Contents
- Padharavinda Sathakam 1-3
- Padharavinda Sathakam 4-6
- Padharavinda Sathakam 7-9
- Padharavinda Sathakam 10-12
- Padharavinda Sathakam 13-15
- Padharavinda Sathakam 16-18
- Padharavinda Sathakam 19-21
- Padharavinda Sathakam 22-24
- Padharavinda Sathakam 25-27
- Padharavinda Sathakam 28-30
- Padharavinda Sathakam 31-33
- Padharavinda Sathakam 34-36
- Padharavinda Sathakam 37-39
- Padharavinda Sathakam 40-42
- Padharavinda Sathakam 43-45
- Padharavinda Sathakam 46-48
- Padharavinda Sathakam 49-51
- Padharavinda Sathakam 52-54
- Padharavinda Sathakam 55-57
- Padharavinda Sathakam 58-60
- Padharavinda Sathakam 61-63
- Padharavinda Sathakam 64-66
- Padharavinda Sathakam 67-69
- Padharavinda Sathakam 70-72
- Padharavinda Sathakam 73-75
- Padharavinda Sathakam 76-78
- Padharavinda Sathakam 79-81
- Padharavinda Sathakam 82-84
- Padharavinda Sathakam 85-87
- Padharavinda Sathakam 88-90
- Padharavinda Sathakam 91-93
- Padharavinda Sathakam 94-96
- Padharavinda Sathakam 97-99
- Padharavinda Sathakam 100-103
Padharavinda Sathakam 1-3 Meaning
Padharavinda Sathakam 1-3 Slokas
महिम्नः पन्थानं मदनपरिपन्थिप्रणयिनि
प्रभुर्निर्णेतुं ते भवति यतमानोஉपि कतमः ।
तथापि श्रीकाञ्चीविहृतिरसिके कोஉपि मनसो
विपाकस्त्वत्पादस्तुतिविधिषु जल्पाकयति माम् ॥1॥
गलग्राही पौरन्दरपुरवनीपल्लवरुचां
धृतपाथम्यानामरुणमहसामादिमगुरुः ।
समिन्धे बन्धूकस्तबकसहयुध्वा दिशि दिशि
प्रसर्पन्कामाक्ष्याश्चरणकिरणानामरुणिमा ॥2॥
मरालीनां यानाभ्यसनकलनामूलगुरवे
दरिद्राणां त्राणव्यतिकरसुरोद्यानतरवे ।
तमस्काण्डप्रौढिप्रकटनतिरस्कारपटवे
जनोஉयं कामाक्ष्याश्चरणनलिनाय स्पृहयते ॥3॥
மஹிம்ன: பந்தானம் மதனபரிபந்திப்ரணயினி
ப்ரபுர்னிர்ணேதும் தே பவதி யதமானோஉபி கதம: |
ததாபி ஶ்ரீகாஞ்சீவிஹ்ருதிரஸிகே கோஉபி மனஸோ
விபாகஸ்த்வத்பாதஸ்துதிவிதிஷு ஜல்பாகயதி மாம் ||1||
கலக்ராஹீ பௌரந்தரபுரவனீபல்லவருசாம்
த்ருதபாதம்யானாமருணமஹஸாமாதிமகுரு: |
ஸமிந்தே பந்தூகஸ்தபகஸஹயுத்வா திஶி திஶி
ப்ரஸர்பந்காமாக்ஷ்யாஶ்சரணகிரணானாமருணிமா ||2||
மராலீனாம் யானாப்யஸனகலனாமூலகுரவே
தரித்ராணாம் த்ராணவ்யதிகரஸுரோத்யானதரவே |
தமஸ்காண்டப்ரௌடிப்ரகடனதிரஸ்காரபடவே
ஜனோஉயம் காமாக்ஷ்யாஶ்சரணனலினாய ஸ்ப்ருஹயதே ||3||
Padharavinda Sathakam 4-6 Meaning
Padharavinda Sathakam 4-6 Slokas
वहन्ती सैन्दूरीं सरणिमवनम्रामरपुऱी-
पुरन्ध्रीसीमन्ते कविकमलबालार्कसुषमा ।
त्रयीसीमन्तिन्याः स्तनतटनिचोलारुणपटी
विभान्ती कामाक्ष्याः पदनलिनकान्तिर्विजयते ॥4॥
प्रणम्रीभूतस्य प्रणयकलहत्रस्तमनसः
स्मरारातेश्चूडावियति गृहमेधी हिमकरः ।
ययोः सान्ध्यां कान्तिं वहति सुषमाभिश्चरणयोः
तयोर्मे कामाक्ष्या हृदयमपतन्द्रं विहरताम् ॥5॥
ययोः पीठायन्ते विबुधमुकुटीनां पटलिका
ययोः सौधायन्ते स्वयमुदयभाजो भणितयः ।
ययोः दासायन्ते सरसिजभवाद्याश्चरणयोः
तयोर्मे कामाक्ष्या दिनमनु वरीवर्तु हृदयम् ॥6॥
வஹந்தீ ஸைந்தூரீம் ஸரணிமவனம்ராமரபுறீ-
புரந்த்ரீஸீமந்தே கவிகமலபாலார்கஸுஷமா |
த்ரயீஸீமந்திந்யா: ஸ்தனதடனிசோலாருணபடீ
விபாந்தீ காமாக்ஷ்யா: பதனலினகாந்திர்விஜயதே ||4||
ப்ரணம்ரீபூதஸ்ய ப்ரணயகலஹத்ரஸ்தமனஸ:
ஸ்மராராதேஶ்சூடாவியதி க்ருஹமேதீ ஹிமகர: |
யயோ: ஸாந்த்யாம் காந்திம் வஹதி ஸுஷமாபிஶ்சரணயோ:
தயோர்மே காமாக்ஷ்யா ஹ்ருதயமபதந்த்ரம் விஹரதாம் ||5||
யயோ: பீடாயந்தே விபுதமுகுடீனாம் படலிகா
யயோ: ஸௌதாயந்தே ஸ்வயமுதயபாஜோ பணிதய: |
யயோ: தாஸாயந்தே ஸரஸிஜபவாத்யாஶ்சரணயோ:
தயோர்மே காமாக்ஷ்யா தினமனு வரீவர்து ஹ்ருதயம் ||6||
Padharavinda Sathakam 7-9 Meaning
Padharavinda Sathakam 7-9 Slokas
नयन्ती सङ्कोचं सरसिजरुचं दिक्परिसरे
सृजन्ती लौहित्यं नखकिरणचन्द्रार्धखचिता ।
कवीन्द्राणां हृत्कैरवविकसनोद्योगजननी
स्फुरन्ती कामाक्ष्याः चरणरुचिसन्ध्या विजयते ॥7॥
विरावैर्माञ्जीरैः किमपि कथयन्तीव मधुरं
पुरस्तादानम्रे पुरविजयिनि स्मेरवदने ।
वयस्येव प्रौढा शिथिलयति या प्रेमकलह-
प्ररोहं कामाक्ष्याः चरणयुगली सा विजयते ॥8॥
सुपर्वस्त्रीलोलालकपरिचितं षट्पदकुलैः
स्फुरल्लाक्षारागं तरुणतरणिज्योतिररुणैः ।
भृतं कान्त्यम्भोभिः विसृमरमरन्दैः सरसिजैः
विधत्ते कामाक्ष्याः चरणयुगलं बन्धुपदवीम् ॥9॥
நயந்தீ ஸம்கோசம் ஸரஸிஜருசம் திக்பரிஸரே
ஸ்ருஜந்தீ லௌஹித்யம் நககிரணசந்த்ரார்தகசிதா |
கவீந்த்ராணாம் ஹ்ருத்கைரவவிகஸனோத்யோகஜனனீ
ஸ்புரந்தீ காமாக்ஷ்யா: சரணருசிஸந்த்யா விஜயதே ||7||
விராவைர்மாஞ்ஜீரை: கிமபி கதயந்தீவ மதுரம்
புரஸ்தாதானம்ரே புரவிஜயினி ஸ்மேரவதனே |
வயஸ்யேவ ப்ரௌடா ஶிதிலயதி யா ப்ரேமகலஹ-
ப்ரரோஹம் காமாக்ஷ்யா: சரணயுகலீ ஸா விஜயதே ||8||
ஸுபர்வஸ்த்ரீலோலாலகபரிசிதம் ஷட்பதகுலை:
ஸ்புரல்லாக்ஷாராகம் தருணதரணிஜ்யோதிரருணை: |
ப்ருதம் காந்த்யம்போபி: விஸ்ருமரமரந்தை: ஸரஸிஜை:
விதத்தே காமாக்ஷ்யா: சரணயுகலம் பந்துபதவீம் ||9|
Padharavinda Sathakam 10-12 Meaning
Padharavinda Sathakam 10-12 Slokas
रजःसंसर्गेஉपि स्थितमरजसामेव हृदये
परं रक्तत्वेन स्थितमपि विरक्तैकशरणम् ।
अलभ्यं मन्दानां दधदपि सदा मन्दगतितां
विधत्ते कामाक्ष्याः चरणयुगमाश्चर्यलहरीम् ॥10॥
जटाला मञ्जीरस्फुरदरुणरत्नांशुनिकरैः
निषिदन्ती मध्ये नखरुचिझरीगाङ्गपयसाम् ।
जगत्त्राणं कर्तुं जननि मम कामाक्षि नियतं
तपश्चर्यां धत्ते तव चरणपाथोजयुगली ॥11॥
तुलाकोटिद्वन्द्वक्कणितभणिताभीतिवचसोः
विनम्रं कामाक्षी विसृमरमहःपाटलितयोः ।
क्षणं विन्यासेन क्षपिततमसोर्मे ललितयोः
