्मितमिति व्याकुर्वते सर्वदा ॥98॥
सूक्तिः शीलयते किमद्रितनये मन्दस्मितात्ते मुहुः
माधुर्यागमसम्प्रदायमथवा सूक्तेर्नु मन्दस्मितम् ।
इत्थं कामपि गाहते मम मनः सन्देहमार्गभ्रमिं
श्रीकामाक्षि न पारमार्थ्यसरणिस्फूर्तौ निधत्ते पदम् ॥99॥
क्रीडालोलकृपासरोरुहमुखीसौधाङ्गणेभ्यः कवि-
श्रेणीवाक्परिपाटिकामृतझरीसूतीगृहेभ्यः शिवे ।
निर्वाणाङ्कुरसार्वभौमपदवीसिंहासनेभ्यस्तव
श्रीकामाक्षि मनोज्ञमन्दहसितज्योतिष्कणेभ्यो नमः ॥100॥
॥ इति मन्दस्मितशतकं सम्पूर्णम् ॥
॥ इति श्री मूकपञ्चशती सम्पूर्णा ॥
॥ॐ तत् सत् ॥
சேத:க்ஷீரபயோதிமந்தரசலத்ராகாக்யமந்தாசல-
க்ஷோபவ்யாப்ருதிஸம்பவாம் ஜனனி தே மந்தஸ்மிதஶ்ரீஸுதாம் |
ஸ்வாதம்ஸ்வாதமுதீதகௌதுகரஸா னேத்ரத்ரயீ ஶாம்கரீ
ஶ்ரீகாமாக்ஷி னிரந்தரம் பரிணமத்யானந்தவீசீமயீ ||97||
ஆலோகே தவ பஞ்சஸாயகரிபோருத்தாமகௌதூஹல-
ப்ரேங்கந்மாருதகட்டனப்ரசலிதாதானந்ததுக்தாம்புதே: |
காசித்வீசிருதஞ்சதி ப்ரதினவா ஸம்வித்ப்ரரோஹாத்மிகா
தாம் காமாக்ஷி கவீஶ்வரா: ஸ்மிதமிதி வ்யாகுர்வதே ஸர்வதா ||98||
ஸூக்தி: ஶீலயதே கிமத்ரிதனயே மந்தஸ்மிதாத்தே முஹு:
மாதுர்யாகமஸம்ப்ரதாயமதவா ஸூக்தேர்னு மந்தஸ்மிதம் |
இத்தம் காமபி காஹதே மம மன: ஸந்தேஹமார்கப்ரமிம்
ஶ்ரீகாமாக்ஷி ன பாரமார்த்யஸரணிஸ்பூர்தௌ னிதத்தே பதம் ||99||
க்ரீடாலோலக்ருபாஸரோருஹமுகீஸௌதாங்கணேப்ய: கவி-
ஶ்ரேணீவாக்பரிபாடிகாம்ருதஜரீஸூதீக்ருஹேப்ய: ஶிவே |
னிர்வாணாங்குரஸார்வபௌமபதவீஸிம்ஹாஸனேப்யஸ்தவ
ஶ்ரீகாமாக்ஷி மனோஜ்ஞமந்தஹஸிதஜ்யோதிஷ்கணேப்யோ னம: ||100||
|| இதி மந்தஸ்மிதஶதகம் ஸம்பூர்ணம் ||
|| இதி ஶ்ரீ மூகபஞ்சஶதீ ஸம்பூர்ணா ||
||ஓஉம் தத் ஸத் ||