पुनीयान्मूर्धानं पुरहरपुरन्ध्री चरणयोः ॥12॥
ரஜ:ஸம்ஸர்கேஉபி ஸ்திதமரஜஸாமேவ ஹ்ருதயே
பரம் ரக்தத்வேன ஸ்திதமபி விரக்தைகஶரணம் |
அலப்யம் மந்தானாம் தததபி ஸதா மந்தகதிதாம்
விதத்தே காமாக்ஷ்யா: சரணயுகமாஶ்சர்யலஹரீம் ||10||
ஜடாலா மஞ்ஜீரஸ்புரதருணரத்னாம்ஶுனிகரை:
னிஷிதந்தீ மத்யே னகருசிஜரீகாங்கபயஸாம் |
ஜகத்த்ராணம் கர்தும் ஜனனி மம காமாக்ஷி னியதம்
தபஶ்சர்யாம் தத்தே தவ சரணபாதோஜயுகலீ ||11||
துலாகோடித்வந்த்வக்கணிதபணிதாபீதிவசஸோ:
வினம்ரம் காமாக்ஷீ விஸ்ருமரமஹ:பாடலிதயோ: |
க்ஷணம் விந்யாஸேன க்ஷபிததமஸோர்மே லலிதயோ:
புனீயாந்மூர்தானம் புரஹரபுரந்த்ரீ சரணயோ: ||12||
Padharavindha Sathakam 13-15 Meaning
Padharavindha Sathakam 13-15 Slokas
भवानि द्रुह्येतां भवनिबिडितेभ्यो मम मुहु-
स्तमोव्यामोहेभ्यस्तव जननि कामाक्षि चरणौ ।
ययोर्लाक्षाबिन्दुस्फुरणधरणाद्ध्वर्जटिजटा-
कुटीरा शोणाङ्कं वहति वपुरेणाङ्ककलिका ॥13॥
पवित्रीकुर्युर्नुः पदतलभुवः पाटलरुचः
परागास्ते पापप्रशमनधुरीणाः परशिवे ।
कणं लब्धुं येषां निजशिरसि कामाक्षि विवशा
वलन्तो व्यातन्वन्त्यहमहमिकां माधवमुखाः ॥14॥
बलाकामालाभिर्नखरुचिमयीभिः परिवृते
विनम्रस्वर्नारीविकचकचकालाम्बुदकुले ।
स्फुरन्तः कामाक्षि स्फुटदलितबन्धूकसुहृद-
स्तटिल्लेखायन्ते तव चरणपाथोजकिरणाः ॥15॥
பவானி த்ருஹ்யேதாம் பவனிபிடிதேப்யோ மம முஹு-
ஸ்தமோவ்யாமோஹேப்யஸ்தவ ஜனனி காமாக்ஷி சரணௌ |
யயோர்லாக்ஷாபிந்துஸ்புரணதரணாத்த்வர்ஜடிஜடா-
குடீரா ஶோணாங்கம் வஹதி வபுரேணாங்ககலிகா ||13||
பவித்ரீகுர்யுர்னு: பததலபுவ: பாடலருச:
பராகாஸ்தே பாபப்ரஶமனதுரீணா: பரஶிவே |
கணம் லப்தும் யேஷாம் னிஜஶிரஸி காமாக்ஷி விவஶா
வலந்தோ வ்யாதந்வந்த்யஹமிஹமிகாம் மாதவமுகா: ||14||
பலாகாமாலாபிர்னகருசிமயீபி: பரிவ்ருதே
வினம்ரஸ்வர்னாரீவிகசகசகாலாம்புதகுலே |
ஸ்புரந்த: காமாக்ஷி ஸ்புடதலிதபந்தூகஸுஹ்ருத-
ஸ்தடில்லேகாயந்தே தவ சரணபாதோஜகிரணா: ||15||
Padharavinda Sathakam 16-18 Meaning
Padharavinda Sathakam 16-18 Slokas
सरागः सद्वेषः प्रसृमरसरोजे प्रतिदिनं
निसर्गादाक्रामन्विबुधजनमूर्धानमधिकम् ।
कथङ्कारं मातः कथय पदपद्मस्तव सतां
नतानां कामाक्षि प्रकटयति कैवल्यसरणिम् ॥16॥
जपालक्ष्मीशोणो जनितपरमज्ञाननलिनी-
विकासव्यासङ्गो विफलितजगज्जाड्यगरिमा ।
मनःपूर्वाद्रिं मे तिलकयतु कामाक्षि तरसा
तमस्काण्डद्रोही तव चरणपाथोजरमणः ॥17॥
नमस्कुर्मः प्रेङ्खन्मणिकटकनीलोत्पलमहः-
पयोधौ रिङ्खद्भिर्नखकिरणफेनैर्धवलिते ।
स्फुटं कुर्वाणाय प्रबलचलदौर्वानलशिखा-
वितर्कं कामाक्ष्याः सततमरुणिम्ने चरणयोः ॥18॥
ஸராக: ஸத்வேஷ: ப்ரஸ்ருமரஸரோஜே ப்ரதிதினம்
னிஸர்காதாக்ராமந்விபுதஜனமூர்தானமதிகம் |
கதம்காரம் மாத: கதய பதபத்மஸ்தவ ஸதாம்
னதானாம் காமாக்ஷி ப்ரகடயதி கைவல்யஸரணிம் ||16||
ஜபாலக்ஷ்மீஶோணோ ஜனிதபரமஜ்ஞானனலினீ-
விகாஸவ்யாஸங்கோ விபலிதஜகஜ்ஜாட்யகரிமா |
மன:பூர்வாத்ரிம் மே திலகயது காமாக்ஷி தரஸா
தமஸ்காண்டத்ரோஹீ தவ சரணபாதோஜரமண: ||17||
னமஸ்குர்ம: ப்ரேங்கந்மணிகடகனீலோத்பலமஹ:-
பயோதௌ ரிங்கத்பிர்னககிரணபேனைர்தவலிதே |
ஸ்புடம் குர்வாணாய ப்ரபலசலதௌர்வானலஶிகா-
விதர்கம் காமாக்ஷ்யா: ஸததமருணிம்னே சரணயோ: ||18||
Padharavinda Sathakam 19-21 Meaning
Padharavinda Sathakam 19-21 Slokas
शिवे पाशायेतामलघुनि तमःकूपकुहरे
दिनाधीशायेतां मम हृदयपाथोजविपिने ।
नभोमासायेतां सरसकवितारीतिसरिति
त्वदीयौ कामाक्षि प्रसृतकिरणौ देवि चरणौ ॥19॥
निषक्तं श्रुत्यन्ते नयनमिव सद्वृत्तरुचिरैः
समैर्जुष्टं शुद्धैरधरमिव रम्यैर्द्विजगणैः ।
शिवे वक्षोजन्मद्वितयमिव मुक्ताश्रितमुमे
त्वदीयं कामाक्षि प्रणतशरणं नौमि चरणम् ॥20॥
नमस्यासंसज्जन्नमुचिपरिपन्थिप्रणयिनी-
निसर्गप्रेङ्खोलत्कुरलकुलकालाहिशबले ।
नखच्छायादुग्धोदधिपयसि ते वैद्रुमरुचां
प्रचारं कामाक्षि प्रचुरयति पादाब्जसुषमा ॥21॥
ஶிவே பாஶாயேதாமலகுனி தம:கூபகுஹரே
தினாதீஶாயேதாம் மம ஹ்ருதயபாதோஜவிபினே |
னபோமாஸாயேதாம் ஸரஸகவிதாரீதிஸரிதி
த்வதீயௌ காமாக்ஷி ப்ரஸ்ருதகிரணௌ தேவி சரணௌ ||19||
னிஷக்தம் ஶ்ருத்யந்தே னயனமிவ ஸத்வ்ருத்தருசிரை:
ஸமைர்ஜுஷ்டம் ஶுத்தைரதரமிவ ரம்யைர்த்விஜகணை: |
ஶிவே வக்ஷோஜந்மத்விதயமிவ முக்தாஶ்ரிதமுமே
த்வதீயம் காமாக்ஷி ப்ரணதஶரணம் னௌமி சரணம் ||20||
னமஸ்யாஸம்ஸஜ்ஜந்னமுசிபரிபந்திப்ரணயினீ-
னிஸர்கப்ரேங்கோலத்குரலகுலகாலாஹிஶபலே |
னகச்சாயாதுக்தோததிபயஸி தே வைத்ருமருசாம்
ப்ரசாரம் காமாக்ஷி ப்ரசுரயதி பாதாப்ஜஸுஷமா ||21||
Padharavinda Sathakam 22-24 Meaning
Padharavinda Sathakam 22-24 Slokas
कदा दूरीकर्तुं कटुदुरितकाकोलजनितं
महान्तं सन्तापं मदनपरिपन्थिप्रियतमे ।
क्षणात्ते कामाक्षि त्रिभुवनपरीतापहरणे
पटीयांसं लप्स्ये पदकमलसेवामृतरसम् ॥22॥
ययोः सान्ध्यं रोचिः सततमरुणिम्ने स्पृहयते
ययोश्चान्द्री कान्तिः परिपतति दृष्ट्वा नखरुचिम् ।
ययोः पाकोद्रेकं पिपठिषति भक्त्या किसलयं
म्रदिम्नः कामाक्ष्या मनसि चरणौ तौ तनुमहे ॥23॥
जगन्नेदं नेदं परमिति परित्यज्य यतिभिः
कुशाग्रीयस्वान्तैः कुशलधिषणैः शास्त्रसरणौ ।
गवेष्यं कामाक्षि ध्रुवमकृतकानां गिरिसुते
गिरामैदम्पर्यं तव चरणपद्मं विजयते ॥24॥
கதா தூரீகர்தும் கடுதுரிதகாகோலஜனிதம்
மஹாந்தம் ஸந்தாபம் மதனபரிபந்திப்ரியதமே |
க்ஷணாத்தே காமாக்ஷி த்ரிபுவனபரீதாபஹரணே
படீயாம்ஸம் லப்ஸ்யே பதகமலஸேவாம்ருதரஸம் ||22||
யயோ: ஸாந்த்யம் ரோசி: ஸததமருணிம்னே ஸ்ப்ருஹயதே
யயோஶ்சாந்த்ரீ காந்தி: பரிபததி த்ருஷ்ட்வா னகருசிம் |
யயோ: பாகோத்ரேகம் பிபடிஷதி பக்த்யா கிஸலயம்
ம்ரதிம்ன: காமாக்ஷ்யா மனஸி சரணௌ தௌ தனுமஹே ||23||
ஜகந்னேதம் னேதம் பரமிதி பரித்யஜ்ய யதிபி:
குஶாக்ரீயஸ்வாந்தை: குஶலதிஷணை: ஶாஸ்த்ரஸரணௌ |
கவேஷ்யம் காமாக்ஷி த்ருவமக்ருதகானாம் கிரிஸுதே
கிராமைதம்பர்யம் தவ சரணபத்மம் விஜயதே ||24||
Padharavinda Sathakam 25-27 Meaning
Padharavinda Sathakam 25-27 Slokas
कृतस्नानं शास्त्रामृतसरसि कामाक्षि नितरां
दधानं वैशद्यं कलितरसमानन्दसुधया ।
अलङ्कारं भूमेर्मुनिजनमनश्चिन्मयमहा-
पयोधेरन्तस्स्थं तव चरणरत्नं मृगयते ॥25॥
मनोगेहे मोहोद्भवतिमिरपूर्णे मम मुहुः
दरिद्राणीकुर्वन्दिनकरसहस्राणि किरणैः ।
विधत्तां कामाक्षि प्रसृमरतमोवञ्चनचणः
क्षणार्धं सान्निध्यं चरणमणिदीपो जननि ते ॥26॥
कवीनां चेतोवन्नखररुचिसम्पर्कि विबुध-
स्रवन्तीस्रोतोवत्पटुमुखरितं हंसकरवैः ।
दिनारम्भश्रीवन्नियतमरुणच्छायसुभगं
मदन्तः कामाक्ष्याः स्फुरतु पदपङ्केरुहयुगम् ॥27॥
க்ருதஸ்னானம் ஶாஸ்த்ராம்ருதஸரஸி காமாக்ஷி னிதராம்
ததானம் வைஶத்யம் கலிதரஸமானந்தஸுதயா |
அலம்காரம் பூமேர்முனிஜனமனஶ்சிந்மயமஹா-
பயோதேரந்தஸ்ஸ்தம் தவ சரணரத்னம் ம்ருகயதே ||25||
மனோகேஹே மோஹோத்பவதிமிரபூர்ணே மம முஹு:
தரித்ராணீகுர்வந்தினகரஸஹஸ்ராணி கிரணை: |
விதத்தாம் காமாக்ஷி ப்ரஸ்ருமரதமோவஞ்சனசண:
க்ஷணார்தம் ஸாந்னித்யம் சரணமணிதீபோ ஜனனி தே ||26||
கவீனாம் சேதோவந்னகரருசிஸம்பர்கி விபுத-
ஸ்ரவந்தீஸ்ரோதோவத்படுமுகரிதம் ஹம்ஸகரவை: |
தினாரம்பஶ்ரீவந்னியதமருணச்சாயஸுபகம்
மதந்த: காமாக்ஷ்யா: ஸ்புரது பதபங்கேருஹயுகம் ||27||
Padharavinda Sathakam 28-30 Meaning
Padharavinda Sathakam 28-30 Slokas
सदा किं सम्पर्कात्प्रकृतिकठिनैर्नाकिमुकुटैः
तटैर्नीहाराद्रेरधिकमणुना योगिमनसा ।
विभिन्ते संमोहं शिशिरयति भक्तानपि दृशाम्
अदृश्यं कामाक्षि प्रकटयति ते पादयुगलम् ॥28॥
पवित्राभ्यामम्ब प्रकृतिमृदुलाभ्यां तव शिवे
पदाभ्यां कामाक्षि प्रसभमभिभूतैः सचकितैः ।
प्रवालैरम्भोजैरपि च वनवासव्रतदशाः
सदैवारभ्यन्ते परिचरितनानाद्विजगणैः ॥29॥
चिराद्दृश्या हंसैः कथमपि सदा हंससुलभं
निरस्यन्ती जाड्यं नियतजडमध्यैकशरणम् ।
अदोषव्यासङ्गा सततमपि दोषाप्तिमलिनं
पयोजं कामाक्ष्याः परिहसति पादाब्जयुगली ॥30॥
ஸதா கிம் ஸம்பர்காத்ப்ரக்ருதிகடினைர்னாகிமுகுடை:
தடைர்னீஹாராத்ரேரதிகமணுனா யோகிமனஸா |
விபிந்தே ஸம்மோஹம் ஶிஶிரயதி பக்தானபி த்ருஶாம்
அத்ருஶ்யம் காமாக்ஷி ப்ரகடயதி தே பாதயுகலம் ||28||
பவித்ராப்யாமம்ப ப்ரக்ருதிம்ருதுலாப்யாம் தவ ஶிவே
பதாப்யாம் காமாக்ஷி ப்ரஸபமபிபூதை: ஸசகிதை: |
ப்ரவாலைரம்போஜைரபி ச வனவாஸவ்ரததஶா:
ஸதைவாரப்யந்தே பரிசரிதனானாத்விஜகணை: ||29||
சிராத்த்ருஶ்யா ஹம்ஸை: கதமபி ஸதா ஹம்ஸஸுலபம்
னிரஸ்யந்தீ ஜாட்யம் னியதஜடமத்யைகஶரணம் |
அதோஷவ்யாஸங்கா ஸததமபி தோஷாப்திமலினம்
பயோஜம் காமாக்ஷ்யா: பரிஹஸதி பாதாப்ஜயுகலீ ||30||
Padharavinda Sathakam 31-33 Meaning
Padharavinda Sathakam 31-33 Slokas
सुराणामानन्दप्रबलनतया मण्डनतया
नखेन्दुज्योत्स्नाभिर्विसृमरतमःखण्डनतया ।
पयोजश्रीद्वेषव्रतरततया त्वच्चरणयोः
विलासः कामाक्षि प्रकटयति नैशाकरदशाम् ॥31॥
सितिम्ना कान्तीनां नखरजनुषां पादनलिन-
च्छवीनां शोणिम्ना तव जननि कामाक्षि नमने ।
लभन्ते मन्दारग्रथितनवबन्धूककुसुम-
स्रजां सामीचीन्यं सुरपुरपुरन्ध्रीकचभराः ॥32॥
स्फुरन्मध्ये शुद्धे नखकिरणदुग्धाब्धिपयसां
वहन्नब्जं चक्रं दरमपि च लेखात्मकतया ।
श्रितो मात्स्यं रूपं श्रियमपि दधानो निरुपमां
त्रिधामा कामाक्ष्याः पदनलिननामा विजयते ॥33॥
ஸுராணாமானந்தப்ரபலனதயா மண்டனதயா
னகேந்துஜ்யோத்ஸ்னாபிர்விஸ்ருமரதம:கண்டனதயா |
பயோஜஶ்ரீத்வேஷவ்ரதரததயா த்வச்சரணயோ:
விலாஸ: காமாக்ஷி ப்ரகடயதி னைஶாகரதஶாம் ||31||
ஸிதிம்னா காந்தீனாம் னகரஜனுஷாம் பாதனலின-
ச்சவீனாம் ஶோணிம்னா தவ ஜனனி காமாக்ஷி னமனே |
லபந்தே மந்தாரக்ரதிதனவபந்தூககுஸும-
ஸ்ரஜாம் ஸாமீசீந்யம் ஸுரபுரபுரந்த்ரீகசபரா: ||32||
ஸ்புரந்மத்யே ஶுத்தே னககிரணதுக்தாப்திபயஸாம்
வஹந்னப்ஜம் சக்ரம் தரமபி ச லேகாத்மகதயா |
ஶ்ரிதோ மாத்ஸ்யம் ரூபம் ஶ்ரியமபி ததானோ னிருபமாம்
த்ரிதாமா காமாக்ஷ்யா: பதனலினனாமா விஜயதே ||33||
Padharavindaa Sathakam 34-36 Meaning
Padharavinda Sathakam 34-36 Slokas
नखश्रीसन्नद्धस्तबकनिचितः स्वैश्च किरणैः
पिशङ्गैः कामाक्षि प्रकटितलसत्पल्लवरुचिः ।
सतां गम्यः शङ्के सकलफलदाता सुरतरुः
त्वदीयः पादोஉयं तुहिनगिरिराजन्यतनये ॥34॥
वषट्कुर्वन्माञ्जीरकलकलैः कर्मलहरी-
हवींषि प्रौद्दण्डं ज्वलति परमज्ञानदहने ।
महीयान्कामाक्षि स्फुटमहसि जोहोति सुधियां
मनोवेद्यां मातस्तव चरणयज्वा गिरिसुते ॥35॥
महामन्त्रं किञ्चिन्मणिकटकनादैर्मृदु जपन्
क्षिपन्दिक्षु स्वच्छं नखरुचिमयं भास्मनरजः ।
नतानां कामाक्षि प्रकृतिपटुरच्चाट्य ममता-
पिशाचीं पादोஉयं प्रकटयति ते मान्त्रिकदशाम् ॥36॥
னகஶ்ரீஸந்னத்தஸ்தபகனிசித: ஸ்வைஶ்ச கிரணை:
பிஶங்கை: காமாக்ஷி ப்ரகடிதலஸத்பல்லவருசி: |
ஸதாம் கம்ய: ஶங்கே ஸகலபலதாதா ஸுரதரு:
த்வதீய: பாதோஉயம் துஹினகிரிராஜந்யதனயே ||34||
வஷட்குர்வந்மாஞ்ஜீரகலகலை: கர்மலஹரீ-
ஹவீம்ஷி ப்ரௌத்தண்டம் ஜ்வலதி பரமஜ்ஞானதஹனே |
மஹீயாந்காமாக்ஷி ஸ்புடமஹஸி ஜோஹோதி ஸுதியாம்
மனோவேத்யாம் மாதஸ்தவ சரணயஜ்வா கிரிஸுதே ||35||
மஹாமந்த்ரம் கிம்சிந்மணிகடகனாதைர்ம்ருது ஜபந்
க்ஷிபந்திக்ஷு ஸ்வச்சம் னகருசிமயம் பாஸ்மனரஜ: |
னதானாம் காமாக்ஷி ப்ரக்ருதிபடுரச்சாட்ய மமதா-
பிஶாசீம் பாதோஉயம் ப்ரகடயதி தே மாந்த்ரிகதஶாம் ||36||
Padharavinda Sathakam 37-39 Meaning
Padharavinda Sathakam 37-39 Slokas
उदीते बोधेन्दौ तमसि नितरां जग्मुषि दशां
दरिद्रां कामाक्षि प्रकटमनुरागं विदधती ।
सितेनाच्छाद्याङ्गं नखरुचिपटेनाङ्घ्रियुगली-
पुरन्ध्री ते मातः स्वयमभिसरत्येव हृदयम् ॥37॥
दिनारम्भः सम्पन्नलिनविपिनानामभिनवो
विकासो वासन्तः सुकविपिकलोकस्य नियतः ।
प्रदोषः कामाक्षि प्रकटपरमज्ञानशशिन-
श्चकास्ति त्वत्पादस्मरणमहिमा शैलतनये ॥38॥
धृतच्छायं नित्यं सरसिरुहमैत्रीपरिचितं
निधानं दीप्तीनां निखिलजगतां बोधजनकम् ।
मुमुक्षूणां मार्गप्रथनपटु कामाक्षि पदवीं
पदं ते पातङ्गीं परिकलयते पर्वतसुते ॥39॥
உதீதே போதேந்தௌ தமஸி னிதராம் ஜக்முஷி தஶாம்
தரித்ராம் காமாக்ஷி ப்ரகடமனுராகம் விதததீ |
ஸிதேனாச்சாத்யாங்கம் னகருசிபடேனாங்க்ரியுகலீ-
புரந்த்ரீ தே மாத: ஸ்வயமபிஸரத்யேவ ஹ்ருதயம் ||37||
தினாரம்ப: ஸம்பந்னலினவிபினானாமபினவோ
விகாஸோ வாஸந்த: ஸுகவிபிகலோகஸ்ய னியத: |
ப்ரதோஷ: காமாக்ஷி ப்ரகடபரமஜ்ஞானஶஶின-
ஶ்சகாஸ்தி த்வத்பாதஸ்மரணமஹிமா ஶைலதனயே ||38||
த்ருதச்சாயம் னித்யம் ஸரஸிருஹமைத்ரீபரிசிதம்
னிதானம் தீப்தீனாம் னிகிலஜகதாம் போதஜனகம் |
முமுக்ஷூணாம் மார்கப்ரதனபடு காமாக்ஷி பதவீம்
பதம் தே பாதங்கீம் பரிகலயதே பர்வதஸுதே ||39||
Padharavinda Sathakam 40-42 Meaning
Padharavinda Sathakam 40-42 Slokas
शनैस्तीर्त्वा मोहाम्बुधिमथ समारोढुमनसः
क्रमात्कैवल्याख्यां सुकृतिसुलभां सौधवलभीम् ।
लभन्ते निःश्रेणीमिव झटिति कामाक्षि चरणं
पुरश्चर्याभिस्ते पुरमथनसीमन्तिनि जनाः ॥40॥
प्रचण्डार्तिक्षोभप्रमथनकृते प्रातिभसरि-
त्प्रवाहप्रोद्दण्डीकरणजलदाय प्रणमताम् ।
प्रदीपाय प्रौढे भवतमसि कामाक्षि चरण-
प्रसादौन्मुख्याय स्पृहयति जनोஉयं जननि ते ॥41॥
मरुद्भिः संसेव्या सततमपि चाञ्चल्यरहिता
सदारुण्यं यान्ती परिणतिदरिद्राणसुषमा ।
गुणोत्कर्षान्माञ्जीरककलकलैस्तर्जनपटुः
प्रवालं कामाक्ष्याः परिहसति पादाब्जयुगली ॥42॥
ஶனைஸ்தீர்த்வா மோஹாம்புதிமத ஸமாரோடுமனஸ:
க்ரமாத்கைவல்யாக்யாம் ஸுக்ருதிஸுலபாம் ஸௌதவலபீம் |
லபந்தே னி:ஶ்ரேணீமிவ ஜடிதி காமாக்ஷி சரணம்
புரஶ்சர்யாபிஸ்தே புரமதனஸீமந்தினி ஜனா: ||40||
ப்ரசண்டார்திக்ஷோபப்ரமதனக்ருதே ப்ராதிபஸரி-
த்ப்ரவாஹப்ரோத்தண்டீகரணஜலதாய ப்ரணமதாம் |
ப்ரதீபாய ப்ரௌடே பவதமஸி காமாக்ஷி சரண-
ப்ரஸாதௌந்முக்யாய ஸ்ப்ருஹயதி ஜனோஉயம் ஜனனி தே ||41||
மருத்பி: ஸம்ஸேவ்யா ஸததமபி சாஞ்சல்யரஹிதா
ஸதாருண்யம் யாந்தீ பரிணதிதரித்ராணஸுஷமா |
குணோத்கர்ஷாந்மாஞ்ஜீரககலகலைஸ்தர்ஜனபடு:
ப்ரவாலம் காமாக்ஷ்யா: பரிஹஸதி பாதாப்ஜயுகலீ ||42||
Padharavinda Sathakam 43-45 Meaning
Padharavinda Sathakam 43-45 Slokas
जगद्रक्षादक्षा जलजरुचिशिक्षापटुतरा
समैर्नम्या रम्या सततमभिगम्या बुधजनैः ।
द्वयी लीलालोला श्रुतिषु सुरपालादिमुकुटी-
तटीसीमाधामा तव जननि कामाक्षि पदयोः ॥43॥
गिरां दूरौ चोरौ जडिमतिमिराणां कृतजग-
त्परित्राणौ शोणौ मुनिहृदयलीलैकनिपुणौ ।
नखैः स्मेरौ सारौ निगमवचसां खण्डितभव-
ग्रहोन्मादौ पादौ तव जननि कामाक्षि कलये ॥44॥
अविश्रान्तं पङ्कं यदपि कलयन्यावकमयं
निरस्यन्कामाक्षि प्रणमनजुषां पङ्कमखिलम् ।
तुलाकोटिद्वन्दं दधदपि च गच्छन्नतुलतां
गिरां मार्गं पादो गिरिवरसुते लङ्घयति ते ॥45॥
ஜகத்ரக்ஷாதக்ஷா ஜலஜருசிஶிக்ஷாபடுதரா
ஸமைர்னம்யா ரம்யா ஸததமபிகம்யா புதஜனை: |
த்வயீ லீலாலோலா ஶ்ருதிஷு ஸுரபாலாதிமுகுடீ-
தடீஸீமாதாமா தவ ஜனனி காமாக்ஷி பதயோ: ||43||
கிராம் தூரௌ சோரௌ ஜடிமதிமிராணாம் க்ருதஜக-
த்பரித்ராணௌ ஶோணௌ முனிஹ்ருதயலீலைகனிபுணௌ |
னகை: ஸ்மேரௌ ஸாரௌ னிகமவசஸாம் கண்டிதபவ-
க்ரஹோந்மாதௌ பாதௌ தவ ஜனனி காமாக்ஷி கலயே ||44||
அவிஶ்ராந்தம் பங்கம் யதபி கலயந்யாவகமயம்
னிரஸ்யந்காமாக்ஷி ப்ரணமனஜுஷாம் பங்கமகிலம் |
துலாகோடித்வந்தம் தததபி ச கச்சந்னதுலதாம்
கிராம் மார்கம் பாதோ கிரிவரஸுதே லங்கயதி தே ||45||
Padharavinda Sathakam 46-48 Meaning
Padharavinda Sathakam 46-48 Slokas
प्रवालं सव्रीलं विपिनविवरे वेपयति या
स्फुरल्लीलं बालातपमधिकबालं वदति या ।
रुचिं सान्ध्यां वन्ध्यां विरचयति या वर्धयतु सा
शिवं मे कामाक्ष्याः पदनलिनपाटल्यलहरी ॥46॥
किरञ्ज्योत्स्नारीतिं नखमुखरुचा हंसमनसां
वितन्वानः प्रीतिं विकचतरुणाम्भोरुहरुचिः ।
प्रकाशः श्रीपादस्तव जननि कामाक्षि तनुते
शरत्कालप्रौढिं शशिशकलचूडप्रियतमे ॥47॥
नखाङ्कूरस्मेरद्युतिविमलगङ्गाम्भसि सुखं
कृतस्नानं ज्ञानामृतममलमास्वाद्य नियतम् ।
उदञ्चन्मञ्जीरस्फुरणमणिदीपे मम मनो
मनोज्ञे कामाक्ष्याश्चरणमणिहर्म्ये विहरताम् ॥48॥
ப்ரவாலம் ஸவ்ரீலம் விபினவிவரே வேபயதி யா
ஸ்புரல்லீலம் பாலாதபமதிகபாலம் வததி யா |
ருசிம் ஸாந்த்யாம் வந்த்யாம் விரசயதி யா வர்தயது ஸா
ஶிவம் மே காமாக்ஷ்யா: பதனலினபாடல்யலஹரீ ||46||
கிரஞ்ஜ்யோத்ஸ்னாரீதிம் னகமுகருசா ஹம்ஸமனஸாம்
விதந்வான: ப்ரீதிம் விகசதருணாம்போருஹருசி: |
ப்ரகாஶ: ஶ்ரீபாதஸ்தவ ஜனனி காமாக்ஷி தனுதே
ஶரத்காலப்ரௌடிம் ஶஶிஶகலசூடப்ரியதமே ||47||
னகாங்கூரஸ்மேரத்யுதிவிமலகங்காம்பஸி ஸுகம்
க்ருதஸ்னானம் ஜ்ஞானாம்ருதமமலமாஸ்வாத்ய னியதம் |
உதஞ்சந்மஞ்ஜீரஸ்புரணமணிதீபே மம மனோ
மனோஜ்ஞே காமாக்ஷ்யாஶ்சரணமணிஹர்ம்யே விஹரதாம் ||48|
Padharavinda Sathakam 49-51 Meaning
Padharavinda Sathakam 49-51 Slokas
भवाम्भोधौ नौकां जडिमविपिने पावकशिखा-
ममर्त्येन्द्रादीनामधिमुकुटमुत्तंसकलिकाम् ।
जगत्तापे ज्योत्स्नामकृतकवचःपञ्जरपुटे
शुकस्त्रीं कामाक्ष्या मनसि कलये पादयुगलीम् ॥49॥
परत्मप्राकाश्यप्रतिफलनचुञ्चुः प्रणमतां
मनोज्ञस्त्वत्पादो मणिमुकुरमुद्रां कलयते ।
यदीयां कामाक्षि प्रकृतिमसृणाः शोधकदशां
विधातुं चेष्ठन्ते बलरिपुवधूटीकचभराः ॥50॥
अविश्रान्तं तिष्ठन्नकृतकवचःकन्दरपुटी-
कुटीरान्तः प्रौढं नखरुचिसटालीं प्रकटयन् ।
प्रचण्डं खण्डत्वं नयतु मम कामाक्षि तरसा
तमोवेतण्डेन्द्रं तव चरणकण्ठीरवपतिः ॥51॥
பவாம்போதௌ னௌகாம் ஜடிமவிபினே பாவகஶிகா-
மமர்த்யேந்த்ராதீனாமதிமுகுடமுத்தம்ஸகலிகாம் |
ஜகத்தாபே ஜ்யோத்ஸ்னாமக்ருதகவச:பஞ்ஜரபுடே
ஶுகஸ்த்ரீம் காமாக்ஷ்யா மனஸி கலயே பாதயுகலீம் ||49||
பரத்மப்ராகாஶ்யப்ரதிபலனசுஞ்சு: ப்ரணமதாம்
மனோஜ்ஞஸ்த்வத்பாதோ மணிமுகுரமுத்ராம் கலயதே |
யதீயாம் காமாக்ஷி ப்ரக்ருதிமஸ்ருணா: ஶோதகதஶாம்
விதாதும் சேஷ்டந்தே பலரிபுவதூடீகசபரா: ||50||
அவிஶ்ராந்தம் திஷ்டந்னக்ருதகவச:கந்தரபுடீ-
குடீராந்த: ப்ரௌடம் னகருசிஸடாலீம் ப்ரகடயந் |
ப்ரசண்டம் கண்டத்வம் னயது மம காமாக்ஷி தரஸா
தமோவேதண்டேந்த்ரம் தவ சரணகண்டீரவபதி: ||51||
Padharavinda Sathakam 52-54 Meaning
Padharavinda Sathakam 52-54 Slokas
पुरस्तात्कामाक्षि प्रचुररसमाखण्डलपुरी-
पुरन्ध्रीणां लास्यं तव ललितमालोक्य शनकैः ।
नखश्रीभिः स्मेरा बहु वितनुते नूपुररवै-
श्चमत्कृत्या शङ्के चरणयुगली चाटुरचनाः ॥52॥
सरोजं निन्दन्ती नखकिरणकर्पूरशिशिरा
निषिक्ता मारारेर्मुकुटशशिरेखाहिमजलैः ।
स्फुरन्ती कामाक्षि स्फुटरुचिमये पल्लवचये
तवाधत्ते मैत्रीं पथिकसुदृशा पादयुगली ॥53॥
नतानां सम्पत्तेरनवरतमाकर्षणजपः
प्ररोहत्संसारप्रसरगरिमस्तम्भनजपः ।
त्वदीयः कामाक्षि स्मरहरमनोमोहनजपः
पटीयान्नः पायात्पदनलिनमञ्जीरनिनदः ॥54॥
புரஸ்தாத்காமாக்ஷி ப்ரசுரரஸமாகண்டலபுரீ-
புரந்த்ரீணாம் லாஸ்யம் தவ லலிதமாலோக்ய ஶனகை: |
னகஶ்ரீபி: ஸ்மேரா பஹு விதனுதே னூபுரரவை-
ஶ்சமத்க்ருத்யா ஶங்கே சரணயுகலீ சாடுரசனா: ||52||
ஸரோஜம் னிந்தந்தீ னககிரணகர்பூரஶிஶிரா
னிஷிக்தா மாராரேர்முகுடஶஶிரேகாஹிமஜலை: |
ஸ்புரந்தீ காமாக்ஷி ஸ்புடருசிமயே பல்லவசயே
தவாதத்தே மைத்ரீம் பதிகஸுத்ருஶா பாதயுகலீ ||53||
னதானாம் ஸம்பத்தேரனவரதமாகர்ஷணஜப:
ப்ரரோஹத்ஸம்ஸாரப்ரஸரகரிமஸ்தம்பனஜப: |
த்வதீய: காமாக்ஷி ஸ்மரஹரமனோமோஹனஜப:
படீயாந்ன: பாயாத்பதனலினமஞ்ஜீரனினத: ||54||
Padharavinda Sathakam 55-57 Meaning
Padharavinda Sathakam 55-57 Slokas
वितन्वीथा नाथे मम शिरसि कामाक्षि कृपया
पदाम्भोजन्यासं पशुपरिबृढप्राणदयिते ।
पिबन्तो यन्मुद्रां प्रकटमुपकम्पापरिसरं
दृशा नानन्द्यन्ते नलिनभवनारायणमुखाः ॥55॥
प्रणामोद्यद्बृन्दारमुकुटमन्दारकलिका-
विलोलल्लोलम्बप्रकरमयधूमप्रचुरिमा ।
प्रदीप्तः पादाब्जद्युतिविततिपाटल्यलहरी-
कृशानुः कामाक्ष्या मम दहतु संसारविपिनम् ॥56॥
वलक्षश्रीरृक्षाधिपशिशुसदृक्षैस्तव नखैः
जिघृक्षुर्दक्षत्वं सरसिरुहभिक्षुत्वकरणे ।
क्षणान्मे कामाक्षि क्षपितभवसङ्क्षोभगरिमा
वचोवैचक्षन्यं चरणयुगली पक्ष्मलयतात् ॥57॥
விதந்வீதா னாதே மம ஶிரஸி காமாக்ஷி க்ருபயா
பதாம்போஜந்யாஸம் பஶுபரிப்ருடப்ராணதயிதே |
பிபந்தோ யந்முத்ராம் ப்ரகடமுபகம்பாபரிஸரம்
த்ருஶா னானந்த்யந்தே னலினபவனாராயணமுகா: ||55||
ப்ரணாமோத்யத்ப்ருந்தாரமுகுடமந்தாரகலிகா-
விலோலல்லோலம்பப்ரகரமயதூமப்ரசுரிமா |
ப்ரதீப்த: பாதாப்ஜத்யுதிவிததிபாடல்யலஹரீ-
க்ருஶானு: காமாக்ஷ்யா மம தஹது ஸம்ஸாரவிபினம் ||56||
வலக்ஷஶ்ரீர்ருக்ஷாதிபஶிஶுஸத்ருக்ஷைஸ்தவ னகை:
ஜிக்ருக்ஷுர்தக்ஷத்வம் ஸரஸிருஹபிக்ஷுத்வகரணே |
க்ஷணாந்மே காமாக்ஷி க்ஷபிதபவஸம்க்ஷோபகரிமா
வசோவைசக்ஷந்யம் சரணயுகலீ பக்ஷ்மலயதாத் ||57||
Padharavinda Sathakam 58-60 Meaning
Padharavinda Sathakam 58-60 Slokas
समन्तात्कामाक्षि क्षततिमिरसन्तानसुभगान्
अनन्ताभिर्भाभिर्दिनमनु दिगन्तान्विरचयन् ।
अहन्ताया हन्ता मम जडिमदन्तावलहरिः
विभिन्तां सन्तापं तव चरणचिन्तामणिरसौ ॥58॥
दधानो भास्वत्ताममृतनिलयो लोहितवपुः
विनम्राणां सौम्यो गुरुरपि कवित्वं च कलयन् ।
गतौ मन्दो गङ्गाधरमहिषि कामाक्षि भजतां
तमःकेतुर्मातस्तव चरणपद्मो विजयते ॥59॥
नयन्तीं दासत्वं नलिनभवमुख्यानसुलभ-
प्रदानाद्दीनानाममरतरुदौर्भाग्यजननीम् ।
जगज्जन्मक्षेमक्षयविधिषु कामाक्षि पदयो-
र्धुरीणामीष्टे करस्तव भणितुमाहोपुरुषिकाम् ॥60॥
ஸமந்தாத்காமாக்ஷி க்ஷததிமிரஸந்தானஸுபகாந்
அனந்தாபிர்பாபிர்தினமனு திகந்தாந்விரசயந் |
அஹந்தாயா ஹந்தா மம ஜடிமதந்தாவலஹரி:
விபிந்தாம் ஸந்தாபம் தவ சரணசிந்தாமணிரஸௌ ||58||
ததானோ பாஸ்வத்தாமம்ருதனிலயோ லோஹிதவபு:
வினம்ராணாம் ஸௌம்யோ குருரபி கவித்வம் ச கலயந் |
கதௌ மந்தோ கங்காதரமஹிஷி காமாக்ஷி பஜதாம்
தம:கேதுர்மாதஸ்தவ சரணபத்மோ விஜயதே ||59||
னயந்தீம் தாஸத்வம் னலினபவமுக்யானஸுலப-
ப்ரதானாத்தீனானாமமரதருதௌர்பாக்யஜனனீம் |
ஜகஜ்ஜந்மக்ஷேமக்ஷயவிதிஷு காமாக்ஷி பதயோ-
ர்துரீணாமீஷ்டே கரஸ்தவ பணிதுமாஹோபுருஷிகாம் ||60||
Padharavinda Sathakam 61-63 Meaning
Padharavinda Sathakam 61-63 Slokas
जनोஉयं सन्तप्तो जननि भवचण्डांशुकिरणैः
अलब्धवैकं शीतं कणमपि परज्ञानपयसः ।
तमोमार्गे पान्थस्तव झटिति कामाक्षि शिशिरां
पदाम्भोजच्छायां परमशिवजाये मृगयते ॥61॥
जयत्यम्ब श्रीमन्नखकिरणचीनांशुकमयं
वितानं बिभ्राणे सुरमुकुटसङ्घट्टमसृणे ।
निजारुण्यक्षौमास्तरणवति कामाक्षि सुलभा
बुधैः संविन्नारी तव चरणमाणिक्यभवने ॥62॥
प्रतीमः कामाक्षि स्फुरिततरुणादित्यकिरण-
श्रियो मूलद्रव्यं तव चरणमद्रीन्द्रतनये ।
सुरेन्द्राशामापूरयति यदसौ ध्वान्तमखिलं
धुनीते दिग्भागानपि च महसा पाटलयते ॥63॥
ஜனோஉயம் ஸந்தப்தோ ஜனனி பவசண்டாம்ஶுகிரணை:
அலப்தவைகம் ஶீதம் கணமபி பரஜ்ஞானபயஸ: |
தமோமார்கே பாந்தஸ்தவ ஜடிதி காமாக்ஷி ஶிஶிராம்
பதாம்போஜச்சாயாம் பரமஶிவஜாயே ம்ருகயதே ||61||
ஜயத்யம்ப ஶ்ரீமந்னககிரணசீனாம்ஶுகமயம்
விதானம் பிப்ராணே ஸுரமுகுடஸம்கட்டமஸ்ருணே |
னிஜாருண்யக்ஷௌமாஸ்தரணவதி காமாக்ஷி ஸுலபா
புதை: ஸம்விந்னாரீ தவ சரணமாணிக்யபவனே ||62||
ப்ரதீம: காமாக்ஷி ஸ்புரிததருணாதித்யகிரண-
ஶ்ரியோ மூலத்ரவ்யம் தவ சரணமத்ரீந்த்ரதனயே |
ஸுரேந்த்ராஶாமாபூரயதி யதஸௌ த்வாந்தமகிலம்
துனீதே திக்பாகானபி ச மஹஸா பாடலயதே ||63|
Padharavinda Sathakam 64-66 Meaning
Padharavinda Sathakam 64-66 Slokas
महाभाष्यव्याख्यापटुशयनमारोपयति वा
स्मरव्यापारेर्ष्यापिशुननिटिलं कारयति वा ।
द्विरेफाणामध्यासयति सततं वाधिवसतिं
प्रणम्रान्कामाक्ष्याः पदनलिनमाहात्म्यगरिमा ॥64॥
विवेकाम्भस्स्रोतस्स्नपनपरिपाटीशिशिरिते
समीभूते शास्त्रस्मरणहलसङ्कर्षणवशात् ।
सतां चेतःक्षेत्रे वपति तव कामाक्षि चरणो
महासंवित्सस्यप्रकरवरबीजं गिरिसुते ॥65॥
दधानो मन्दारस्तबकपरिपाटीं नखरुचा
वहन्दीप्तां शोणाङ्गुलिपटलचाम्पेयकलिकाम् ।
अशोकोल्लासं नः प्रचुरयतु कामाक्षि चरणो
विकासी वासन्तः समय इव ते शर्वदयिते ॥66॥
மஹாபாஷ்யவ்யாக்யாபடுஶயனமாரோபயதி வா
ஸ்மரவ்யாபாரேர்ஷ்யாபிஶுனனிடிலம் காரயதி வா |
த்விரேபாணாமத்யாஸயதி ஸததம் வாதிவஸதிம்
ப்ரணம்ராந்காமாக்ஷ்யா: பதனலினமாஹாத்ம்யகரிமா ||64||
விவேகாம்பஸ்ஸ்ரோதஸ்ஸ்னபனபரிபாடீஶிஶிரிதே
ஸமீபூதே ஶாஸ்த்ரஸ்மரணஹலஸம்கர்ஷணவஶாத் |
ஸதாம் சேத:க்ஷேத்ரே வபதி தவ காமாக்ஷி சரணோ
மஹாஸம்வித்ஸஸ்யப்ரகரவரபீஜம் கிரிஸுதே ||65||
ததானோ மந்தாரஸ்தபகபரிபாடீம் னகருசா
வஹந்தீப்தாம் ஶோணாங்குலிபடலசாம்பேயகலிகாம் |
அஶோகோல்லாஸம் ன: ப்ரசுரயது காமாக்ஷி சரணோ
விகாஸீ வாஸந்த: ஸமய இவ தே ஶர்வதயிதே ||66||
Padharavinda Sathakam 67-69 Meaning
Padharavinda Sathakam 67-69 Slokas
नखांशुप्राचुर्यप्रसृमरमरालालिधवलः
स्फुरन्मञ्जीरोद्यन्मरकतमहश्शैवलयुतः ।
भवत्याः कामाक्षि स्फुटचरणपाटल्यकपटो
नदः शोणाभिख्यो नगपतितनूजे विजयते ॥67॥
धुनानं पङ्कौघं परमसुलभं कण्टककुलैः
विकासव्यासङ्गं विदधदपराधीनमनिशम् ।
नखेन्दुज्योत्स्नाभिर्विशदरुचि कामाक्षि नितराम्
असामान्यं मन्ये सरसिजमिदं ते पदयुगम् ॥68॥
करीन्द्राय द्रुह्यत्यलसगतिलीलासु विमलैः
पयोजैर्मात्सर्यं प्रकटयति कामं कलयते ।
पदाम्भोजद्वन्द्वं तव तदपि कामाक्षि हृदयं
मुनीनां शान्तानां कथमनिशमस्मै स्पृहयते ॥69॥
னகாம்ஶுப்ராசுர்யப்ரஸ்ருமரமராலாலிதவல:
ஸ்புரந்மஞ்ஜீரோத்யந்மரகதமஹஶ்ஶைவலயுத: |
பவத்யா: காமாக்ஷி ஸ்புடசரணபாடல்யகபடோ
னத: ஶோணாபிக்யோ னகபதிதனூஜே விஜயதே ||67||
துனானம் பங்கௌகம் பரமஸுலபம் கண்டககுலை:
விகாஸவ்யாஸங்கம் விதததபராதீனமனிஶம் |
னகேந்துஜ்யோத்ஸ்னாபிர்விஶதருசி காமாக்ஷி னிதராம்
அஸாமாந்யம் மந்யே ஸரஸிஜமிதம் தே பதயுகம் ||68||
கரீந்த்ராய த்ருஹ்யத்யலஸகதிலீலாஸு விமலை:
பயோஜைர்மாத்ஸர்யம் ப்ரகடயதி காமம் கலயதே |
பதாம்போஜத்வந்த்வம் தவ ததபி காமாக்ஷி ஹ்ருதயம்
முனீனாம் ஶாந்தானாம் கதமனிஶமஸ்மை ஸ்ப்ருஹயதே ||69||
Padharavinda Sathakam 70-72 Meaning
Padharavinda Sathakam 70-72 Slokas
निरस्ता शोणिम्ना चरणकिरणानां तव शिवे
समिन्धाना सन्ध्यारुचिरचलराजन्यतनये ।
असामर्थ्यादेनं परिभवितुमेतत्समरुचां
सरोजानां जाने मुकुलयति शोभां प्रतिदिनम् ॥70॥
उपादिक्षद्दाक्ष्यं तव चरणनामा गुरुरसौ
मरालानां शङ्के मसृणगतिलालित्यसरणौ ।
अतस्ते निस्तन्द्रं नियतममुना सख्यपदवीं
प्रपन्नं पाथोजं प्रति दधति कामाक्षि कुतुकम् ॥71॥
दधानैः संसर्गं प्रकृतिमलिनैः षट्पदकुलैः
द्विजाधीशश्लाघाविधिषु विदधद्भिर्मुकुलताम् ।
रजोमिश्रैः पद्मैर्नियतमपि कामाक्षि पदयोः
विरोधस्ते युक्तो विषमशरवैरिप्रियतमे ॥72॥
னிரஸ்தா ஶோணிம்னா சரணகிரணானாம் தவ ஶிவே
ஸமிந்தானா ஸந்த்யாருசிரசலராஜந்யதனயே |
அஸாமர்த்யாதேனம் பரிபவிதுமேதத்ஸமருசாம்
ஸரோஜானாம் ஜானே முகுலயதி ஶோபாம் ப்ரதிதினம் ||70||
உபாதிக்ஷத்தாக்ஷ்யம் தவ சரணனாமா குருரஸௌ
மராலானாம் ஶங்கே மஸ்ருணகதிலாலித்யஸரணௌ |
அதஸ்தே னிஸ்தந்த்ரம் னியதமமுனா ஸக்யபதவீம்
ப்ரபந்னம் பாதோஜம் ப்ரதி தததி காமாக்ஷி குதுகம் ||71||
ததானை: ஸம்ஸர்கம் ப்ரக்ருதிமலினை: ஷட்பதகுலை:
த்விஜாதீஶஶ்லாகாவிதிஷு விததத்பிர்முகுலதாம் |
ரஜோமிஶ்ரை: பத்மைர்னியதமபி காமாக்ஷி பதயோ:
விரோதஸ்தே யுக்தோ விஷமஶரவைரிப்ரியதமே ||72||
Padharavinda Sathakam 73-75 Meaning
Padharavinda Sathakam 73-75 Slokas
कवित्वश्रीमिश्रीकरणनिपुणौ रक्षणचणौ
विपन्नानां श्रीमन्नलिनमसृणौ शोणकिरणौ ।
मुनीन्द्राणामन्तःकरणशरणौ मन्दसरणौ
मनोज्ञौ कामाक्ष्या दुरितहरणौ नौमि चरणौ ॥73॥
परस्मात्सर्वस्मादपि च परयोर्मुक्तिकरयोः
नखश्रीभिर्ज्योत्स्नाकलिततुलयोस्ताम्रतलयोः ।
निलीये कामाक्ष्या निगमनुतयोर्नाकिनतयोः
निरस्तप्रोन्मीलन्नलिनमदयोरेव पदयोः ॥74॥
स्वभावादन्योन्यं किसलयमपीदं तव पदं
म्रदिम्ना शोणिम्ना भगवति दधाते सदृशताम् ।
वने पूर्वस्येच्छा सततमवने किं तु जगतां
परस्येत्थं भेदः स्फुरति हृदि कामाक्षि सुधियाम् ॥75॥
கவித்வஶ்ரீமிஶ்ரீகரணனிபுணௌ ரக்ஷணசணௌ
விபந்னானாம் ஶ்ரீமந்னலினமஸ்ருணௌ ஶோணகிரணௌ |
முனீந்த்ராணாமந்த:கரணஶரணௌ மந்தஸரணௌ
மனோஜ்ஞௌ காமாக்ஷ்யா துரிதஹரணௌ னௌமி சரணௌ ||73||
பரஸ்மாத்ஸர்வஸ்மாதபி ச பரயோர்முக்திகரயோ:
னகஶ்ரீபிர்ஜ்யோத்ஸ்னாகலிததுலயோஸ்தாம்ரதலயோ: |
னிலீயே காமாக்ஷ்யா னிகமனுதயோர்னாகினதயோ:
னிரஸ்தப்ரோந்மீலந்னலினமதயோரேவ பதயோ: ||74||
ஸ்வபாவாதந்யோந்யம் கிஸலயமபீதம் தவ பதம்
ம்ரதிம்னா ஶோணிம்னா பகவதி ததாதே ஸத்ருஶதாம் |
வனே பூர்வஸ்யேச்சா ஸததமவனே கிம் து ஜகதாம்
பரஸ்யேத்தம் பேத: ஸ்புரதி ஹ்ருதி காமாக்ஷி ஸுதியாம் ||75||
Padharavinda Sathakam 76-78 Meaning
Padharavinda Sathakam 76-78 Slokas
कथं वाचालोஉपि प्रकटमणिमञ्जीरनिनदैः
सदैवानन्दार्द्रान्विरचयति वाचंयमजनान् ।
प्रकृत्या ते शोणच्छविरपि च कामाक्षि चरणो
मनीषानैर्मल्यं कथमिव नृणां मांसलयते ॥76॥
चलत्तृष्णावीचीपरिचलनपर्याकुलतया
मुहुर्भ्रान्तस्तान्तः परमशिववामाक्षि परवान् ।
तितीर्षुः कामाक्षि प्रचुरतरकर्माम्बुधिममुं
कदाहं लप्स्ये ते चरणमणिसेतुं गिरिसुते ॥77॥
विशुष्यन्त्यां प्रज्ञासरिति दुरितग्रीष्मसमय-
प्रभावेण क्षीणे सति मम मनःकेकिनि शुचा ।
त्वदीयः कामाक्षि स्फुरितचरणाम्भोदमहिमा
नभोमासाटोपं नगपतिसुते किं न कुरुते ॥78॥
கதம் வாசாலோஉபி ப்ரகடமணிமஞ்ஜீரனினதை:
ஸதைவானந்தார்த்ராந்விரசயதி வாசம்யமஜனாந் |
ப்ரக்ருத்யா தே ஶோணச்சவிரபி ச காமாக்ஷி சரணோ
மனீஷானைர்மல்யம் கதமிவ ந்ருணாம் மாம்ஸலயதே ||76||
சலத்த்ருஷ்ணாவீசீபரிசலனபர்யாகுலதயா
முஹுர்ப்ராந்தஸ்தாந்த: பரமஶிவவாமாக்ஷி பரவாந் |
திதீர்ஷு: காமாக்ஷி ப்ரசுரதரகர்மாம்புதிமமும்
கதாஹம் லப்ஸ்யே தே சரணமணிஸேதும் கிரிஸுதே ||77||
விஶுஷ்யந்த்யாம் ப்ரஜ்ஞாஸரிதி துரிதக்ரீஷ்மஸமய-
ப்ரபாவேண க்ஷீணே ஸதி மம மன:கேகினி ஶுசா |
த்வதீய: காமாக்ஷி ஸ்புரிதசரணாம்போதமஹிமா
னபோமாஸாடோபம் னகபதிஸுதே கிம் ன குருதே ||78||
Padharavinda Sathakam 79-81 Meaning
Padharavinda Sathakam 79-81 Slokas
विनम्राणां चेतोभवनवलभीसीम्नि चरण-
प्रदीपे प्राकाश्यं दधति तव निर्धूततमसि ।
असीमा कामाक्षि स्वयमलघुदुष्कर्मलहरी
विघूर्णन्ती शान्तिं शलभपरिपाटीव भजते ॥79॥
विराजन्ती शुक्तिर्नखकिरणमुक्तामणिततेः
विपत्पाथोराशौ तरिरपि नराणां प्रणमताम् ।
त्वदीयः कामाक्षि ध्रुवमलघुवह्निर्भववने
मुनीनां ज्ञानाग्नेररणिरयमङ्घिर्विजयते ॥80॥
समस्तैः संसेव्यः सततमपि कामाक्षि विबुधैः
स्तुतो गन्धर्वस्त्रीसुललितविपञ्चीकलरवैः ।
भवत्या भिन्दानो भवगिरिकुलं जृम्भिततमो-
बलद्रोही मातश्चरणपुरुहूतो विजयते ॥81॥
வினம்ராணாம் சேதோபவனவலபீஸீம்னி சரண-
ப்ரதீபே ப்ராகாஶ்யம் தததி தவ னிர்தூததமஸி |
அஸீமா காமாக்ஷி ஸ்வயமலகுதுஷ்கர்மலஹரீ
விகூர்ணந்தீ ஶாந்திம் ஶலபபரிபாடீவ பஜதே ||79||
விராஜந்தீ ஶுக்திர்னககிரணமுக்தாமணிததே:
விபத்பாதோராஶௌ தரிரபி னராணாம் ப்ரணமதாம் |
த்வதீய: காமாக்ஷி த்ருவமலகுவஹ்னிர்பவவனே
முனீனாம் ஜ்ஞானாக்னேரரணிரயமங்கிர்விஜயதே ||80||
ஸமஸ்தை: ஸம்ஸேவ்ய: ஸததமபி காமாக்ஷி விபுதை:
ஸ்துதோ கந்தர்வஸ்த்ரீஸுலலிதவிபஞ்சீகலரவை: |
பவத்யா பிந்தானோ பவகிரிகுலம் ஜ்ரும்பிததமோ-
பலத்ரோஹீ மாதஶ்சரணபுருஹூதோ விஜயதே ||81||
Padharavinda Sathakam 82-84 Meaning
Padharavinda Sathakam 82-84 Slokas
वसन्तं भक्तानामपि मनसि नित्यं परिलसद्-
घनच्छायापूर्णं शुचिमपि नृणां तापशमनम् ।
नखेन्दुज्योत्स्नाभिः शिशिरमपि पद्मोदयकरं
नमामः कामाक्ष्याश्चरणमधिकाश्चर्यकरणम् ॥82॥
कवीन्द्राणां नानाभणितिगुणचित्रीकृतवचः-
प्रपञ्चव्यापारप्रकटनकलाकौशलनिधिः ।
अधःकुर्वन्नब्जं सनकभृगुमुख्यैर्मुनिजनैः
नमस्यः कामाक्ष्याश्चरणपरमेष्ठी विजयते ॥83॥
भवत्याः कामाक्षि स्फुरितपदपङ्केरुहभुवां
परागाणां पूरैः परिहृतकलङ्कव्यतिकरैः ।
नतानामामृष्टे हृदयमुकुरे निर्मलरुचि
प्रसन्ने निश्शेषं प्रतिफलति विश्वं गिरिसुते ॥84॥
வஸந்தம் பக்தானாமபி மனஸி னித்யம் பரிலஸத்-
கனச்சாயாபூர்ணம் ஶுசிமபி ந்ருணாம் தாபஶமனம் |
னகேந்துஜ்யோத்ஸ்னாபி: ஶிஶிரமபி பத்மோதயகரம்
னமாம: காமாக்ஷ்யாஶ்சரணமதிகாஶ்சர்யகரணம் ||82||
கவீந்த்ராணாம் னானாபணிதிகுணசித்ரீக்ருதவச:-
ப்ரபஞ்சவ்யாபாரப்ரகடனகலாகௌஶலனிதி: |
அத:குர்வந்னப்ஜம் ஸனகப்ருகுமுக்யைர்முனிஜனை:
னமஸ்ய: காமாக்ஷ்யாஶ்சரணபரமேஷ்டீ விஜயதே ||83||
பவத்யா: காமாக்ஷி ஸ்புரிதபதபங்கேருஹபுவாம்
பராகாணாம் பூரை: பரிஹ்ருதகலங்கவ்யதிகரை: |
னதானாமாம்ருஷ்டே ஹ்ருதயமுகுரே னிர்மலருசி
ப்ரஸந்னே னிஶ்ஶேஷம் ப்ரதிபலதி விஶ்வம் கிரிஸுதே ||84||
Padharavinda Sathakam 85-87 Meaning
Padharavinda Sathakam 85-87 Slokas
तव त्रस्तं पादात्किसलयमरण्यान्तरमगात्
परं रेखारूपं कमलममुमेवाश्रितमभूत् ।
जितानां कामाक्षि द्वितयमपि युक्तं परिभवे
विदेशे वासो वा शरणगमनं वा निजरिपोः ॥85॥
गृहीत्वा याथार्थ्यं निगमवचसां देशिककृपा-
कटाक्षर्कज्योतिश्शमितममताबन्धतमसः ।
यतन्ते कामाक्षि प्रतिदिवसमन्तर्द्रढयितुं
त्वदीयं पादाब्जं सुकृतपरिपाकेन सुजनाः ॥86॥
जडानामप्यम्ब स्मरणसमये तवच्चरणयोः
भ्रमन्मन्थक्ष्माभृद्धुमुघुमितसिन्धुप्रतिभटाः ।
प्रसन्नाः कामाक्षि प्रसभमधरस्पन्दनकरा
भवन्ति स्वच्छन्दं प्रकृतिपरिपक्का भणितयः ॥87॥
தவ த்ரஸ்தம் பாதாத்கிஸலயமரண்யாந்தரமகாத்
பரம் ரேகாரூபம் கமலமமுமேவாஶ்ரிதமபூத் |
ஜிதானாம் காமாக்ஷி த்விதயமபி யுக்தம் பரிபவே
விதேஶே வாஸோ வா ஶரணகமனம் வா னிஜரிபோ: ||85||
க்ருஹீத்வா யாதார்த்யம் னிகமவசஸாம் தேஶிகக்ருபா-
கடாக்ஷர்கஜ்யோதிஶ்ஶமிதமமதாபந்ததமஸ: |
யதந்தே காமாக்ஷி ப்ரதிதிவஸமந்தர்த்ரடயிதும்
த்வதீயம் பாதாப்ஜம் ஸுக்ருதபரிபாகேன ஸுஜனா: ||86||
ஜடானாமப்யம்ப ஸ்மரணஸமயே தவச்சரணயோ:
ப்ரமந்மந்தக்ஷ்மாப்ருத்துமுகுமிதஸிந்துப்ரதிபடா: |
ப்ரஸந்னா: காமாக்ஷி ப்ரஸபமதரஸ்பந்தனகரா
பவந்தி ஸ்வச்சந்தம் ப்ரக்ருதிபரிபக்கா பணிதய: ||87||
Padharavinda Sathakam 88-90 Meaning
Padharavinda Sathakam 88-90 Slokas
वहन्नप्यश्रान्तं मधुरनिनदं हंसकमसौ
तमेवाधः कर्तुं किमिव यतते केलिगमने ।
भवस्यैवानन्दं विदधदपि कामाक्षि चरणो
भवत्यास्तद्द्रोहं भगवति किमेवं वितनुते ॥88॥
यदत्यन्तं ताम्यत्यलसगतिवार्तास्वपि शिवे
तदेतत्कामाक्षि प्रकृतिमृदुलं ते पदयुगम् ।
किरीटैः सङ्घट्टं कथमिव सुरौघस्य सहते
मुनीन्द्राणामास्ते मनसि च कथं सूचिनिशिते ॥89॥
मनोरङ्गे मत्के विबुधजनसंमोदजननी
सरागव्यासङ्गं सरसमृदुसञ्चारसुभगा ।
मनोज्ञा कामाक्षि प्रकटयतु लास्यप्रकरणं
रणन्मञ्जीरा ते चरणयुगलीनर्तकवधूः ॥90॥
வஹந்னப்யஶ்ராந்தம் மதுரனினதம் ஹம்ஸகமஸௌ
தமேவாத: கர்தும் கிமிவ யததே கேலிகமனே |
பவஸ்யைவானந்தம் விதததபி காமாக்ஷி சரணோ
பவத்யாஸ்தத்த்ரோஹம் பகவதி கிமேவம் விதனுதே ||88||
யதத்யந்தம் தாம்யத்யலஸகதிவார்தாஸ்வபி ஶிவே
ததேதத்காமாக்ஷி ப்ரக்ருதிம்ருதுலம் தே பதயுகம் |
கிரீடை: ஸம்கட்டம் கதமிவ ஸுரௌகஸ்ய ஸஹதே
முனீந்த்ராணாமாஸ்தே மனஸி ச கதம் ஸூசினிஶிதே ||89||
மனோரங்கே மத்கே விபுதஜனஸம்மோதஜனனீ
ஸராகவ்யாஸங்கம் ஸரஸம்ருதுஸம்சாரஸுபகா |
மனோஜ்ஞா காமாக்ஷி ப்ரகடயது லாஸ்யப்ரகரணம்
ரணந்மஞ்ஜீரா தே சரணயுகலீனர்தகவதூ: ||90||
Padharavinda Sathakam 91-93 Meaning
Padharavinda Sathakam 91-93 Slokas
परिष्कुर्वन्मातः पशुपतिकपर्दं चरणराट्
पराचां हृत्पद्मं परमभणितीनां च मकुटम् ।
भवाख्ये पाथोधौ परिहरतु कामाक्षि ममता-
पराधीनत्वं मे परिमुषितपाथोजमहिमा ॥91॥
प्रसूनैः सम्पर्कादमरतरुणीकुन्तलभवैः
अभीष्टानां दानादनिशमपि कामाक्षि नमताम् ।
स्वसङ्गात्कङ्केलिप्रसवजनकत्वेन च शिवे
त्रिधा धत्ते वार्तां सुरभिरिति पादो गिरिसुते ॥92॥
महामोहस्तेनव्यतिकरभयात्पालयति यो
विनिक्षिप्तं स्वस्मिन्निजजनमनोरत्नमनिशम् ।
स रागस्योद्रेकात्सततमपि कामाक्षि तरसा
किमेवं पादोஉसौ किसलयरुचिं चोरयति ते ॥93॥
பரிஷ்குர்வந்மாத: பஶுபதிகபர்தம் சரணராட்
பராசாம் ஹ்ருத்பத்மம் பரமபணிதீனாம் ச மகுடம் |
பவாக்யே பாதோதௌ பரிஹரது காமாக்ஷி மமதா-
பராதீனத்வம் மே பரிமுஷிதபாதோஜமஹிமா ||91||
ப்ரஸூனை: ஸம்பர்காதமரதருணீகுந்தலபவை:
அபீஷ்டானாம் தானாதனிஶமபி காமாக்ஷி னமதாம் |
ஸ்வஸங்காத்கங்கேலிப்ரஸவஜனகத்வேன ச ஶிவே
த்ரிதா தத்தே வார்தாம் ஸுரபிரிதி பாதோ கிரிஸுதே ||92||
மஹாமோஹஸ்தேனவ்யதிகரபயாத்பாலயதி யோ
வினிக்ஷிப்தம் ஸ்வஸ்மிந்னிஜஜனமனோரத்னமனிஶம் |
ஸ ராகஸ்யோத்ரேகாத்ஸததமபி காமாக்ஷி தரஸா
கிமேவம் பாதோஉஸௌ கிஸலயருசிம் சோரயதி தே ||93||
Padharavinda Sathakam 94-96 Meaning
Padharavinda Sathakam 94-96 Slokas
सदा स्वादुङ्कारं विषयलहरीशालिकणिकां
समास्वाद्य श्रान्तं हृदयशुकपोतं जननि मे ।
कृपाजाले फालेक्षणमहिषि कामाक्षि रभसात्
गृहीत्वा रुन्धीथारस्तव पदयुगीपञ्जरपुटे ॥94॥
धुनानं कामाक्षि स्मरणलवमात्रेण जडिम-
ज्वरप्रौढिं गूढस्थिति निगमनैकुञ्जकुहरे ।
अलभ्यं सर्वेषां कतिचन लभन्ते सुकृतिनः
चिरादन्विष्यन्तस्तव चरणसिद्धौषधमिदम् ॥95॥
रणन्मञ्जीराभ्यां ललितगमनाभ्यां सुकृतिनां
मनोवास्तव्याभ्यां मथिततिमिराभ्यां नखरुचा ।
निधेयाभ्यां पत्या निजशिरसि कामाक्षि सततं
नमस्ते पादाभ्यां नलिनमृदुलाभ्यां गिरिसुते ॥96॥
ஸதா ஸ்வாதும்காரம் விஷயலஹரீஶாலிகணிகாம்
ஸமாஸ்வாத்ய ஶ்ராந்தம் ஹ்ருதயஶுகபோதம் ஜனனி மே |
க்ருபாஜாலே பாலேக்ஷணமஹிஷி காமாக்ஷி ரபஸாத்
க்ருஹீத்வா ருந்தீதாரஸ்தவ பதயுகீபஞ்ஜரபுடே ||94||
துனானம் காமாக்ஷி ஸ்மரணலவமாத்ரேண ஜடிம-
ஜ்வரப்ரௌடிம் கூடஸ்திதி னிகமனைகுஞ்ஜகுஹரே |
அலப்யம் ஸர்வேஷாம் கதிசன லபந்தே ஸுக்ருதின:
சிராதந்விஷ்யந்தஸ்தவ சரணஸித்தௌஷதமிதம் ||95||
ரணந்மஞ்ஜீராப்யாம் லலிதகமனாப்யாம் ஸுக்ருதினாம்
மனோவாஸ்தவ்யாப்யாம் மதிததிமிராப்யாம் னகருசா |
னிதேயாப்யாம் பத்யா னிஜஶிரஸி காமாக்ஷி ஸததம்
னமஸ்தே பாதாப்யாம் னலினம்ருதுலாப்யாம் கிரிஸுதே ||96||
Padharavinda Sathakam 97-99 Meaning
Padharavinda Sathakam 97-99 Slokas
सुरागे राकेन्दुप्रतिनिधिमुखे पर्वतसुते
चिराल्लभ्ये भक्त्या शमधनजनानां परिषदा ।
मनोभृङ्गो मत्कः पदकमलयुग्मे जननि ते
प्रकामं कामाक्षि त्रिपुरहरवामाक्षि रमताम् ॥97॥
शिवे संविद्रूपे शशिशकलचूडप्रियतमे
शनैर्गत्यागत्या जितसुरवरेभे गिरिसुते ।
यतन्ते सन्तस्ते चरणनलिनालानयुगले
सदा बद्धं चित्तप्रमदकरियूथं दृढतरम् ॥98॥
यशः सूते मातर्मधुरकवितां पक्ष्मलयते
श्रियं दत्ते चित्ते कमपि परिपाकं प्रथयते ।
सतां पाशग्रन्थिं शिथिलयति किं किं न कुरुते
प्रपन्ने कामाक्ष्याः प्रणतिपरिपाटी चरणयोः ॥99॥
ஸுராகே ராகேந்துப்ரதினிதிமுகே பர்வதஸுதே
சிரால்லப்யே பக்த்யா ஶமதனஜனானாம் பரிஷதா |
மனோப்ருங்கோ மத்க: பதகமலயுக்மே ஜனனி தே
ப்ரகாமம் காமாக்ஷி த்ரிபுரஹரவாமாக்ஷி ரமதாம் ||97||
ஶிவே ஸம்வித்ரூபே ஶஶிஶகலசூடப்ரியதமே
ஶனைர்கத்யாகத்யா ஜிதஸுரவரேபே கிரிஸுதே |
யதந்தே ஸந்தஸ்தே சரணனலினாலானயுகலே
ஸதா பத்தம் சித்தப்ரமதகரியூதம் த்ருடதரம் ||98||
யஶ: ஸூதே மாதர்மதுரகவிதாம் பக்ஷ்மலயதே
ஶ்ரியம் தத்தே சித்தே கமபி பரிபாகம் ப்ரதயதே |
ஸதாம் பாஶக்ரந்திம் ஶிதிலயதி கிம் கிம் ன குருதே
ப்ரபந்னே காமாக்ஷ்யா: ப்ரணதிபரிபாடீ சரணயோ: ||99||
Padharavinda Sathakam 100-103 Meaning
Padharavinda Sathakam 100-103 Slokas
मनीषां माहेन्द्रीं ककुभमिव ते कामपि दशां
प्रधत्ते कामाक्ष्याश्चरणतरुणादित्यकिरणः ।
यदीये सम्पर्के धृतरसमरन्दा कवयतां
परीपाकं धत्ते परिमलवती सूक्तिनलिनी ॥100॥
पुरा मारारातिः पुरमजयदम्ब स्तवशतैः
प्रसन्नायां सत्यां त्वयि तुहिनशैलेन्द्रतनये ।
अतस्ते कामाक्षि स्फुरतु तरसा कालसमये
समायाते मातर्मम मनसि पादाब्जयुगलम् ॥101॥
पदद्वन्द्वं मन्दं गतिषु निवसन्तं हृदि सतां
गिरामन्ते भ्रान्तं कृतकरहितानां परिबृढे ।
जनानामानन्दं जननि जनयन्तं प्रणमतां
त्वदीयं कामाक्षि प्रतिदिनमहं नौमि विमलम् ॥102॥
इदं यः कामाक्ष्याश्चरणनलिनस्तोत्रशतकं
जपेन्नित्यं भक्त्या निखिलजगदाह्लादजनकम् ।
स विश्वेषां वन्द्यः सकलकविलोकैकतिलकः
चिरं भुक्त्वा भोगान्परिणमति चिद्रूपकलया ॥103॥
॥ इति पादारविन्दशतकं सम्पूर्णम् ॥
மனீஷாம் மாஹேந்த்ரீம் ககுபமிவ தே காமபி தஶாம்
ப்ரதத்தே காமாக்ஷ்யாஶ்சரணதருணாதித்யகிரண: |
யதீயே ஸம்பர்கே த்ருதரஸமரந்தா கவயதாம்
பரீபாகம் தத்தே பரிமலவதீ ஸூக்தினலினீ ||100||
புரா மாராராதி: புரமஜயதம்ப ஸ்தவஶதை:
ப்ரஸந்னாயாம் ஸத்யாம் த்வயி துஹினஶைலேந்த்ரதனயே |
அதஸ்தே காமாக்ஷி ஸ்புரது தரஸா காலஸமயே
ஸமாயாதே மாதர்மம மனஸி பாதாப்ஜயுகலம் ||101||
பதத்வந்த்வம் மந்தம் கதிஷு னிவஸந்தம் ஹ்ருதி ஸதாம்
கிராமந்தே ப்ராந்தம் க்ருதகரஹிதானாம் பரிப்ருடே |
ஜனானாமானந்தம் ஜனனி ஜனயந்தம் ப்ரணமதாம்
த்வதீயம் காமாக்ஷி ப்ரதிதினமஹம் னௌமி விமலம் ||102||
இதம் ய: காமாக்ஷ்யாஶ்சரணனலினஸ்தோத்ரஶதகம்
ஜபேந்னித்யம் பக்த்யா னிகிலஜகதாஹ்லாதஜனகம் |
ஸ விஶ்வேஷாம் வந்த்ய: ஸகலகவிலோகைகதிலக:
சிரம் புக்த்வா போகாந்பரிணமதி சித்ரூபகலயா ||103||
|| இதி பாதாரவிந்தஶதகம் ஸம்பூர்ணம் ||